ជាតិ
បទសម្ភាសន៍
ជាង១ឆ្នាំក្នុងតួនាទីជាអ្នកនាំពាក្យ កញ្ញា អ៊ឹម រចនា ស្វែងយល់បានច្រើនពីផលលំបាករបស់កសិករ
×
កញ្ញា អ៊ឹម រចនា ជាអនុរដ្ឋលេខាធិការ និងជាអ្នកនាំពាក្យក្រសួងកសិកម្ម រុក្ខាប្រមាញ់ និងនេសាទ។ អនុរដ្ឋលេខាធិការវ័យ ៣១ឆ្នាំរូបនេះ បានចូលរួមការងារជាមួយក្រសួងកសិកម្មរយៈពេលជាង១ឆ្នាំមកហើយ ក្រោយឆាកចេញពីអាជីពសារព័ត៌មាន។ ក្នុងបទសម្ភាសជាមួយសារព័ត៌មាន ThmeyThmey25 កញ្ញា អ៊ឹម រចនា លើកឡើងថា ក្នុងតួនាទីជាអ្នកនាំពាក្យក្រសួងកសិកម្ម បានធ្វើឱ្យកញ្ញា ស្វែងយល់ពីផលលំបាករបស់កសិកម្មបានច្រើន។
សូមអញ្ជើញទស្សនាវីដេអូខ្លីរវាងអ្នកស្រី ញឹក ស្រីល័ក្ខ និពន្ធនាយិកាសារព័ត៌មាន ThmeyThmey25 ជាមួយកញ្ញា អ៊ឹម រចនា អនុរដ្ឋលេខាធិការ និងជាអ្នកនាំពាក្យក្រសួងកសិកម្ម រុក្ខាប្រមាញ់ និងនេសាទដូចតទៅ៖
ពីអ្នកសារព័ត៌មាន កញ្ញា អ៊ឹម រចនា បានវិវត្តន៍ខ្លួនទៅជាអ្នកនាំពាក្យនៃក្រសួងកសិកម្ម រុក្ខាប្រមាញ់ និងនេសាទ នៅចុងឆ្នាំ២០២២។ រយៈពេល៦ខែដំបូងក្នុងនាមជាមន្រ្តីកសិកម្ម កញ្ញា រចនា ត្រូវរៀនសូត្រពីការងារ និងរបៀបរបរនៃការធ្វើការផងដែរ។ «ក្រៅពីបានរៀនសូត្រពីវិស័យកិសកម្ម ខ្ញុំបានរៀនសូត្រពីការងារ ផលវិបាករបស់កសិករ តាមរយៈការចុះទៅតាមខេត្តជួបកសិកម្ម ជួបម្ចាស់សហគ្រាស និងបញ្ហាមួយចំនួនទៀត ដែលអាចរៀនសូត្របានពីពាណិជ្ជករ កំពុងវិនិយោគក្នុងវិស័យកសិកម្ម...»។ នេះជាការរៀបរាប់របស់កញ្ញា អ៊ឹម រចនា អនុរដ្ឋលេខាធិការក្រសួងកសិកម្ម។
អតីតអ្នកសារព័ត៌មានរូបនេះ បានរួមចំណែកយ៉ាងច្រើន ជួយដល់កិច្ចការងារផ្សព្វផ្សាយព័ត៌មានរបស់ក្រសួងកសិកម្ម។ កញ្ញា រចនា លើកឡើងបែបនេះ៖ «ការរួមចំណែករបស់ខ្ញុំ ខ្ញុំមិនអាចថាវាបានច្រើនប៉ុណ្ណាទេ ឬមានអ្វីខ្លះ។ គ្រាន់តែថា ការងារនៅក្រសួងមានអ្វីយើងធ្វើហ្នឹង។ ជាបុគ្គលិកលក្ខណៈផ្ទាល់ខ្លួន ខ្ញុំជាមនុស្សចូលចិត្តរៀនសូត្រច្រើន ពេលខ្លះបើទោះបីជាការងារនេះវាមិនមែនជាការទទួលខុសត្រូវរបស់ខ្ញុំ តែដោយសារចង់ចេះចង់ដឹង ដូច្នេះសុំជួយដើម្បីបានរៀនសូត្រ ឱ្យបានស្គាល់ឱ្យបានយល់»៕
Tag:
កសិកម្ម
អ្នកនាំពាក្យ
អ៊ឹម រចនា
© រក្សាសិទ្ធិដោយ thmeythmey.com