កីឡាជាតិ
ជាតិ
World Cup៖ ៤ក្រុមតំណាងទ្វីបអាស៊ីសុទ្ធតែធ្លាប់មានប្រវត្តិប្រកួតជាមួយខ្មែរ
×![]()
វាអាចត្រឹមតែក្តីសុបិន្តប៉ុណ្ណោះក្នុងការមើលឃើញវត្តមានរបស់ក្រុមកីឡាបាល់ទាត់ជម្រើសជាតិកម្ពុជានៅក្នុងព្រឹត្តិការណ៍ប្រកួតកីឡាបាល់ទាត់ពានរង្វាន់ពិភពលោក (FIFA World Cup)។ ប៉ុន្តែប្រវត្តិសាស្ត្រក៏មិនសូវអន់ប៉ុន្មានសម្រាប់ក្រុមដែលកំពុងមានចំណាត់ថ្នាក់ទី១៩០នៃតារាង FIFA មួយនេះ ពីព្រោះថា ក្រុមចំនួន៤ (អូស្ត្រាលី កូរ៉េខាងត្បូង ជប៉ុន និងអ៊ីរ៉ង់) ដែលតំណាងអោយសហព័ន្ធកីឡាបាល់ទាត់ទ្វីបអាស៊ី (AFC) សម្រាប់ព្រឹត្តិការណ៍ World Cup នៅប្រេស៊ីល សុទ្ធតែធ្លាប់ជួបប្រកួតជាមួយជម្រើសជាតិកម្ពុជាកាលពីជាង៤០ ទៅ៥០ឆ្នាំមុន។
បើយោងតាមកំណត់ត្រាប្រកួតដែលទទួលស្គាល់ដោយសហព័ន្ធកីឡាបាល់ទាត់ពិភពលោក (FIFA) កម្ពុជាធ្លាប់មានប្រវត្តិជួបជាមួយជម្រើសជាតិអូស្ត្រាលីម្តងដែលបញ្ចប់ក្នុងលទ្ធផលស្មើគ្នា ជួបកូរ៉េខាងត្បូង៨លើក (ឈ្នះ១ ចាញ់៧) ជួបជប៉ុន២លើក (ចាញ់ទាំងពីរលើក) និងជួបអ៊ីរ៉ង់២លើក (ចាញ់ទាំងពីរលើក)។
កាលពីឆ្នាំ១៩៦៥ រដ្ឋាភិបាលក្រុងព្យុងយ៉ាងរបស់លោក គឹម អ៊ីលស៊ុង ដែលមានបញ្ហាការទូតជាមួយបណ្តាប្រទេសជាច្រើននោះ មិនអាចរៀបចំការប្រកួតជម្រុះ World Cup នៅទឹកដីរបស់ខ្លួនបានឡើយ។ ដោយសារតែទំនាក់ទំនងដ៏ល្អជាមួយកម្ពុជាដែលមានព្រះករុណាសម្តេចឪ ព្រះបាទ នរោត្តម សីហនុ ជាព្រះប្រមុខរដ្ឋ ពហុកីឡដ្ឋានជាតិអូឡាំពិកបានក្លាយជាទឹកដីកណ្តាលនៃការប្រកួតរវាងក្រុមជម្រើសជាតិកូរ៉េខាងជើង និងក្រុមអូស្ត្រាលីសម្រាប់វគ្គជម្រុះឆ្ពោះទៅកាន់ World Cup ឆ្នាំ១៩៦៦ ។
នាពេលនោះ ការក្រុមកូរ៉េខាងជើងបានប្រកួតឈ្នះទាំងពីរជើងក្នុងលទ្ធផល ៦-១ និង៣-១ ដោយមានអ្នកទស្សនាប្រមាណ៤ម៉ឺននាក់ ខណៈអង្គសម្តេចឪ បានរៀបចំឲ្យក្រុមអ្នកទស្សនាពាក់កណ្តាលគាំទ្រអូស្ត្រាលី និងពាក់កណ្តាលទៀតគាំទ្រកូរ៉េខាងជើង។ ឆ្លៀតក្នុងឱកាសនោះ សម្តេចឪ បានរៀបចំឲ្យមានការប្រកួតមិត្តភាពជាមួយអូស្ត្រាលី ពោលគឺពីរថ្ងៃបន្ទាប់ពីពួកគេបញ្ចប់យុទ្ធនាការប្រកួតជាមួយកូរ៉េខាងជើង។
