ការស្លាប់របស់លោក Alexei Navalny អ្នកប្រឆាំងវិមានក្រេមឡាំងដ៏សំខាន់ នៅក្នុងពន្ធនាគារ បានធ្វើឱ្យមានដឹកនាំប្រទេសជាច្រើនបង្ហាញការសោកស្តាយ និងជំរុញឱ្យលោកវ្ល៉ាឌីមៀ ពូទីន ប្រធានាធិបតីរុស្ស៊ី ទទួលខុសត្រូវ។ ចំណែកប្រជាជននៅក្នុងក្រុងមូស្គូ និងក្រុងផ្សេងទៀត ក៏បានជួបជុំគ្នា ដើម្បីគោរពវិញ្ញាណក្ខន្ធលោក Navalnyផងដែរ។ 

 

យ៉ាងណាមិញ ការជួបជុំនៅក្នុងក្រុងសំខាន់ៗរបស់រុស្ស៊ី មិនបានប្រព្រឹត្តទៅដោយរលូនឡើយ ដោយប៉ូលិសរុស្ស៊ី បានបំបែកប្រជាជន និងចាប់ខ្លួនមនុស្សជាច្រើននាក់។ 

 

តាមទិន្នន័យរបស់ក្រុមសិទ្ធិមនុស្សនៅរុស្ស៊ី OVD-info អ្នកចូលរួមយ៉ាងហោចណាស់ ១០០នាក់ ត្រូវបានចាប់ខ្លួននៅក្នុងក្រុងចំនួន ៨ ក្នុងនោះក៏មានក្រុង ក្រុងមូស្គូ និងក្រុងSt Petersburgផងដែរ។ យ៉ាងណាមិញ ប៉ូលិសរុស្ស៊ី មិនបានផ្តល់ព័ត៌មានលម្អិតជុំវិញបញ្ហានេះទេ។ ស្របគ្នានេះ រដ្ឋអាជ្ញារុស្ស៊ី បានព្រមានកុំឱ្យមានការជួបជុំគ្នាទ្រង់ទ្រាយធំនៅក្នុងក្រុងមូស្គូ។ 

 

លោក Navalny បានទទួលមរណភាពនៅក្នុងគុក Arctic Circle ក្រោយបង្ហាញខ្លួននៅក្នុងសវនាការប្រមាណ ៣ ឬ៤ថ្ងៃ ក្នុងវ័យ ៤៧ឆ្នាំ៕