​

 

 

សូមជម្រាបថា ផ្លូវដែកពីភ្នំពេញ - បាត់ដំបង - ប៉ោយប៉ែតព្រំដែនកម្ពុជា-ថៃ មានប្រវែង ៣៨៥,០៥ គីឡូម៉ែត្រ ត្រូវបានសាងសង់ជា៣ដំណាក់កាល គឺ៖ ​ផ្លូវរថភ្លើងភ្នំពេញ -ពោធិ៍​សាត់ សាងសង់ពីឆ្នាំ ១៩២៩ ដល់ ១៩៣១ ប្រវែង ១៦៦ គីឡូម៉ែត្រ។ ​ផ្លូវរថភ្លើងពោធិ៍សាត់-មង្គលបូរី សាងសង់ពីឆ្នាំ ១៩៣១ ដល់ ១៩៣៣ ប្រវែង ១៦៤ គីឡូម៉ែត្រ និងផ្លូវរថភ្លើងពី មង្គលបូរី-ប៉ោយប៉ែត សាងសង់ពីឆ្នាំ ១៩៣៣ ដល់ ១៩៤២ ប្រវែង ៥៥,០៥ គីឡូម៉ែត្រ។

 

ផ្លូវដែកពីរាជធានីភ្នំពេញ-ខេត្តព្រះសីហនុ មានប្រវែង ២៦៦ គីឡូម៉ែត្រ ត្រូវបានសាង សង់ឡើងក្រោមស្នាព្រះហត្ថព្រះបរមរតនៈកោដិ ដែលការសាងសង់​ចែកចេញបីដំណាក់​កាល គឺផ្លូវដែកភ្នំពេញ-តាកែវ សាងសង់ពីឆ្នាំ១៩៦០ ដល់ឆ្នាំ១៩៦៦ ប្រវែង ៧៥ គីឡូម៉ែត្រ។ ផ្លូវដែកតាកែវ-កំពត ​សង់ពីឆ្នាំ១៩៦៦ ដល់ឆ្នាំ១៩៦៧ ប្រវែង ៩២ គីឡូម៉ែត្រ និងផ្លូវដែក​​ កំពត-ស្ថានីយ៍ខេត្តព្រះសីហនុ និងដល់កំពង់ផែព្រះសីហនុ សាងសង់ពីឆ្នាំ​១៩៦៧ ដល់ ១៩៦៩ ប្រវែង ៩៩គីឡូម៉ែត្រ។