ចន្លោះពីឆ្នាំ១៩៦៦ដល់ឆ្នាំ២០០៦ អូស្ត្រាលីជាសមាជិកនៃសហព័ន្ធកីឡាបាល់ទាត់ទ្វីបអូសេអានី (OFC) ប៉ុន្តែបច្ចុប្បន្នត្រូវបានបញ្ចូលជាសមាជិកសហព័ន្ធកីឡាបាល់ទាត់ទ្វីបអាស៊ី (AFC) វិញ។ នាការប្រកួតមិត្តភាពកាលពីថ្ងៃទី២៦ ខែវិច្ឆិកា ឆ្នាំ១៩៦៥នោះ កម្ពុជា និងអូស្ត្រាលីបានបញ្ចប់ក្នុងលទ្ធផលដោយគ្មានការស៊ុតបាល់បញ្ចូលទី។
ក្រុមបីផ្សេងទៀតដែលតំណាងឲ្យទ្វីបអាស៊ីសម្រាប់ព្រឹត្តិការណ៍ប្រកួតនៅប្រេស៊ីលរួមមាន កូរ៉េខាងត្បូង ជប៉ុន និងអ៊ីរ៉ង់។កាលពីថ្ងៃទី៩ ខែឧសភា ឆ្នាំ១៩៧១ កូរ៉េខាងត្បូងបានយក
ឈ្នះកម្ពុជា ២-០ ក្នុងការប្រកួតជម្រុះពូល A នៃព្រឹត្តិការណ៍ President’s Cup នៅទីក្រុងសេអ៊ូល។ នៅថ្ងៃទី១០ ខែឧសភា ឆ្នាំ១៩៧២ ក្រុមទាំងពីរបានជួបគ្នាសម្រាប់ការប្រកួតពូល B នៃព្រឹត្តិការណ៍ដណ្តើមពានរង្វាន់ទ្វីបអាស៊ីនៅទីក្រុងបាងកក ដោយកូរ៉េខាងត្បូងបានយកឈ្នះក្នុងលទ្ធផល ៤-១ ។ ឈានដល់ថ្ងៃទី៨ ខែមិថុនា ឆ្នាំ១៩៧២ ពួកគេបានជួបគ្នាក្នុងព្រឹត្តិការណ៍រំលឹកខួបទីក្រុងហ្សាការតានៅប្រទេសឥណ្ឌូនេស៊ី ដោយកូរ៉េខាងត្បូងបន្តយកឈ្នះក្នុងលទ្ធផល ២-០ បន្ថែមទៀត។
នៅឆ្នាំ១៩៧២ដដែល កម្ពុជាបានធ្វើដំណើរទៅកាន់ទីក្រុងសេអ៊ូល សម្រាប់ព្រឹត្តិការណ៍ប្រកួតជម្រុះជុំទីមួយ President’s Cup នាថ្ងៃទី២២ ខែកញ្ញា ឆ្នាំ១៩៧២ ដោយម្ចាស់ផ្ទះយកឈ្នះក្នុងលទ្ធផល ៣-១ ។ នៅឆ្នាំ១៩៧៣ នាថ្ងៃខែឆ្នាំដដែល និងព្រឹត្តិការណ៍ដដែល ម្ចាស់ផ្ទះកូរ៉េខាងត្បូងបានបន្តបំបាក់កម្ពុជាក្នុងលទ្ធផល ៦-០ ។
ជំនួបលើកទី៦រវាងក្រុមទាំងពីរបានប្រព្រឹត្តិទៅនៅទីក្រុងបាងកក នាថ្ងៃទី១៦ ខែធ្នូ ឆ្នាំ១៩៧៣ ក្នុងព្រឹត្តិការណ៍ King’s Cup របស់ថៃ ខណៈកូរ៉េខាងត្បូងបានបន្តជ័យជម្នះរបស់ខ្លួនក្នុងលទ្ធផល ៥-០ ។ ទោះបីជាយ៉ាងណាក៏ដោយ មោទនភាព ក៏បានកើតឡើងផងដែរសម្រាប់ក្រុមកម្ពុជា នាថ្ងៃទី១៣ ខែឧសភា ឆ្នាំ១៩៧៤ ដោយនៅពេលនោះ កម្ពុជាមានលទ្ធភាពយកឈ្នះកូរ៉េខាងត្បូងក្នុងលទ្ធផល ១-០ នៅកីឡដ្ឋានក្រុងសេអ៊ូល សម្រាប់ការប្រកួតជម្រុះ President’s Cup។ ជំនួបចុងក្រោយរវាងក្រុមជម្រើសជាតិទាំងពីរ គឺនៅថ្ងៃទី១៣ ខែធ្នូ ឆ្នាំ១៩៧៤ នៅទីក្រុងបាងកក ក្នុងព្រឹត្តិការណ៍ King’s Cup ដោយកូរ៉េខាងត្បូងបានយកឈ្នះក្នុងលទ្ធផល ២-១ ។
