យ៉ាងណាមិញ ជនជាតិចិន ឬកូនចៅសែស្រឡាយចិន និយមទៅកាត់ឆុង ដោយមានគ្រឿងតង្វាយមួយចំនួនដូចជា សាច់ជ្រូក ពងទា និងផ្លែឈើជាដើម សម្រាប់សែនរំដោះគ្រោះ។ វិធីមួយទៀត គេច្រើនឱ្យឪពុកម្ដាយស្រោចទឹកឱ្យ ដោយមានជំនឿថា​ អាចរំដោះគ្រោះ ឬបញ្ហាមួយចំនួនផងដែរ។ ដូច្នេះកាត់ឆុងពិតជាអាចឱ្យផុតពីបញ្ហា ឬគ្រោះថ្នាក់បានយ៉ាងពិតប្រាកដមែន? លោកគ្រូចិនសែ អ៊ៅ ណន ថាវាមិនប្រាកដ១០០ភាគរយនោះឡើយ ប៉ុន្តែវិធីសាស្រ្តទាំងនេះអាចធ្វើឱ្យពួកគេស្ងប់ចិត្តខ្លះផងដែរ៕