លោកគ្រូចិនសែ អ៊ៅ ណន បានពន្យល់ថា លុយ ផ្ទះ និងរថយន្តក្រដាស ក៏ជាគ្រឿងរណ្ដាប់សែនមួយដ៏ពេញនិយម ស្របតាមប្រពៃណីទំនៀមទម្លាប់ចិន។ លោកថា កូនចៅចិនមានជំនឿថា វាពិតជាបានដល់ដូនតារបស់គេយ៉ាងពិតប្រាកដ ដូចជាការសែនម្ហូបអាហារ នំចំណី ផ្កាភ្ញី និងផ្លែឈើផងដែរ។ គេជឿថា ការប្រតិបត្តិតាមជំនឿសាសនាទាំងអស់នេះ អាចជួយឱ្យគេកាក់កបក្នុងមុខជំនួញ អាជីវកម្មនានា ពិសេសមានលាភសំណាងផងដែរ។ តែយ៉ាងណាក៏ពុំគួររៀបចំគ្រឿងរណ្ដាប់សែនទាំងនោះ ក្នុងបរិមាណដ៏លើសលប់នោះទេ។