តាមទីភ្នាក់ងារព័ត៌មានរដ្ឋចិន Xinhua ទីភ្នាក់ងារសន្តិសុខសាធារណៈ បានដោះស្រាយករណីលើសពី ២៦០ ក្នុងឆ្នាំ​ ២០២៣ ហើយបានចាប់ក្រុមឧក្រិដ្ឋជនចំនួន១៨០ ដែលពាក់ព័ន្ធនឹងគម្រោងជាតិក្លែងក្លាយ និងបានប្រមូលប្រាក់ចំនួន ២១០លានដុល្លារ ពីអ្នកវិនិយោគ។

 

ការឆបោកបែបនេះភាគច្រើនកើតមានឡើងតាមរយៈប្រព័ន្ធអនឡាញជាមួយប្រតិបត្តិការ ដែលមានមូលដ្ឋាននៅបរទេស ដោយបញ្ឆោតមនុស្សឱ្យបង់ប្រាក់ដើមទុនដំបូងឬថ្លៃសមាជិកភាពជាដើម។ បន្ថែមពីនេះ គម្រោងកាត់បន្ថយភាពក្រីក្រក្លែងក្លាយដោយប្រើប្រាស់ឯកសារ រដ្ឋាភិបាលប្រឌិត និងលិខិតសម្គាល់ក៏កើតឡើងជាច្រើនផងដែរ។

 

ការក្លែងបន្លំតាមអ៊ីនធឺណិតនៅចិនជាបញ្ហាមួយដែលចាក់ឫសគល់ ខណៈរដ្ឋាភិបាលចង់ទាក់ ទាញមូលនិធិវិនិយោគទាំងក្នុងស្រុក និងពីក្រៅប្រទេស ដើម្បីបន្ថែមភាពរ៉ឹងមាំដល់វិស័យ និងឧស្សាហកម្មជាច្រើនរបស់ខ្លួន។

 

អ្នកគ្រប់គ្រងទ្រព្យសកម្មសកលដែលបង្កើតហាងនៅចិន បានធ្លាក់ក្រោមការបោកប្រាស់យ៉ាងធ្ងន់ធ្ងរ ដោយសារអ្នកបោកប្រាស់តាមអ៊ីនធឺណិតបានប្រើម៉ាកយីហោ និងឡូហ្គោរបស់ពួកគេដោយខុសច្បាប់។

 

កាលពីខែមុន ក្រុមហ៊ុនសិង្ហបុរី Temasek Holdings បានបង្ហាញថា មានអ្នកបោកប្រាស់ដែលអះអាងជាតំណាងការិយាល័យនៅក្រុង Shenzhen និងបានទារ ប្រាក់ពីបុគ្គលផ្សេងៗ ក្នុងគោលបំណងសងប្រាក់ពួកគេវិញជាមួយនឹងកម្រៃជើងសារ។

 

ប៉ូលីសចិននៅឆ្នាំនេះបា នចាប់ផ្តើមបង្ក្រាបការបោកប្រាស់តាមប្រព័ន្ធអ៊ីនធឺណែតដែលកំពុង ប្រតិបត្តិការនៅមីយ៉ាន់ម៉ាដែលមានមនុស្សជាង ១០ ម៉ឺននាក់ចូលរួមក្នុងការក្លែងបន្លំទូរគមនាគមន៍ជារៀងរាល់ថ្ងៃ។ ជនសង្ស័យក្លែងបន្លំទូរគមនាគមន៍ជាង ៣១០០០ នាក់ត្រូវបាន អាជ្ញាធរមីយ៉ាន់ម៉ាប្រគល់ទៅឱ្យចិនក្នុងខែវិច្ឆិកា៕