ជាតិ
លោក ឯក ស៊ីដូ នៅតែសង្វាតរៀនជំនាញវិជ្ជាជីវៈ ទោះវ័យចំណាស់ និងមានពិការភាព
កសិកម្ម
×![]()
លោក ឯក ស៊ីដូ មានវ័យ៥៦ឆ្នាំ ជាសិក្ខាកាមសិក្សាជំនាញវិជ្ជាជីវៈជួសជុលទូរសព្ទដៃ នៅវិទ្យាស្ថានជាតិពហុបច្ចេកទេស។ សិក្ខាកាមវ័យចំណាស់នេះ គឺជាសិក្ខាកាមដែលមានអាយុច្រើន ក្នុងចំណោមសិក្ខាកាមជាង ២ម៉ឺននាក់ ដែលជ្រើសរើសជំនាញវិជ្ជាជីវៈ និងបច្ចេកទេស។ 
ក្នុងបទសម្ភាសជាមួយសារព័ត៌មានថ្មីៗ នាពិធីបើកវគ្គបណ្ដុះបណ្ដាលជំនាញវិជ្ជាជីវៈ និងបច្ចេកទេស នៅវិទ្យាស្ថានជាតិពហុបច្ចេកទេស លោក ឯក ស៊ីដូ លើកឡើងដូច្នេះ៖ «ខ្ញុំចង់បានជំនាញ មាននៅនឹងខ្លួន ព្រោះអីខ្ញុំចាស់ហើយ ធ្វើការធ្ងន់ៗមិនកើត បានខ្ញុំមកសិក្សាមុខជំនាញខាងជួសជុលទូរសព្ទ»។
សូមអញ្ជើញទស្សនាបទសម្ភាសរវាងអ្នកស្រី ញឹក ស្រីល័ក្ខ អ្នកសារព័ត៌មាន ជាមួយលោក ឯក ស៊ីដូ សិក្ខាកាមរៀនជំនាញវិជ្ជាជីវៈដូចតទៅ៖
លោក ស៊ីដូ សប្បាយចិត្តដែលរដ្ឋាភិបាលផ្ដល់ឱកាសដល់លោក អាចចូលរៀនបាន ទោះមានវ័យចំណាស់ក៏ដោយ។ បើតាមលោក ស៊ីដូ ជំនាញជួសជុលទូរសព្ទ អាចមានភាពងាយស្រួល ដោយសារអង្គុយនឹងកន្លែង ព្រោះលោកមានពិការភាព។
គួរជម្រាបថា នាថ្ងៃទី ១៥ ខែមករា ក្រសួងការងារ និងបណ្ដុះបណ្ដាលវិជ្ជាជីវៈ បានបើកបវេសនកាលកម្មវិធីបណ្ដុះបណ្ដាលវិជ្ជាជីវៈ និងបច្ចេកទេស ដល់យុវជនមកពីគ្រួសារក្រីក្រ និងគ្រួសារងាយរងហានិភ័យ ១,៥ លាននាក់ នៅវិទ្យាស្ថានជាតិពហុបច្ចេកទេស៕
Tag:
ជំនាញវិជ្ជាជីវៈ
ពិការភាព
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
1 សប្តាហ៍
