ក្នុងការបោះឆ្នោតបឋមនៅតាមរដ្ឋមួយចំនួនកន្លងមក លោកដូណាស់ ត្រាំ បានទទួលសំឡេងគាំទ្រគ្រប់គ្រាន់ ដើម្បីឱ្យបក្សសាធារណរដ្ឋតែងតាំងជាបេក្ខជនប្រធានាធិបតីជាថ្មី ដើម្បីតទល់នឹងគូប្រជែងចាស់ លោកចូ បៃឌិន ប្រធានាធិបតីអាម៉េរិក មកពីបក្សប្រជាធិបតេយ្យ។ 

 

នៅចំពោះមុខអ្នកគាំទ្រក្នុងរដ្ឋ Ohio លោកត្រាំវាយតម្លៃថា បើលោកមិនឈ្នះការបោះឆ្នោត ដែលនឹងរៀបចំនៅខែវិច្ឆិកាខាងមុខជាថ្មីទេ ប្រជាធិបតេយ្យនៅអាម៉េរិក នឹងឈានដល់ទីបញ្ចប់។ 

 

«ប្រសិនបើយើងមិនឈ្នះការបោះឆ្នោត ខ្ញុំគិតថា យើងមិនគួររៀបចំការបោះឆ្នោតថ្មីនៅក្នុងប្រទេសមួយនេះទៀតឡើយ»។ អតីតប្រធានាធិតីអាម៉េរិក ដែលស្ថិតក្រោមការចោទប្រកាន់ពីបទព្យាយាមផ្លាស់ប្តូរលទ្ធផលឆ្នោតក្នុងឆ្នាំ២០២០ បានសង្កត់ធ្ងន់បែបនេះ នៅថ្ងៃទី១៦ ខែមីនា។ 

 

តាមការស្រង់មតិពីទីភ្នាក់ងារព័ត៌មាន Reuters​ នៅសប្តាហ៍មុន ការគាំទ្ររបស់លោកត្រាំ និងលោកបៃឌិន គឺមានសំឡេងប្រកៀកប្រកិតគ្នាខ្លាំង៕