ក្នុងជំនួបជាមួយគណៈប្រតិភូ ទីភ្នាក់ងារធនធានទឹករបស់ប្រទេសជប៉ុន នៅទីស្តីការក្រសួងកសិកម្ម កាលពីថ្ងៃទី១៨ ខែមករា លោក ឌិត ទីណា បានលើកឡើងថា កម្ពុជាត្រូវការការសិក្សាលក្ខណៈវិទ្យាសាស្ត្រ និងប្រាកដនិយមអំពីវិធីសាស្ត្រ ដែលអាចជួយកាត់បន្ថយថ្លៃដើមផលិតរបស់កសិករ។
 

ជុំវិញរឿងនេះ រដ្ឋមន្រ្តីបានណែនាំឱ្យភាគីជប៉ុន ពិនិត្យលទ្ធភាពជួយលើការគ្រប់គ្រងទឹកសម្រាប់ធ្វើកសិកម្មឱ្យបានទាំងរដូវប្រាំង និងវស្សា តាមរយៈការប្រើប្រាស់ប្រព័ន្ធសូឡា ដែលអាចជួយកាត់បន្ថយការចំណាយរបស់កសិករ ព្រមទាំងលើកកម្ពស់សេដ្ឋកិច្ច និងបរិស្ថាន។
 

ជាមួយគ្នានេះ លោក ឌិត ទីណា ក៏បានប្រាប់ភាគីជប៉ុនអំពីគោលនយោបាយអាទិភាពទី៥ និងទី៦ ដែលលោកចាត់ទុកថា វាមានសារៈសំខាន់ក្នុងការលើកកម្ពស់វិស័យកសិកម្ម និងស្ថិរភាពតម្លៃ តាមរយៈការបង្កើតសហគមន៍កសិកម្មទំនើប ដើម្បីដឹងឱ្យច្បាស់ពីតម្រូវការ និងបញ្ហាប្រឈមរបស់កសិករ ហើយឆ្លើយតបឱ្យមានប្រសិទ្ធភាព៕