ជាតិ
លោក ស សុខា បណ្តេញមន្ត្រីនគរបាលតាមរាជធានី-ខេត្ត ដែលល្មើសវិន័យ៥៩នាក់ ចេញពីក្របខណ្ឌ លោក ស សុខា រដ្ឋមន្ត្រីក្រសួងមហាផ្ទៃ
× តាមប្រកាសចុះកាលពីថ្ងៃទី១ ខែមីនា លោកឧបនាយករដ្ឋមន្ត្រី ស សុខា រដ្ឋមន្ត្រីក្រសួងមហាផ្ទៃ បានសម្រេចអនុវត្តវិន័យចំពោះមន្ត្រីនគរបាល៥៩រូបតាមបណ្តាស្នងការដ្ឋាននគរបាលរាជធានី-ខេត្ត តាមរូបភាពដកហូតមុខតំណែង ឋានន្តរស័ក្តិ និងបណ្តេញចេញពីក្របខណ្ឌនគរបាលជាតិ។
មន្ត្រីទាំងនោះ ភាគច្រើនបម្រើការនៅអធិការដ្ឋាននគរបាលស្រុក និងការិយាល័យជំនាញ ក្នុងនោះ ឧត្តរមានជ័យមាន៣នាក់, ស្ទឹងត្រែង ៣នាក់, រតនគិរី ៦នាក់, កណ្តាល៤នាក់, ក្រចេះ៣នាក់, ព្រះវិហារ ១នាក់, បន្ទាយមានជ័យ១នាក់, ត្បូងឃ្មុំ១នាក់, តាកែវ៤នាក់, កំពង់ស្ពឺ៣នាក់, បាត់ដំបង៦នាក់, កំពង់ធំ១នាក់, ពោធិ៍សាត់២នាក់, កំពត២នាក់, សៀមរាប៥នាក់, ព្រះសីហនុ១នាក់, ភ្នំពេញ១៣នាក់។
ប្រាក់បៀរវត្ស និងរបបឧបត្ថម្ភផ្សេងៗរបស់មន្ត្រីល្មើសវិន័យទាំងនោះ ត្រូវបានកាត់ផ្តាច់ ហើយនឹងត្រូវលុបចេញពីក្របខណ្ឌនគរបាលជាតិ ចាប់ពីខែមិថុនា ឆ្នាំ២០២៤៕
© រក្សាសិទ្ធិដោយ thmeythmey.com