ងាកទៅមើលជំនួបជាមួយក្រុមជម្រើសជាតិសាមួរ៉ៃជប៉ុនវិញម្តង កម្ពុជាធ្លាប់ប៉ះជាមួយចំនួនពីរលើក ហើយបរាជ័យទាំងពីរលើក។ កាលពីថ្ងៃទី១២ ខែធ្នូ ឆ្នាំ១៩៧០ ពួកគេបានជួបគ្នា
នៃការប្រកួតជម្រុះពូល B ក្នុងព្រឹត្តិការណ៍ Asian Games ក្នុងទីក្រុងបាងកក ដោយជប៉ុនបានយកឈ្នះក្នុងលទ្ធផល ១-០ ។ ពីរឆ្នាំក្រោយមក ពោលគឺនៅថ្ងៃទី៦ ខែសីហា ឆ្នាំ១៩៧២ ក្រុមទាំងពីរបានជួបគ្នាក្នុងព្រឹត្តិការណ៍ Merdeka Cup នៅក្នុងទីក្រុងគូឡាឡាំពួរ ប្រទេសម៉ាឡេស៊ី ដោយជប៉ុនបន្តយកឈ្នះក្នុងលទ្ធផល ៤-១ ។
សម្រាប់ជំនួបជាមួយក្រុមជម្រើសជាតិអ៊ីរ៉ង់ កម្ពុជាធ្លាប់មានប្រវត្តិចាញ់ទាំងពីរលើកផងដែរ។ ពួកគេបានជួបគ្នានៅក្នុងព្រឹត្តិការណ៍ជម្រើសជើងឯកទ្វីបអាស៊ីនាឆ្នាំ១៩៧២ ។ នាការប្រកួតជម្រុះតាមពូលនាថ្ងៃទី៧ ខែឧសភា នៅកីឡដ្ឋាន Suphachalasai ក្នុងបាងកក អ៊ីរ៉ង់បានយកឈ្នះក្នុងលទ្ធផល ២-០ ។ នៅថ្ងៃទី១៦ ខែឧសភា ក្រុមទាំងពីរបានប៉ះគ្នានៅក្នុងការប្រកួតវគ្គពាក់កណ្តាលផ្តាច់ព្រ័ត្រ ដោយអ៊ីរ៉ង់បានយកឈ្នះក្នុងលទ្ធផល ២-១ ។ មួយគ្រាប់ដែលកម្ពុជាវាយបកបាននោះ គឺជាការស៊ុតបញ្ចូលទីរបស់កីឡាករ ស្លៃម៉ាន សាលីម៕
បើយោងតាមកំណត់ត្រាប្រកួតដែលទទួលស្គាល់ដោយសហព័ន្ធកីឡាបាល់ទាត់ពិភពលោក (FIFA) កម្ពុជាធ្លាប់មានប្រវត្តិជួបជាមួយជម្រើសជាតិអូស្ត្រាលីម្តងដែលបញ្ចប់ក្នុងលទ្ធផលស្មើគ្នា ជួបកូរ៉េខាងត្បូង៨លើក (ឈ្នះ១ ចាញ់៧) ជួបជប៉ុន២លើក (ចាញ់ទាំងពីរលើក) និងជួបអ៊ីរ៉ង់២លើក (ចាញ់ទាំងពីរលើក)។
កាលពីឆ្នាំ១៩៦៥ រដ្ឋាភិបាលក្រុងព្យុងយ៉ាងរបស់លោក គឹម អ៊ីលស៊ុង ដែលមានបញ្ហាការទូតជាមួយបណ្តាប្រទេសជាច្រើននោះ មិនអាចរៀបចំការប្រកួតជម្រុះ World Cup នៅទឹកដីរបស់ខ្លួនបានឡើយ។ ដោយសារតែទំនាក់ទំនងដ៏ល្អជាមួយកម្ពុជាដែលមានព្រះករុណាសម្តេចឪ ព្រះបាទ នរោត្តម សីហនុ ជាព្រះប្រមុខរដ្ឋ ពហុកីឡដ្ឋានជាតិអូឡាំពិកបានក្លាយជាទឹកដីកណ្តាលនៃការប្រកួតរវាងក្រុមជម្រើសជាតិកូរ៉េខាងជើង និងក្រុមអូស្ត្រាលីសម្រាប់វគ្គជម្រុះឆ្ពោះទៅកាន់ World Cup ឆ្នាំ១៩៦៦ ។
