លក្ខណៈពិសេសនៃចម្ការម្រេចនៅជើងភ្នំនេះ គឺមានផ្ដល់សេវាមគ្គទេសក៍ ឬជូនភ្ញៀវ​ទេសចរ​កម្សាន្តចម្ការម្រេច ដោយឥតគិតថ្លៃទាំងភាសាខ្មែរ បារាំង និងអង់គ្លេស។ មិន​តែប៉ុណ្ណោះ ទេសចរក៏អាចភ្លក្ស និងឈ្វែងយល់ពីរបៀបនៃការប្រើប្រាស់ម្រេច។ 
 

ឡាផ្លេនថេសិន បង្កើតឡើងតាំងពីឆ្នាំ២០១៣ ដែលមានម្ចាស់ជាជនជាតិបារាំង និង​ប៊ែល​ហ្សិក​។ ចម្ការនេះមានផ្ទៃដី៥០ហិកតា ក្នុងនោះ២០ហិកតាត្រូវបានបម្រើឱ្យការដាំដុះ​ម្រេច និង៣០ហិកតាទៀត ត្រូវបានគេដាំដុះដំណាំ និងគ្រឿងទេសច្រើនមុខផ្សេងទៀត។ នៅទី​នោះ សម្បូរទៅដោយព្រៃភ្នំ បឹង ដែលបង្ហាញពីទេសភាពស្រស់ត្រកាល និងខ្យល់ត្រជាក់​បានពីនីវ៉ូទឹកសមុទ្រផងដែរ។