ជាមុខសញ្ញារបស់អាជ្ញាធរចិន ដែលបានចេញដីកាចាប់ខ្លួនតាំងពីខែធ្នូ ឆ្នាំ២០២៣ ជនសង្ស័យប្រព្រឹត្តបទឧក្រិដ្ឋ និងមេធំក្រុមឆបោកចំនួន ១០នាក់ ត្រូវបានអាជ្ញាធរមីយ៉ាន់ម៉ា ប្រគល់ឱ្យអាជ្ញាធរចិនវិញ ដើម្បីចាត់វិធានការតាមផ្លូវច្បាប់។ 

 

ក្នុងចំណោម ជនសង្ស័យទាំង១០ នាក់នេះ បុគ្គលចំនួន ៦នាក់ ជាមេក្រុមឆបោកតាមប្រព័ន្ធទូរគមនាគមន៍នៅក្នុងតំបន់ Kokang ស្ថិតនៅភាគខាងជើងមីយ៉ាន់ម៉ា។ ការប្រគល់ខ្លួនមនុស្សទាំង១០ នាក់នេះ ធ្វើឡើងក្រោយមានកិច្ចចរចា និងពិភាក្សាជាច្រើនលើក។ 

 

ក្នុងពេលបច្ចុប្បន្ន ចិនកំពុងឈឺក្បាលយ៉ាងខ្លាំង ពាក់ព័ន្ធនឹងសំណុំរឿងនៅក្នុងតំបន់ Kokang ដែលជាកន្លែងសម្រាប់ឆបោក និងជាកន្លែងប្រព្រឹត្តអំពើឧក្រិដ្ឋកម្មផ្សេងៗដូចជា ឃាតកម្ម ឃុំឃាំងខុសច្បាប់ និងប្រើអំពើហិង្សាជាដើម៕