នាពេលនោះ ការក្រុមកូរ៉េខាងជើងបានប្រកួតឈ្នះទាំងពីរជើងក្នុងលទ្ធផល ៦-១ និង៣-១ ដោយមានអ្នកទស្សនាប្រមាណ៤ម៉ឺននាក់ ខណៈអង្គសម្តេចឪ បានរៀបចំឲ្យក្រុមអ្នកទស្សនាពាក់កណ្តាលគាំទ្រអូស្ត្រាលី និងពាក់កណ្តាលទៀតគាំទ្រកូរ៉េខាងជើង។ ឆ្លៀតក្នុងឱកាសនោះ សម្តេចឪ បានរៀបចំឲ្យមានការប្រកួតមិត្តភាពជាមួយអូស្ត្រាលី ពោលគឺពីរថ្ងៃបន្ទាប់ពីពួកគេបញ្ចប់យុទ្ធនាការប្រកួតជាមួយកូរ៉េខាងជើង។
ចន្លោះពីឆ្នាំ១៩៦៦ដល់ឆ្នាំ២០០៦ អូស្ត្រាលីជាសមាជិកនៃសហព័ន្ធកីឡាបាល់ទាត់ទ្វីបអូសេអានី (OFC) ប៉ុន្តែបច្ចុប្បន្នត្រូវបានបញ្ចូលជាសមាជិកសហព័ន្ធកីឡាបាល់ទាត់ទ្វីបអាស៊ី (AFC) វិញ។ នាការប្រកួតមិត្តភាពកាលពីថ្ងៃទី២៦ ខែវិច្ឆិកា ឆ្នាំ១៩៦៥នោះ កម្ពុជា និងអូស្ត្រាលីបានបញ្ចប់ក្នុងលទ្ធផលដោយគ្មានការស៊ុតបាល់បញ្ចូលទី។
ក្រុមបីផ្សេងទៀតដែលតំណាងឲ្យទ្វីបអាស៊ីសម្រាប់ព្រឹត្តិការណ៍ប្រកួតនៅប្រេស៊ីលរួមមាន កូរ៉េខាងត្បូង ជប៉ុន និងអ៊ីរ៉ង់។កាលពីថ្ងៃទី៩ ខែឧសភា ឆ្នាំ១៩៧១ កូរ៉េខាងត្បូងបានយក
ឈ្នះកម្ពុជា ២-០ ក្នុងការប្រកួតជម្រុះពូល A នៃព្រឹត្តិការណ៍ President’s Cup នៅទីក្រុងសេអ៊ូល។ នៅថ្ងៃទី១០ ខែឧសភា ឆ្នាំ១៩៧២ ក្រុមទាំងពីរបានជួបគ្នាសម្រាប់ការប្រកួតពូល B នៃព្រឹត្តិការណ៍ដណ្តើមពានរង្វាន់ទ្វីបអាស៊ីនៅទីក្រុងបាងកក ដោយកូរ៉េខាងត្បូងបានយកឈ្នះក្នុងលទ្ធផល ៤-១ ។ ឈានដល់ថ្ងៃទី៨ ខែមិថុនា ឆ្នាំ១៩៧២ ពួកគេបានជួបគ្នាក្នុងព្រឹត្តិការណ៍រំលឹកខួបទីក្រុងហ្សាការតានៅប្រទេសឥណ្ឌូនេស៊ី ដោយកូរ៉េខាងត្បូងបន្តយកឈ្នះក្នុងលទ្ធផល ២-០ បន្ថែមទៀត។នៅឆ្នាំ១៩៧២ដដែល កម្ពុជាបានធ្វើដំណើរទៅកាន់ទីក្រុងសេអ៊ូល សម្រាប់ព្រឹត្តិការណ៍ប្រកួតជម្រុះជុំទីមួយ President’s Cup នាថ្ងៃទី២២ ខែកញ្ញា ឆ្នាំ១៩៧២ ដោយម្ចាស់ផ្ទះយកឈ្នះក្នុងលទ្ធផល ៣-១ ។ នៅឆ្នាំ១៩៧៣ នាថ្ងៃខែឆ្នាំដដែល និងព្រឹត្តិការណ៍ដដែល ម្ចាស់ផ្ទះកូរ៉េខាងត្បូងបានបន្តបំបាក់កម្ពុជាក្នុងលទ្ធផល ៦-០ ។
