ខ្សែប្រយុទ្ធ Haller ស៊ុតចូលទីនាទី៦៥ ក្នុងកីឡដ្ឋាន Alassane Outtara OlympiAfrican Cup of Nations, កូតឌឺវ័រc បានស្ដារមុខមាត់ក្រុមងើបឡើងវិញ។ 
 

រំលឹកពីការប្រកួតនៅវគ្គចែកពូល កូតឌឺវ័រ បានចាញ់ក្រុមហ្គីណេអេក្វាទ័រ ក្នុងលទ្ធផល ៤-០ ហើយស្ទើរតែធ្លាក់នៅត្រឹមវគ្គជម្រុះទៅហើយ ។ តែយ៉ាងណាក្រុមម្ចាស់ផ្ទះនេះ អាចបន្តដង្ហើមខ្លួន ដែលជាក្រុមស្ថិតនៅលេខ ៣ ល្អ ក្នុងចំណោម ៣ក្រុមដទៃផ្សេងទៀត។ ក្រោយរងបរាជ័យក្រោមថ្វីជើងក្រុមហ្គីណេអាក្វាទ័រនេះ កូតឌឺវ័រ បានបណ្តេញគ្រូបង្វឹកសញ្ជាតិបារាំង Jean Louis Gasset ។
 

ពេលនេះក្រុមកូតឌឺវ័រ ស្ថិតក្រោមការដឹកនាំរបស់គ្រូបង្វឹកបណ្តោះអាសន្ន លោក Emerse Fae ដែលធ្លាប់ជាគ្រូជំនួយរបស់លោក Louis Gasset ។ ចំពោះការឡើងទៅកាន់វគ្គផ្តាច់ព្រ័ត្រ វាជារឿងនឹកស្មានមិនដល់ឡើយ។
 

«វាប្រៀបបានជាក្តីសុបិន្តមួយសម្រាប់យើងទាំងអស់គ្នា។ កាលពីរសប្តាហ៍មុនយើងស្ថិតនៅឆ្ងាយខ្លាំងណាស់ពីការគិតថាចំពោះវគ្គផ្តាច់ព្រ័ត្រ សរុបមក ខ្ញុំគិតថាការឈ្នះនេះសមនឹងទទួលបាន។»។ នេះបើតាមការនិយាយរបស់លោក Emerse Fae ក្នុងសន្និសីទកាសែត។
 

កូតឌឺវ័រ ម្ចាស់ពាន AFCON ២សម័យ នឹងត្រូវប៉ះក្រុមនីហ្សេរីយ៉ា ម្ចាស់ពាន ៣ សម័យ នៅវគ្គផ្តាច់ព្រ័ត្រ ថ្ងៃទី១១ ខែកុម្ភៈ។ នីហ្សេរីយ៉ាឡើងមកកាន់ផ្តាច់ព្រ័ត្រ ដោយទម្លាក់អាហ្រ្វិកខាងត្បូង ក្នុងវគ្គស៊ុតបាល់កាត់សេចក្តី ១១ម៉ែត្រ នាថ្ងៃទី៧ ខែកុម្ភៈក្នុងទីក្រុង Bouake។
 

ដោយឡែក កុងហ្គោនឹងត្រូវប្រជែងទល់អាហ្រ្វិកខាងត្បូង ដើម្បីដណ្តើមតំណែងក្រុមលេខ ៣ ប្រចាំព្រឹត្តិការណ៍ AFCON នៅក្នុងទីក្រុង Abidjan ថ្ងៃទី១០ ខែកុម្ភៈ៕