ទាំងលោក ចូ បៃឌិន ទាំងលោក ដូ ណាល់ ត្រាំ សុទ្ធតែទទួលបានសំឡេងគ្រប់គ្រាន់ដូចគ្នា ពីសមាជិកបក្សប្រជាធិបតេយ្យ និងសាធារណរដ្ឋ ដើម្បីឈោងចាប់តំណែងបេក្ខជនជាផ្លូវការ។ 

បេក្ខជនមកពីគណបក្សសាធារណរដ្ឋត្រូវការគាំទ្រពីអ្នកតំណាងយ៉ាងហោចណាស់ ១២១៥នាក់  ខណៈបេក្ខជនប្រជាធិបតេយ្យត្រូវការ ១៩៦៨នាក់ពីអ្នកតំណាងបក្សរបស់ខ្លួននៅក្នុងការបោះឆ្នោតបឋម ដើម្បីក្លាយបេក្ខជនប្រធានាធិបតីតំណាងបក្សសម្រាប់ការបោះឆ្នោតក្នុងខែវិច្ឆិកា។ 

 

នៅថ្ងៃទី១២​ ខែមីនា គណបក្សសាធារណៈរដ្ឋបានរៀបចំការបោះឆ្នោតបឋមនៅរដ្ឋ Georgia, Hawaii, Mississippi និង Washington State ដោយលទ្ធផលបានបង្ហាញថា លោក ត្រាំ ទទួលបានការគាំទ្រ ១២៤១សម្លេង។ 

 

នៅថ្ងៃដដែលនោះ គណបក្សប្រជាធិបតេយ្យបានរៀបចំការបោះឆ្នោតបឋមនៅរដ្ឋ Georgia, Mississippi, Washington និងកោះ Northern Mariana Islands និងសមាជិកគណបក្សប្រជាធិបតេយ្យដែលរស់នៅក្រៅប្រទេស។ លទ្ធផលបានបង្ហាញថា លោក បៃឌិន ទទួលបាន ២១០៧សំឡេងពីសន្លឹកឆ្នោតដែលកំពុងរាប់ ដែលតួលេខនេះគ្រប់គ្រាន់សម្រាប់ការបន្តការពារកៅអីប្រធានាធិបតី។

 

អ្នកនយោបាយវ័យចំណាស់ទាំងពីររូបនេះ  នឹងជួបគ្នាក្នុងការប្រជែងតំណែងនៅសេតវិមានម្តងទៀតនៅខែវិច្ឆិកាខាងមុខ។ 

 

នេះនឹងក្លាយជាការប្រកួតឡើងវិញជាលើកដំបូងក្នុងរយៈពេលជិត ៧០ឆ្នាំចាប់តាំងពីឆ្នាំ១៩៥៦ នៅពេលដែលប្រធានាធិបតី Dwight Eisenhower បានឈ្នះលើលោក Adlai Stevenson ជាអតីតអភិបាលរដ្ឋ Illinois ខណៈដែលលោក Eishenhower បានចាញ់។ 

 

ការបោះឆ្នោតប្រធានាធិបតីអាម៉េរិកនឹងធ្វើនៅថ្ងៃទី៥ ខែវិច្ឆិកា ឆ្នាំ២០២៤៕