នាសតវត្សរ៍ទី១៦  ព្រះច័ន្ទរាជា បានត្រឡប់មកកាន់អតីតរាជធានីយសោធរបុរៈ ដើម្បីរៀបចំបុរាណស្ថានមួយចំនួនឡើងវិញ។ ថ្វីត្បិតតែរាជធានីពេលនោះនៅបន្ទាយលង្វែក ព្រះអង្គទៅគង់នៅអង្គរវិញមួយរយៈយូរ ដើម្បីរៀបចំបុរាណដ្ឋានខ្លះៗ និងរៀបចំបន្ថែម ដូចជា ឆ្លាក់បំពេញជញ្ជាំងពីរផ្ទាំងធំៗនៅមុមឦសាននៃប្រាសាទអង្គរវត្ត, កសាងព្រះពុទ្ធរូបចូលនិព្វាន នៅជាន់កណ្តាលនៃជ្រុងខាងលិចទាំងមូល នៃប្រាសាទបាភួន និងកសាងព្រះពុទ្ធរូបទ្រង់ភ្នែនមួយមានទំហំធំ នៅប្រាសាទភ្នំបាខែង។