ខ្មែរក្រហម
ជាតិ
សាលាក្តី៖ ន័រវេសអនុម័តយល់ព្រមបង្វែរ វិភាគទានប្រមាណ១លានដុល្លារទៅភាគីជាតិ
× យោងតាមសេចក្តីប្រកាសព័ត៌មានរបស់អង្គជំនុំជម្រះវិសាមញ្ញក្នុងតុលាការកម្ពុជា រដ្ឋាភិបាលនៃប្រទេសន័រវេស បានអនុម័តយល់ព្រមថា វិភាគទានហិរញ្ញវត្ថុរបស់ខ្លួនចំនួន៦លានក្រូន័រ (ប្រមាណ១លានដុល្លារអាមេរិក) ដែលផ្តល់ជូនកាលពីពេលថ្មីៗកន្លងមក អាចបង្វែរពីភាគីអន្តរជាតិទៅភាគីជាតិនៃសាលាក្តីខ្មែរក្រហមវិញ ដើម្បីចំណាយលើប្រាក់បៀវត្សរ៍របស់មន្ត្រីបុគ្គលិកភាគីជាតិ។
លោក ក្រាញ់ តូនី ប្រធានការិយាល័យរដ្ឋបាលស្តីទីនៃសាលាក្តីខ្មែរក្រហម បានថ្លែងថា៖ «ជាមួយថវិកានេះ ភាគីជាតិនៃ អ.វ.ត.ក មានលទ្ធភាពក្នុងការបើកប្រាក់បៀរវត្សរ៍ជូនមន្ត្រី បុគ្គលិករបស់ខ្លួន ចាប់ពីខែមេសា ដល់ខែមិថុនា ឆ្នាំ២០១៤ »។
ជាមួយនឹងការអំពាវសុំជំនួយថវិកាបន្ថែមទៀតសម្រាប់គម្រោងថវិកាឆ្នាំ២០១៤ របស់ភាគីជាតិ សាលាក្តីខ្មែរក្រហមបានបញ្ជាក់ឲ្យដឹងថា ប្រទេសន័រវេសបានផ្តល់វិភាគទានហិរញ្ញវត្ថុដល់សាលាក្តីសរុបជាង៧លានដុល្លារអាមេរិកហើយ បើគិតចាប់តាំងពីការបង្កើតដំបូងមក៕
© រក្សាសិទ្ធិដោយ thmeythmey.com