អគ្គស្នងការដ្ឋាននគរបាលជាតិ បានផ្សាយលើគេហទំព័ររបស់ខ្លួនថា មានករណីគ្រោះថ្នាក់ចរាចរណ៍ ១៨លើក កាលពីថ្ងៃទី១៥ ខែមេសា។ មនុស្ស ១១នាក់ បានស្លាប់ ក្នុងនោះមានស្ដ្រី២នាក់។

ចំណែក ១៧នាក់រងរបួសធ្ងន់ ស្ដ្រីមាន៧នាក់។ មនុស្ស ៧នាក់ផ្សេងទៀត បានរងរបួសស្រាល។
 

តាមការបញ្ជាក់របស់អង្គភាពដដែលនេះ គ្រោះថ្នាក់ចរាចរណ៍ទាំងនេះ កើតឡើងដោយសារបើកបរមិនគោរពសិទ្ធ, ល្មើសល្បឿន, មិនពាក់មួកសុវត្ថិភាព និងស្រវឹង។ នេះបើយោងតាមការផ្សាយរបស់អគ្គស្នងការដ្ឋាននគរបាលជាតិ ដូច្នេះ៕