ជាតិ
វីដេអូ
លំបាកស្វែងរកឯកសារ ជំរុញឱ្យលោក ឃិន វណ្ឌី រៀបរៀងសៀវភៅជំនួយដល់គ្រូសតវត្សរ៍ទី២១ លោក ឃិន វណ្ឌី គ្រូឧទ្ទេសឧត្តមសិក្សានៃវិទ្យាស្ថានជាតិអប់រំ
× ភ្នំពេញ៖ ក្នុងពិព័រណ៍សៀវភៅលើកទី១០ ឆ្នាំ២០២៣ លោក ឃិន វណ្ឌី គ្រូឧទ្ទេសឧត្តមសិក្សានៃវិទ្យាស្ថានជាតិអប់រំ បានយកសៀវភៅដែលជាស្នាដៃរៀបរៀងរបស់លោក មកលក់ចំនួន ៥ចំណងជើង។ សៀវភៅរបស់គ្រូឧទ្ទេសរូបនេះ ផ្ដោតលើការអប់រំ និងជាសៀវភៅជំនួយដល់គ្រូសតវត្សរ៍ទី២១។ ក្នុងបទសម្ភាសជាមួយសារព័ត៌មាន Thmey Thmey 25 លោក ឃិន វណ្ឌី លើកឡើងថា ការរៀបរៀងសៀវភៅទាំងនេះ កើតចេញពីផលលំបាកនៃការស្វែងរកឯកសារសិក្សាទាក់ទងនឹងការអប់រំ។
ត្រឹមរយៈពេល៥ឆ្នាំប៉ុណ្ណោះ លោក ឃិន វណ្ឌី គ្រូឧទ្ទេសឧត្តមសិក្សានៃវិទ្យាស្ថានជាតិអប់រំ រៀបរៀងសៀវភៅបាន ៥ចំណងជើង។ សៀវភៅទាំងនោះ មានដូចជា សៀវភៅវិធីសាស្រ្តបង្រៀន, ទស្សនវិជ្ជាអប់រំ, ការគ្រប់គ្រងថ្នាក់រៀន, យុទ្ធសាស្រ្តបង្រៀន និងចិត្តវិទ្យាអប់រំ។ បើតាមលោក ឃិន វណ្ឌី សៀវភៅទាំងនេះ ជាកម្រងឯកសារស្រាវជ្រាវ ដែលជួយបង្ហាញផ្លូវដល់គ្រូបង្រៀន គរុនិស្សិត គរុសិស្ស ឱ្យបានជ្រាបកាន់តែច្បាស់ពីការបង្រៀន និងការអប់រំសិស្ស៕
សូមអញ្ជើញទស្សនាបទសម្ភាសរវាងអ្នកស្រី ញឹក ស្រីល័ក្ខ អ្នកសារព័ត៌មាន Thmey Thmey 25 ជាមួយលោក ឃិន វណ្ឌី គ្រូឧទ្ទេសឧត្តមសិក្សានៃវិទ្យាស្ថានជាតិអប់រំដូចតទៅ៖
© រក្សាសិទ្ធិដោយ thmeythmey.com