កីឡាជាតិ
ជាតិ
ជើងឯកលីកកម្ពុជាមានសិទ្ធិចូលរួមក្នុងព្រឹត្តិការណ៍Toyota Mekong Club នៅវៀតណាម
× សហព័ន្ធកីឡាបាល់ទាត់កម្ពុជា (FFC) បានប្រកាសថាខ្លួនសម្រេចចិត្តបញ្ជូនក្រុមទៅចូលរួមក្នុងការប្រកួតពានរង្វាន់ Toyota Mekong Club Championship ដែលប្រមូលផ្ដុំដោយមានវត្តមានពិសេសពីក្លិបជើងឯកទាំងឡាយ ក្នុងតំបន់ទន្លេរមេគង្គ រួមមាន កម្ពុជា ឡាវ មីយ៉ាន់ម៉ា និង វៀតណាម នាពេលខាងមុខ។
វេបសាយផ្លូវការរបស់សហព័ន្ធកីឡាបាល់ទាត់កម្ពុជា ដែលបានចេញផ្សាយកាលពីថ្ងៃទី ១០ មិថុនា នោះ បានបញ្ជាក់ថាពានរង្វាន់ជើងឯកប្រចាំតំបន់មេគង្គដំបូងនេះនឹងត្រូវរៀបចំនៅកីឡដ្ឋាន Hang Day Stadium ពីថ្ងៃទី៣១ ខែតុលា ដល់ថ្ងៃទី២ ខែវិច្ឆិកា ឆ្នាំ ២០១៤ នៅទីក្រុងហាណូយនៃសាធារណរដ្ឋសង្គមនិយមវៀតណាម។
ប្រភពខាងលើបន្ថែមថា ការសម្រេចចិត្តនេះគឺដើម្បីពង្រឹងកិច្ចសហប្រតិបត្តិការលើកទីមួយ រវាងសហព័ន្ធកីឡាបាល់ទាត់កម្ពុជា ជាមួយក្រុមហ៊ុនតូយ៉ូតា ហើយភាគីទាំងពីររំពឹងទុកថានឹងបន្តធ្វើការរួមគ្នាយ៉ាងជិតស្និទ្ធសម្រាប់គម្រោងផ្សេងៗក្នុងពេល អនាគតដែលរួមចំណែកធ្វើអោយបាល់ទាត់នៅកម្ពុជាមានភាពរីកចម្រើន។
តាមគម្រោងក្រុមដែលមានសិទ្ធចូលលេងក្នុងពានរង្វាន់នេះបានគឺចាំបាច់ជាជើងឯកប្រចាំលីកនៃប្រទេសទាំង ៤ ខណៈក្រុមហ៊ុនផលិតរថយន្ត TOYOTA ជាអ្នកឧបត្ថម្ភធំ៕
© រក្សាសិទ្ធិដោយ thmeythmey.com