មានទីលំនៅក្នុងខេត្តតាកែវ លោកយាយ អ៊ឹម អ៊ូក ត្រូវធ្វើដំណើរមកលក់សណ្តែកដីស្ងោរ នៅភ្នំពេញ នាព្រឹក ហើយវិលត្រឡប់ទៅផ្ទះវិញ នាពេលល្ងាច។ ក្រោយទទួលបានព័ត៌មាននេះ សម្ដេច ហ៊ុន សែន ក៏បានបញ្ជាឱ្យលោក សេង ទៀង នាំយកថវិកា២លានរៀល ជូនលោកយាយ អ៊ឹម អ៊ូក នៅស្រុកកំណើតខេត្តតាកែវ កាលពីថ្ងៃទី២ មករា ២០២៤។
 

ជាមួយគ្នានេះ ប្រមុខបក្សប្រជាជនកម្ពុជា ក៏សម្រេចផ្ដល់ប្រាក់ឧបត្ថម្ភប្រចាំខែ ៥០ម៉ឺនរៀលទៀតផង។«ខ្ញុំសំណូមពរឱ្យគាត់ឈប់លក់សណ្តែកដីដែលធ្វើដំណើរផ្លូវឆ្ងាយ ដោយជំនួសវិញនូវការផ្តល់ថវិការបស់ខ្ញុំ៥០ម៉ឺនរៀលក្នុងមួយខែ។ ទឹកប្រាក់នេះមានចំនួនច្រើនជាងប្រាក់ដែលគាត់លក់បាន ៥ពាន់ទៅ១ម៉ឺនរៀលក្នុងមួយថ្ងៃ»។ នេះបើតាមសម្ដេច ហ៊ុន សែន។

 

តាមរយៈវីដេអូឃ្លីបខ្លីមួយ លោកយាយ អ៊ឹម អ៊ូក ដែលមានវ័យជរារូបនេះ សន្យាឈប់លក់សណ្ដែកដីស្ងោរ តាមសំណូមពររបស់សម្ដេច ហ៊ុន សែន ។