ជាតិ
ត្រីបបែល១ក្បាល ទម្ងន់១១០គីឡូក្រាម ត្រូវបានសង្គ្រោះ និងលែងចូលក្នុងទន្លេមេគង្គវិញ រូបភាព៖ ហ្វេសប៊ុករដ្ឋបាលជលផល
× ត្រីបបែល១ក្បាល មានទម្ងន់១១០គីឡូក្រាម ត្រូវបានពលរដ្ឋសង្គ្រោះ និងលែងចូលក្នុងទន្លេមេគង្គ ក្នុងភូមិសាស្ត្ររាជធានីភ្នំពេញវិញ កាលពីថ្ងៃទី១៤ ខែកុម្ភៈ ឆ្នាំ២០២៤។
រដ្ឋបាលជលផល នៃក្រសួងកសិកម្ម បានចេញលិខិតកោតសរសើរ និងថ្លែងអំណរគុណ ដល់ពលរដ្ឋ ឈ្មោះ លឹម ស្រូយ ដែលមានទីលំនៅក្នុងសង្កាត់ទួលស្វាយព្រៃ ខណ្ឌចំការមនរាជធានីភ្នំពេញ ចំពោះសកម្មភាសង្គ្រោះ និងលែងត្រីបបែលនេះរ។
លោក ពុំ ស៊ីថា ប្រតិភូរាជរដ្ឋាភិបាលទទួលបន្ទុកប្រធានរដ្ឋបាលជលផល បានបញ្ជាក់នៅក្នុងលិខិតសរសើរមួយចុះថ្ងៃទី១៥ កុម្ភៈនេះថា៖ «សកម្មភាពនេះ គឺជាគំរូដ៏ល្អនិងមានតម្លៃមិនអាចកាត់ថ្លៃបាន ក្នុងការរួមចំណែកថែរក្សា ការពារ និងអភិរក្សប្រភេទត្រីដែលជិតផុតពូជនេះ ឱ្យមានវត្តមានកាន់តែច្រើនក្នុងដែនទឹកធម្មជាតិ»៕
© រក្សាសិទ្ធិដោយ thmeythmey.com