កីឡាជាតិ
ជាតិ
ព្រឹត្តិការណ៍ភ្នំពេញអន្តរជាតិឌូអាត្លុង នៅកោះពេជ្របញ្ចប់ទៅដោយជោគជ័យ
×![]()
ដោយ: រួបរួម
អ្នកចូលរួមជាង៨០០នាក់ ក្នុងនោះមានកីឡាករ-កីឡាការិនី ប្រមាណ៣៥០នាក់ និងភ្ញៀវកិត្តិយសជាង៤០០នាក់ រួមទាំងជនបរទេស និងកុមារាកុមារីផងដែរនោះ បានចូលរួមយ៉ាងរីករាយក្នុងព្រឹត្តិការណ៍ប្រកួតកីឡាឌូអាត្លុងដណ្តើមពានរង្វាន់សម្តេច ហ៊ុន សែន លើកទីមួយនៅមជ្ឈមណ្ឌលកោះពេជ្រ នាព្រឹកថ្ងៃអាទិត្យ ទី១ ខែមិថុនា នេះ។
ព្រឹត្តិការណ៍ឌូអាត្លុង (រត់ប្រណាំង ជិះកង់ និងរត់ប្រណាំង) ដែលរៀបចំឡើងដើម្បីអបអរទិវាសិទ្ធិកុមារអន្តរជាតិផងដែរនោះ មានក្រុមហ៊ុនចូលរួមឧបត្ថម្ភជាច្រើន ខណៈថ្នាក់ដឹកនាំ និងបុគ្គលិកនៃស្ថាប័នរដ្ឋ និងឯកជន បានចូលរួមយ៉ាងច្រើនកុះករ។
ក្រៅពីភាពសប្បាយរីករាយ កីឡាករ-កីឡាការិនីក៏បានប្រជែងគ្នាយកចំណាត់ថ្នាក់ទៅតាមប្រភេទវិញ្ញាសារៀងៗខ្លួនផងដែរ។ លោក ខៀវ កាញារីទ្ធ រដ្ឋមន្ត្រីក្រសួងព័ត៌មាន និងជាប្រធានកិត្តិយសសហព័ន្ធកីឡាទ្រីយ៉ាត្លុងកម្ពុជា បានចូលរួមជាអធិបតីភាពក្នុងការបំពាក់មេដាយ និងប្រគល់ពានដល់ជ័យលាភី។
សម្រាប់វិញ្ញាសាអាយុក្រោម១៨ឆ្នាំផ្នែកបុរស លេខមួយ បានលើកីឡាករ ស្រស់ សុខា នៃក្លិបឫទ្ធីសែន លេខពីរ បានលើ ឈុន ប៊ុនថន នៃក្លិបឫទ្ធីសែនដូចគ្នា ខណៈកីឡាករ កែវ រដ្ឋា នៃក្លិបកង់ហោះ ឈ្នះតំណែងលេខបី។
រីឯវិញ្ញាសាអាយុក្រោម១៨ឆ្នាំផ្នែកនារី កីឡាការិនី បុស្បា រ៉ែន នៃក្លិបឫទ្ធីសែន បានលេខមួយ កីឡាការិនី វង្ស ស៊ូហុងនៃក្លិបកង់ហោះបានលេខពីរ និងកីឡាការិនីមហាជន អេង មួយងីម បានលេខបី។
.jpg)
ចំណែកវិញ្ញាសាអាយុ៤១ឆ្នាំឡើងទៅ ចំណាត់ថ្នាក់លេខមួយ បានកីឡាករ វង្ស ជីងចូវ នៃក្លឹបកង់ហោះ លេខពីរបានលើ កីឡាករ សូ វ៉ាន់ថា និងលេខបីបានលើកីឡាករឃុត ស្រស់មកពីសាកលវិទ្យាល័យធនធានមនុស្ស។