ជំនួបលើកទី៦រវាងក្រុមទាំងពីរបានប្រព្រឹត្តិទៅនៅទីក្រុងបាងកក នាថ្ងៃទី១៦ ខែធ្នូ ឆ្នាំ១៩៧៣ ក្នុងព្រឹត្តិការណ៍ King’s Cup របស់ថៃ ខណៈកូរ៉េខាងត្បូងបានបន្តជ័យជម្នះរបស់ខ្លួនក្នុងលទ្ធផល ៥-០ ។ ទោះបីជាយ៉ាងណាក៏ដោយ មោទនភាព ក៏បានកើតឡើងផងដែរសម្រាប់ក្រុមកម្ពុជា នាថ្ងៃទី១៣ ខែឧសភា ឆ្នាំ១៩៧៤ ដោយនៅពេលនោះ កម្ពុជាមានលទ្ធភាពយកឈ្នះកូរ៉េខាងត្បូងក្នុងលទ្ធផល ១-០ នៅកីឡដ្ឋានក្រុងសេអ៊ូល សម្រាប់ការប្រកួតជម្រុះ President’s Cup។ ជំនួបចុងក្រោយរវាងក្រុមជម្រើសជាតិទាំងពីរ គឺនៅថ្ងៃទី១៣ ខែធ្នូ ឆ្នាំ១៩៧៤ នៅទីក្រុងបាងកក ក្នុងព្រឹត្តិការណ៍ King’s Cup ដោយកូរ៉េខាងត្បូងបានយកឈ្នះក្នុងលទ្ធផល ២-១ ។
ងាកទៅមើលជំនួបជាមួយក្រុមជម្រើសជាតិសាមួរ៉ៃជប៉ុនវិញម្តង កម្ពុជាធ្លាប់ប៉ះជាមួយចំនួនពីរលើក ហើយបរាជ័យទាំងពីរលើក។ កាលពីថ្ងៃទី១២ ខែធ្នូ ឆ្នាំ១៩៧០ ពួកគេបានជួបគ្នា
នៃការប្រកួតជម្រុះពូល B ក្នុងព្រឹត្តិការណ៍ Asian Games ក្នុងទីក្រុងបាងកក ដោយជប៉ុនបានយកឈ្នះក្នុងលទ្ធផល ១-០ ។ ពីរឆ្នាំក្រោយមក ពោលគឺនៅថ្ងៃទី៦ ខែសីហា ឆ្នាំ១៩៧២ ក្រុមទាំងពីរបានជួបគ្នាក្នុងព្រឹត្តិការណ៍ Merdeka Cup នៅក្នុងទីក្រុងគូឡាឡាំពួរ ប្រទេសម៉ាឡេស៊ី ដោយជប៉ុនបន្តយកឈ្នះក្នុងលទ្ធផល ៤-១ ។សម្រាប់ជំនួបជាមួយក្រុមជម្រើសជាតិអ៊ីរ៉ង់ កម្ពុជាធ្លាប់មានប្រវត្តិចាញ់ទាំងពីរលើកផងដែរ។ ពួកគេបានជួបគ្នានៅក្នុងព្រឹត្តិការណ៍ជម្រើសជើងឯកទ្វីបអាស៊ីនាឆ្នាំ១៩៧២ ។ នាការប្រកួតជម្រុះតាមពូលនាថ្ងៃទី៧ ខែឧសភា នៅកីឡដ្ឋាន Suphachalasai ក្នុងបាងកក អ៊ីរ៉ង់បានយកឈ្នះក្នុងលទ្ធផល ២-០ ។ នៅថ្ងៃទី១៦ ខែឧសភា ក្រុមទាំងពីរបានប៉ះគ្នានៅក្នុងការប្រកួតវគ្គពាក់កណ្តាលផ្តាច់ព្រ័ត្រ ដោយអ៊ីរ៉ង់បានយកឈ្នះក្នុងលទ្ធផល ២-១ ។ មួយគ្រាប់ដែលកម្ពុជាវាយបកបាននោះ គឺជាការស៊ុតបញ្ចូលទីរបស់កីឡាករ ស្លៃម៉ាន សាលីម៕
© រក្សាសិទ្ធិដោយ thmeythmey.com
