ជាតិ
វីដេអូ
×![]()
ភ្នំពេញ៖ សាលាភូមិន្ទរដ្ឋបាល ជាស្ថាប័នបណ្ដុះបណ្ដាលអនាគតមន្រ្តីក្របខណ្ឌរដ្ឋបាលមួយនៅកម្ពុជា។ ស្ថាប័នមួយនេះ ជាទីកន្លែងដែលសិស្ស និស្សិតមួយចំនួន ស្រមៃ និងចង់សិក្សា ដើម្បីក្លាយខ្លួនជាមន្រ្តីរាជការ។ ដើម្បីប្រឡងជាប់សិក្សានៅទីនេះ តើនិស្សិត ឬសាធារណជន គួរត្រៀមអ្វីខ្លះ? កញ្ញា ពៅ បញ្ចពណ៌ សិស្សមន្រ្តីជាន់ខ្ពស់ជំនាន់ទី១២ បានឱ្យដឹងថា គន្លឹះសំខាន់នោះ ត្រូវពង្រឹងសមត្ថភាព ខំអាន និងស្រាវជ្រាវពីព្រឹត្តិការណ៍ថ្មីៗ ជាពិសេសត្រូវដុសខាត់អត្តចរិតឱ្យបានល្អផងដែរ។
កញ្ញា ពៅ បញ្ចពណ៌ ជាសិស្សមន្រ្តីជាន់ខ្ពស់ជំនាន់ទី១២ នៃសាលាភូមិន្ទរដ្ឋបាល។ យុវតីវ័យ២៦ឆ្នាំរូបនេះ បានប្រឡងជាប់ជាសិស្សមន្រ្តីជាន់ខ្ពស់ជំនាន់ទី១២ នៅឆ្នាំ២០២២ លើមុខជំនាញសេដ្ឋកិច្ច និងហិរញ្ញវត្ថុ។ ក្រោយប្រឡងជាប់ និងបានសិក្សានៅសាលាភូមិន្ទរដ្ឋបាល កញ្ញា ពៅ បញ្ចពណ៌ បានចែករំលែកពីបទពិសោធខ្លះៗ ដើម្បីត្រៀមខ្លួនប្រឡងចូលរៀននៅទីនេះ។
សូមអញ្ជើញទស្សនាវីដេអូខាងក្រោមដូចតទៅ៖
សិស្សមន្រ្តីជាន់ខ្ពស់ជំនាន់ទី១២ បញ្ចពណ៌ ប្រាប់ដូច្នេះ៖«សម្រាប់អ្នកដែលមានបំណងចង់មកប្រឡងនៅសាលាភូមិន្ទរដ្ឋបាល គឺត្រូវពង្រឹង និងដុសខាត់សមត្ថភាពរបស់ខ្លួនឯង។ យើងត្រូវចេះស្រាវជ្រាវ ខំអាន និងតាមដានព្រឹត្តិការណ៍ថ្មីៗ ពិសេសត្រូវដុសខាត់អត្តចរិតឱ្យបានល្អ»។
សូមបញ្ជាក់ថា សាលាភូមិន្ទរដ្ឋបាល មានបេសកកម្មបណ្តុះបណ្តាលឱ្យស៊ីជម្រៅ និងអភិវឌ្ឍសមត្ថភាពមន្រ្តីរាជការ ដែលមានតំណែងរួចហើយ និងអនាគតមន្រ្តីរាជការ។ ជាមួយគ្នានេះ សិស្ស និងកម្មសិក្សាការី នឹងទទួលការបង្រៀនពីមន្រ្តីជាន់ខ្ពស់ផងដែរ៕
Tag:
ស្រ្តី
សាលាភូមិន្ទរដ្ឋបាល
ពៅ បញ្ចពណ៌
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
1 សប្តាហ៍
