សេដ្ឋកិច្ចអន្តរជាតិ
អន្តរជាតិ
គូស្វាមីភរិយាចំនួន១២០០គូ បានរៀបការរួមគ្នានៅថ្ងៃបុណ្យនៃក្តីស្រឡាញ់ គូស្នេហ៍ថើបគ្នាក្នុងពិធីមង្គលការដ៏ធំមួយនៅជាយក្រុងម៉ិកស៊ីកូ ។ រូបថត ៖ AFP
× គូស្វាមីភរិយាប្រហែល ១២០០គូបានរៀបការនៅជាយទីក្រុងម៉ិកស៊ីកូក្នុងព្រឹត្តិការណ៍បុណ្យនៃក្តីស្រឡាញ់ប្រពៃណីក្នុងតំបន់ Nezahualcoyotl។
គូស្នេហ៍ជាច្រើនជំនាន់បានរៀបចំពិធីមង្គលការនៅតំបន់ Nezahualcoyotl កាលពីថ្ងៃទី ១៤ ខែកុម្ភៈ។ ប្រពៃណីប្រចាំឆ្នាំនេះត្រូវបានគេហៅថា matrimonio colectivo ឬអាពាហ៍ពិពាហ៍សមូហភាព។
មនុស្សមួយចំនួនជ្រើសរើសការរៀបការរបៀបនេះដើម្បីសន្សំថ្លៃចំណាយបានមួយផ្នែក។ Rosalin Ruiz អាយុ ២៨ ឆ្នាំបាននិយាយថា អាពាហ៍ពិពាហ៍ធម្មតាមានតម្លៃថ្លៃណាស់។ នាងបានរៀបការជាមួយមិត្តប្រុសរបស់នាង Ricardo Reyes អាយុ ៣០ឆ្នាំ។
សំឡេងអបអរសាទរបានបន្លឺឡើងនៅក្នុងរោងការដ៏ធំ ពេលដែល Sonia Cruz ប្រធានការិយាល័យអត្រានុកូលដ្ឋានរបស់រដ្ឋបានបញ្ជាក់ថាការរៀបការរបស់គូស្នេហ៍គឺស្របច្បាប់ ហើយបានអញ្ជើញឲ្យពួកគេថើបគូស្នេហ៍របស់ខ្លួន។
ការរៀបចំពិធីនៅឆ្នាំនេះ ត្រូវបានឧបត្ថម្ភដោយការិយាល័យអភិបាលក្រុងក្នុងតំបន់ ដោយមានការប្រគល់អំណោយដូចជា ទូរទស្សន៍ និងកៅអីដៃដល់គូស្វាមីភរិយាដែលភ្ជាប់ពាក្យយូរបំផុតចំនួន៣គូនៅ Nezahualcoyotl។
លោកស្រី Dona Rosa ដែលបានភ្ជាប់ពាក្យយូរបំផុតនៅ Nezahualcoyotl បាននិយាយថា ៖« វាជាការរំលឹកថា ស្នេហាអាចស្ថិតស្ថេរពេញមួយជីវិត។ យើងមានមោទនភាពដែលឃើញគូស្នេហ៍វ័យក្មេងជាច្រើនដើរតាមគន្លងរបស់យើង»។ នេះបើតាមសារព័ត៌មាន BBN Breaking។
ពិធីមង្គលការដ៏ធំមួយប្រព្រឹត្តិនៅថ្ងៃបុណ្យនៃក្តីស្រឡាញ់ក៏បានប្រារព្ធនៅប្រទេសនីការ៉ាហ្គាដែរ ដោយមានគូស្នេហ៍ចំនួន ២០០គូបានរៀបការនៅតំបន់ Xolotlan នៃទីក្រុង Managua៕
Tag:
រៀបការ
គូស្វាមីភរិយា
© រក្សាសិទ្ធិដោយ thmeythmey.com