ប្រាសាទភ្នំតាម៉ៅ ក្នុងខេត្តតាកែវ ដែលមានទេសចរតិចតួចស្គាល់

ជាតិ

វីដេអូ

ប្រាសាទភ្នំតាម៉ៅ ក្នុងខេត្តតាកែវ ដែលមានទេសចរតិចតួចស្គាល់

20, Dec 2023 , 8:59 pm

រូបភាព

ដោយ: នាយយ៉ាន

តាកែវ៖ សួនសត្វភ្នំតាម៉ៅ ក្នុងខេត្តតាកែវ ត្រូវបានអ្នកទេសចរជាច្រើនស្គាល់។ ទេសចរខ្លះ ក៏បាន ស្គាល់ដែរតំបន់ផ្ទៃដីការពារព្រៃឈើ ឬសួនភូតគាម។ ប៉ុន្តែមានតិចតួចណាស់ ដែលស្គាល់សំណង់ប្រាសាទឥដ្ឋមួយ ដែលសង់នាសតវត្សទី១១ ស្ថិតនៅកំពូលភ្នំតាម៉ៅ។ ប្រាសាទនេះ មានកម្ពស់៣០ម៉ែត្រ ដែលសព្វថ្ងៃមានសេសសល់តែជញ្ជាំងប៉ុណ្ណោះនៅមិនទាន់រលំ បែកបាក់។ អ្វីដែលគួរចាប់អារម្មណ៍ គឺចម្លាក់ថ្មមួយដែលទុកដាក់លើគ្រឹះមួយ។ វាមានទំហំប្រហែល ១ម៉ែត្រ លើ២ម៉ែត្រ។ រូបចំលាក់នេះបង្ហាញព្រះវិស្ណុ និងមនុស្សច្រើនរូប។

ដើម្បីជ្រាបច្បាស់សូមអញ្ជើញលោកអ្នកនាងទស្សនាវីដេអូខាងក្រោមនេះ៖

តាមលោកតាអាចារ្យមួយរូប ក្នុងវត្តភ្នំតាម៉ៅ គេដាក់ឈ្មោះភ្នំនេះ ថា«ភ្នំតាម៉ៅ» ព្រោះកាលពីដើមអាណានិគមបារាំង [សតវត្សទី១៩] តាម៉ៅមកទីនេះ។ ប៉ុន្តែមិនបានដឹងពីឈ្មោះដើមរបស់ប្រាសាទនេះឡើយ។

ប្រាសាទភ្នំតាម៉ៅ មានទីតាំងស្ថិតនៅក្នុងភូមិត្រពាំងសាប ឃុំត្រពាំងសាប ស្រុកបាទី ខេត្តតាកែវ៕