ជាតិ
វីដេអូ
ពហុកីឡដ្ឋានជាតិអូឡាំពិក សំណង់ស្ថាបត្យកម្មដែលមានប្រវត្តិសាស្ត្រពេញខ្លួន
× ភ្នំពេញ៖ ពហុកីឡាដ្ឋានជាតិអូឡាំពិក បានទទួលព្រឹត្តិការណ៍ធំៗជាច្រើន ចាប់តាំងពីសំណង់នេះត្រូវបានសាងសង់រួចនាឆ្នាំ១៩៦៤ ហើយក៏ជាសំណង់ដែលពោរពេញទៅដោយប្រវត្តិជាច្រើន។ ពហុកីឡាដ្ឋានជាតិអូឡាំពិកមានផ្លាកអនុស្សាវរីយប្រវត្តិសាស្ត្រមួយ ធ្វើពីលោហធាតុ និងមានខ្នាតប្រហែល ១០០ លើ ៨០ សង់ទីម៉ែត្រ។ ផ្ទាំងដែកនេះ មានខ្លឹមសារជាភាសាខ្មែរ និងជាភាសាបារាំងថា : នៅទីនេះ នាថ្ងៃទី ១ ខែកញ្ញា ឆ្នាំ ១៩៦៦ លោកឧត្តមសេនីយ ដឺហ្គោល សាល ប្រធានាធិបតីនៃសាធារណរដ្ឋបារាំង ដោយមានវត្តមាន សម្ដេចព្រះ នរោត្តម សីហនុ ព្រះប្រមុខរដ្ឋ ព្រះបរមរតនកោដ្ឋ បានថ្លែងព្រះរាជសុន្ទរកថាជាប្រវត្តិសាស្ត្រមួយ ដែលគេប្រសិទ្ធិនាមថា "សុន្ទរកថានាក្រុងភ្នំពេញ" ។
ដើម្បីជ្រាបច្បាស់សូមអញ្ជើញទស្សនាការអត្ថាធិប្បាយរបស់នាយយ៉ាន នៃសារព័ត៌មានថ្មីៗដូចតទៅ៖
ពហុកីឡាដ្ឋានជាតិអូឡាំពិកដ៏ល្បីល្បាញនេះ ក៏បានទទួលព្រឹត្តិការណ៍សំខាន់មួយមុននឹងព្រឹត្តិការណ៍ខាងលើដែរ នោះគឺនៅឆ្នាំ ១៩៦៥ ដែលកម្ពុជាទទួលធ្វើជាម្ចាស់ផ្ទះព្រឹត្តិការណ៍កីឡា GANEFO អាស៊ីលើកទី១។ គ្រានោះពហុកីឡដ្ឋានជាតិអូឡាំពិកបានក្លាយជាទីតាំងសម្រាប់ការប្រកួតអត្តពលកម្ម កីឡាហែលទឹក និងកីឡាផ្សេងៗទៀត ព្រមទាំងពិធីបើកព្រឹត្តិការណ៍កីឡានេះដែរ។
ពហុកីឡដ្ឋានដែលចេញប្លង់ដោយបិតាស្ថាបត្យករ វណ្ណ មូលីវណ្ណ សាងសង់ឡើងដើម្បីធ្វើជាម្ចាស់ផ្ទះកីឡាអាស៊ីអាគ្នេយ៍ឆ្នាំ១៩៦៣។ ប៉ុន្តែដោយសា្ថនភាពនយោបាយក្នុងប្រទេសកម្ពុជាខកឱកាសរៀបចំព្រឹត្តិការណ៍នេះ ដោយត្រូវរង់ចាំ៧០ឆ្នាំក្រោយគឺឆ្នាំ២០២៣ ទើបកម្ពុជា បានរៀបចំព្រឹត្តិការណ៍ស៊ីហ្គេមលើកទី៣២។ ព្រឹត្តិការណ៍ស៊ីហ្គេមលើកទី៣២ ពហុកីឡាដ្ឋានជាតិបានទទួលព្រឹត្តិការណ៍ប្រកួតកីឡាជាច្រើនប្រភេទផងដែរ។ ពហុកីឡដ្ឋានជាតិអូឡាំពិក មិនដែលបានឃើញល្បែងកីឡាអូឡាំពិកទេ ប៉ុន្តែមានឈ្មោះថាអូឡាំពិក នោះដ៏ព្រោះតែនៅពេលស្តាតនេះសង់រួចរាល់នាឆ្នាំ១៩៦៤ វាគឺជាកីឡដ្ឋានធំជាងគេនៅតំបន់អាស៊ីអាគ្នេយ៍។
អគារដែលមានប្រវត្តិសាស្ត្រពេញខ្លួននេះ ស្ថិតនៅខណ្ឌ៧មករា មានច្រកចូល៣ដែលសាធារណជនអាចថ្មើរជើងចូលក្នុងទីលានបានដោយសេរី៕
Tag:
ស្តាតអូឡាំពិក
ស្ថាបត្យកម្ម
© រក្សាសិទ្ធិដោយ thmeythmey.com