សហព័ន្ធកីឡាទូកក្ដោង បានបញ្ចប់អាណត្តិទី២ ឆ្នាំ២០១៩-២០២៣ ហើយបន្ដអាណត្តិទី៣ ឆ្នាំ២០២៣-២០២៧។ សម្រាប់អាណត្តិថ្មី សមាជិកទាំងអស់បានព្រមព្រៀង ក្នុងការគាំទ្រយក លោក ថាង ហ្គោដុន ជាប្រធាន, លោក ថោង រដ្ឋសក្ដិ ជាអនុប្រធាន, លោក វ៉ាត់ ចំរើន អនុប្រធាន, លោក សោម សុទ្ធរិទ្ធិពង្ស អគ្គលេខាធិការ,  លោក លឹម ច័ន្ទណារ៉េត អគ្គលេខាធិការរង និងកញ្ញា ងួន តរុណី អគ្គហេរញ្ញិក។
  

នៅក្នុងមហាសន្និបាតបញ្ចប់អាណត្តិទី២ ឆ្នាំ២០១៩-២០២៣ នៅថ្ងៃទី៤ ខែមីនា ឆ្នាំ២០២៤ នៅទីស្នាក់ការ NOCC លោក ថោង ខុន បានប្រាប់ឲ្យគណៈកម្មការប្រតិបត្តិសហព័ន្ធកីឡាទូកក្តោងឱ្យ យកចិត្តទុកដាក់ក្នុងការអភិវឌ្ឍ និងបណ្ដុះធនធានកីឡាករ-កីឡាការិនី គ្រូបង្វឹក និងមន្ដ្រីបច្ចេកទេស ឲ្យបានច្រើនដើម្បីមានលទ្ធភាពប្រកួតប្រជែងលើឆាកអន្ដរជាតិ។ 
 

ប្រធាន NOCC រូបនេះ ក៏បានណែនាំអត្ដពលិកទូកក្ដោងទាំងនោះ ខិតខំ និងយកចិត្តទុកដាក់ លើការហ្វឹកហាត់ ដើម្បីមានសមត្ថភាពសាងស្នាដៃក្នុងព្រឹត្តិការណ៍កីឡាយុវជនអាស៊ី លើកទី៥ ឆ្នាំ២០២៩ ដែលកម្ពុជា ធ្វើជាម្ចាស់ផ្ទះ៕