កីឡាអន្តរជាតិ
អន្តរជាតិ
តារាម៉ូដែលប្រេស៊ីល សារភាពស្នេហ៍ទៅ Messi តាមរូបគម្របទស្សនាវដ្តី Playboy
× Janaina Prazeres តារាម៉ូឌែលរបស់ទស្សនាវដ្តីដ៏ល្បីឈ្មោះ Playboy បានផ្ញើររូបថតលើគម្របទស្សនាវដ្តីរលើកដំបូងបស់នាងដើម្បីបង្ហាញការគោរព ស្រឡាញ់ទៅកាន់ Lionel Messi។
តារាម៉ូឌែលសញ្ជាតិប្រេស៊ីល Prazeres ត្រូវបានទស្សនាវដ្តីយុវវ័យ Playboy ជ្រើសរើសថតដាក់ទំព័រមុខជាលើកដំបូងបង្អស់។ នាងបានចុះហត្ថលេខាលើច្បាប់ចម្លងទស្សនាវដ្តីនេះ ផ្ញើរជាពិសេសសម្រាប់ Messi ដែលនាងគិតថាជាកីឡាករបាល់ទាត់ដ៏អស្ចារ្យបំផុតលើលោក។
តាមរយៈការបង្ហោះលើ Instagram របស់ខ្លួន នាង Prazeres បានពន្យល់ពីការស្រឡាញ់របស់ខ្លួនចំពោះប្រធានក្រុមជម្រើសជាតិអាហ្សង់ទីនថា៖ «Messi ជាបុរសដ៏ស្រស់ស្អាត ហើយមានកាយវិការល្អគ្រប់ពេល។ ខ្ញុំចង់ឃើញគាត់បកទំព័រទស្សនាវដ្តីនេះ ហើយខ្ញុំសង្ឃឹមថាគាត់ចូលចិត្ត»។
«បើមនុស្សដែលនៅលើក្របនោះជាស្ត្រីដែលល្អឥតខ្ចោះបំផុតក្នុងលោក ខ្ញុំគិតថាវាយុត្តិធម៌ណាស់ក្នុងការលះបង់ដល់កីឡាករដ៏អស្ចារ្យបំផុតដូចគ្នា។ នេះជារូបលើគម្របទស្សនាវដ្តីបង្ហាញជាអន្តរជាតិដំបូងរបស់ខ្ញុំ។ អ្នកសមនឹងទទួលបានវា»។ Prazeres បន្ថែមដូច្នេះ ក្នុងចេតនាបង្ហាញការគោរព និងក្តីស្រឡាញ់ទៅកាន់ Messi។
Messi វ័យ៣៦ឆ្នាំ ដែលជួយអាហ្សង់ទីនលើកពាន FIFA World Cup ឆ្នាំ២០២២ និងជួយ Inter Maimi លើកពាន League Cup លើកដំបូងក្នុងប្រវត្តិសាស្ត្រ គ្រងពាន Ballon D’or ជាលើកទី៨ និងកីឡាករល្អបំផុតរបស់ FIFA ជាលើកទី៣ នៅឆ្នាំ២០២៣នេះ៕
© រក្សាសិទ្ធិដោយ thmeythmey.com