ស្ត្រីមានផ្ទៃពោះ និងកុមារ អាយុ៤ឆ្នាំ ស្លាប់ ក្នុងហេតុការណ៍អគ្គិភ័យមួយ ក្នុងក្រុងសៀមរាប

ជាតិ

សង្គមជាតិ

ស្ត្រីមានផ្ទៃពោះ និងកុមារ អាយុ៤ឆ្នាំ ស្លាប់ ក្នុងហេតុការណ៍អគ្គិភ័យមួយ ក្នុងក្រុងសៀមរាប

27, Dec 2023 , 10:40 am

រូបភាព

ករណីអគ្គិភ័យនៅសង្កាត់ស្វាយដង្គំ ក្រុងសៀមរាប នៅព្រឹកថ្ងៃទី២៧ ខែធ្នូ ឆ្នាំ២០២៣។ រូបភាព អធិការដ្ឋាននគរបាលក្រុងសៀមរាប។

ដោយ: ស៊ុល រ៉វី

សៀមរាប៖ ហេតុការណ៍អគ្គិភ័យ នៅព្រឹកថ្ងៃទី២៧ ខែធ្នូនេះ បានសម្លាប់ស្ត្រីមានផ្ទៃពោះម្នាក់ និងកុមារអាយុ៤ឆ្នាំម្នាក់។ ហេតុការណ៍នេះ បានកើតឡើង នៅតូបមុខផ្សារក្រោម សង្កាត់ស្វាយដង្គំ ក្រុងសៀមរាប កាលពីវេលាម៉ោង៤ និង៥០នាទីព្រឹក។ នេះបើតាមអធិការដ្ឋាននគរបាលក្រុងសៀមរាប។

ក្រុមពន្លត់អគ្គិភ័យ បានគ្រប់គ្រងស្ថានការណ៍ទាំងស្រុង នៅវេលាម៉ោង៦ និង២០នាទីព្រឹក។ ក្រៅពីសម្លាប់មនុស្ស គ្រោះអគ្គិភ័យនេះ បានឆេះតូបលក់ដូរចំនួន៤តូប ផ្ទះមួយខ្នងផងដែរ។

មកទល់ព្រឹកនេះ អធិការដ្ឋាននគរបាលក្រុងសៀមរាប មិនទាន់អាចបញ្ជាក់ពីមូលហេតុ ដែលបណ្ដាលឱ្យ ករណីអគ្គិភ័យនោះទេ៕