ជាតិ
ទេសចរអឺរ៉ុបជិះរថយន្តប្រភេទក្លាស៊ីក២៦គ្រឿង ធ្វើដំណើរកម្សាន្តមកដល់ខេត្តសៀមរាប រថយន្តបុរាណក្លាស៊ីកដឹកទេសចរអឺរ៉ុបធ្វើដំណើរកម្សាន្តមកដល់ខេត្តសៀមរាប។ រូបភាពពីហ្វេសបុក Rally The Globe
× សៀមរាប៖ ប្រតិភូទេសចរណ៍ការ៉ាវ៉ាន់រថយន្តបុរាណប្រភេទក្លាស៊ីកនៃទេសចរអឺរ៉ុបចំនួន ២៦គ្រឿង បានធ្វើដំណើរមកដល់ខេត្តសៀមរាបនារសៀលថ្ងៃទី៣ ខែកុម្ភៈ ដែលជាផ្នែកនៃ ដំណើរកម្សាន្តមកកាន់តំបន់អាស៊ី។
ប្រធានផ្នែកប្រតិបត្តិការនៃក្រុមហ៊ុនទេសចរណ៍ ABOUTAsia លោក យី សំអាង ដែលរៀបចំទទួលស្វាគមន៍ទេសចរខាងលើបានឱ្យដឹងថា រថយន្តចំនួន២៦គ្រឿង បានដឹកអ្នកទេសចរអឺរ៉ុបសរុប៥២នាក់ ធ្វើដំណើរពីប្រទេសវៀតណាម ឆ្លងចូលតាមច្រកអូរយ៉ាដាវ ខេត្តរតនគិរី និងស្នាក់នៅទីនោះ រួចបន្តមកដល់ខេត្តសៀមរាបឆ្លងកាត់ស្រុកបន្ទាយស្រី នារសៀលថ្ងៃទី៣ កុម្ភៈ។ ទេសចរទាំងនោះ នឹងស្នាក់នៅខេត្តសៀមរាបចំនួន២យប់ ទើបបន្តដំណើរទៅប្រទេសថៃតាមច្រកអូរស្មាច់។
រថយន្តបុរាណក្លាស៊ីកដឹកទេសចរអឺរ៉ុបធ្វើដំណើរកម្សាន្តមកដល់ខេត្តសៀមរាប។ រូបភាពពីហ្វេសបុក Rally The Globe
លោក យី សំអាង បន្ថែមថា ទេសចរដែលដំណើរតាមរថយន្តប្រភេទក្លាស៊ីក និងលំដាប់មហាសេដ្ឋីនេះ គឺមកតាមរយៈក្រុមហ៊ុនទេសចរណ៍ដ៏ល្បីនៅប្រទេសអង់គ្លេស ឈ្មោះថា Rally The Globe។
រថយន្តបុរាណក្លាស៊ីកដឹកទេសចរអឺរ៉ុបធ្វើដំណើរកម្សាន្តមកដល់ខេត្តសៀមរាប។ រូបភាពពីហ្វេសបុក Rally The Globe
កម្មវិធីទទួលស្វាគមន៍អាហារពេលល្ងាចដល់ភ្ញៀវទេសចរខាងលើ ធ្វើឡើងនៅសណ្ឋាគារ សូហ្វីតែល អង្គរភូគីត្រា និងជាទីដែលទេសចរទាំងនោះស្នាក់។ លោក យី សំអាង បានប្រាប់សារព័ត៌មានឌីជីថលថ្មីៗថា នៅព្រឹកថ្ងៃទី៤ កុម្ភៈ ទេសចរអឺរ៉ុបទាំង៥២នាក់ នឹងធ្វើដំណើរកម្សាន្តនៅតាមប្រាសាទមួយចំនួន មុននឹងបន្តដំណើរទៅច្រកអូរស្មាច់ ឆ្ពោះទៅថៃ បន្ទាប់មកទៅឡាវ និងបញ្ចប់ដំណើរនៅត្រឹមប្រទេសវៀតណាមវិញ។
រថយន្តបុរាណក្លាស៊ីកដឹកទេសចរអឺរ៉ុបធ្វើដំណើរកម្សាន្តមកដល់ខេត្តសៀមរាប។ រូបភាពពីហ្វេសបុក Rally The Globe
ប្រធានមន្ទីរទេសចរណ៍ខេត្តសៀមរាប លោក ង៉ូវ សេងកាក់ បានសរសេរនៅលើបណ្ដាញសង្គមរបស់លោកថា ក្រុមរថយន្តការ៉ាវ៉ាន់ជនជាតិអឺរ៉ុបនេះ តែងមកទស្សនាកម្ពុជារៀងរាល់ឆ្នាំចាប់តាំងពីឆ្នាំ ២០១៦មក រហូតដល់ឆ្នាំ២០២៤នេះ លើកលែងតែឆ្នាំ២០២១ និង២០២២ ដោយសារបញ្ហាកូវីដ១៩៕
រថយន្តបុរាណក្លាស៊ីកដឹកទេសចរអឺរ៉ុបធ្វើដំណើរកម្សាន្តមកដល់ខេត្តសៀមរាប។ រូបភាពពីហ្វេសបុក Rally The Globe
រថយន្តបុរាណក្លាស៊ីកដឹកទេសចរអឺរ៉ុបធ្វើដំណើរកម្សាន្តមកដល់ខេត្តសៀមរាប។ រូបភាពពីហ្វេសបុក Rally The Globe
រថយន្តបុរាណក្លាស៊ីកដឹកទេសចរអឺរ៉ុបធ្វើដំណើរកម្សាន្តមកដល់ខេត្តសៀមរាប។ រូបភាពពីហ្វេសបុក Rally The Globe
© រក្សាសិទ្ធិដោយ thmeythmey.com