អាជីវករលក់ផ្កាជាង២០ឆ្នាំរូប បានសង្កេតឃើញថា អតិថិជនខ្លះ ក៏ត្រូវការផ្កាអង្គាសីលជ័រ ជំនួសផ្កាអង្គាសីលស្រស់ដែរ ព្រោះវាមានតម្លៃសមរម្យ និងធូរថ្លៃជាង ហើយអាចដាក់តាំងនៅក្នុងផ្ទះដូចគ្នា។  សម្រាប់ឆ្នាំនេះ ផ្កាអង្គាសីលជ័រ ក៏ដូចជាផ្កាផ្សេងៗ ឡើងថ្លៃជាងឆ្នាំមុនៗ ព្រោះយកពីចិន វៀតណាម និងតំបន់ផ្សេងទៀត មានតម្លៃថ្លៃស្រាប់។ នេះបើតាមអ្នកស្រី មុល្លីកា។
 

កំពុងលក់ផ្កាយ៉ាងមមាញឹក អ្នកស្រី មុល្លីកា បន្តថា៖ «ខ្ញុំហ៊ានចំណាយដើមទុនជាង ១ម៉ឺនដុល្លារ ដោយសារតែលក់ផ្កាទាំងនេះមិនអស់ ក៏អាចទុកលក់នៅឆ្នាំក្រោយបានដែរ។ ក្នុងមួយថ្ងៃខ្ញុំអាចរកចំណូលជាង៣០០ដុល្លារផងដែរ ប៉ុន្តែបើលក់មិនដាច់ ខ្ញុំក៏អាចរកចំណូល១០ម៉ឺន ទៅ២០ម៉ឺនរៀលដែរក្នុងមួយថ្ងៃ»។ 
 

ផ្កាអង្គាសីលជ័រនេះ ក្នុងមួយបាច់មាន១០ដើម តម្លៃ២ម៉ឺនរៀល, ផ្កាអង្គាសីលជ័រមួយថូតូចតម្លៃ ២ម៉ឺន និងថូធំតម្លៃ១០ ទៅ៣០ដុល្លារជាដើម។ នៅក្នុងតូបរបស់អ្នកស្រី មុល្លីកា លក់ដាច់ផ្កាអង្គាសីលច្រើនជាផ្កាផ្សេងៗ។ សម្រាប់ថ្ងៃដែលលក់ដាច់បំផុត គឺចុងសប្តាហ៍៕ 

c.png