វិញ្ញាសាអាយុពី១៨ដល់៤០ឆ្នាំបុរស លេខមួយ កីឡាករ ម៉ា វីរ៉ូ សាកលវិទ្យាល័យធនធានមនុស្ស លេខពីរកីឡាករហែម ប៊ុនទីង ក្លឹប AAP និងលេខបី កីឡាករ ពត សារ៉ាតនៃក្លឹបមេគង្គ ។ វិញ្ញាសាអាយុ១៨ឆ្នាំទៅ៤០ឆ្នាំផ្នែក នារីចំណាត់ថ្នាក់លេខមួយ កីឡាការិនី ហេង ស៊ីវឡាងក្លឹបកង់ហោះ លេខពីរ កីឡាការិនីបរទេស Veronique និងលេខបីកីឡាការិនីបរទេស Seril ៕
ព្រឹត្តិការណ៍ឌូអាត្លុង (រត់ប្រណាំង ជិះកង់ និងរត់ប្រណាំង) ដែលរៀបចំឡើងដើម្បីអបអរទិវាសិទ្ធិកុមារអន្តរជាតិផងដែរនោះ មានក្រុមហ៊ុនចូលរួមឧបត្ថម្ភជាច្រើន ខណៈថ្នាក់ដឹកនាំ និងបុគ្គលិកនៃស្ថាប័នរដ្ឋ និងឯកជន បានចូលរួមយ៉ាងច្រើនកុះករ។
ក្រៅពីភាពសប្បាយរីករាយ កីឡាករ-កីឡាការិនីក៏បានប្រជែងគ្នាយកចំណាត់ថ្នាក់ទៅតាមប្រភេទវិញ្ញាសារៀងៗខ្លួនផងដែរ។ លោក ខៀវ កាញារីទ្ធ រដ្ឋមន្ត្រីក្រសួងព័ត៌មាន និងជាប្រធានកិត្តិយសសហព័ន្ធកីឡាទ្រីយ៉ាត្លុងកម្ពុជា បានចូលរួមជាអធិបតីភាពក្នុងការបំពាក់មេដាយ និងប្រគល់ពានដល់ជ័យលាភី។
សម្រាប់វិញ្ញាសាអាយុក្រោម១៨ឆ្នាំផ្នែកបុរស លេខមួយ បានលើកីឡាករ ស្រស់ សុខា នៃក្លិបឫទ្ធីសែន លេខពីរ បានលើ ឈុន ប៊ុនថន នៃក្លិបឫទ្ធីសែនដូចគ្នា ខណៈកីឡាករ កែវ រដ្ឋា នៃក្លិបកង់ហោះ ឈ្នះតំណែងលេខបី។
រីឯវិញ្ញាសាអាយុក្រោម១៨ឆ្នាំផ្នែកនារី កីឡាការិនី បុស្បា រ៉ែន នៃក្លិបឫទ្ធីសែន បានលេខមួយ កីឡាការិនី វង្ស ស៊ូហុងនៃក្លិបកង់ហោះបានលេខពីរ និងកីឡាការិនីមហាជន អេង មួយងីម បានលេខបី។
ចំណែកវិញ្ញាសាអាយុ៤១ឆ្នាំឡើងទៅ ចំណាត់ថ្នាក់លេខមួយ បានកីឡាករ វង្ស ជីងចូវ នៃក្លឹបកង់ហោះ លេខពីរបានលើ កីឡាករ សូ វ៉ាន់ថា និងលេខបីបានលើកីឡាករឃុត ស្រស់មកពីសាកលវិទ្យាល័យធនធានមនុស្ស។
វិញ្ញាសាអាយុពី១៨ដល់៤០ឆ្នាំបុរស លេខមួយ កីឡាករ ម៉ា វីរ៉ូ សាកលវិទ្យាល័យធនធានមនុស្ស លេខពីរកីឡាករហែម ប៊ុនទីង ក្លឹប AAP និងលេខបី កីឡាករ ពត សារ៉ាតនៃក្លឹបមេគង្គ ។ វិញ្ញាសាអាយុ១៨ឆ្នាំទៅ៤០ឆ្នាំផ្នែក នារីចំណាត់ថ្នាក់លេខមួយ កីឡាការិនី ហេង ស៊ីវឡាងក្លឹបកង់ហោះ លេខពីរ កីឡាការិនីបរទេស Veronique និងលេខបីកីឡាការិនីបរទេស Seril ៕
© រក្សាសិទ្ធិដោយ thmeythmey.com
