កីឡាអន្តរជាតិ
អន្តរជាតិ
សម្រាប់ការប្រកួតនារាត្រីនេះបារាំង និងអ៊ីតាលី រំពឹងបោះជំហានទៅកាន់វគ្គបន្ត
×![]()
ដោយ: ថ្មីៗ
ក្រុមបាល់ទាត់ជម្រើសជាតិអ៊ីតាលីរបស់លោក Cesare Prandelli និងក្រុមជម្រើសជាតិបារាំងរបស់លោក Didier Deschamps អាចនឹងបោះជំហានដ៏ធំមួយឆ្ពោះទៅកាន់ការប្រកួតជុំទី២នៃយុទ្ធនាការ World Cup ប្រសិនបើពួកគេទទួលជ័យជម្នះក្នុងការប្រកួតដ៏សំខាន់របស់ពួកគេនៅរាត្រីនេះ។ 
ក្រុមជម្រើសជាតិអ៊ីតាលី នឹងត្រូវជួបជាមួយនឹងកូស្តារីកា ក្នុងការប្រកួតមួយរវាងក្រុមដែលមិនទាន់ចាញ់ក្នុងពូល D ក្នុងកទីក្រុង Recife នាវេលាម៉ោង១១យប់ (ម៉ោងនៅកម្ពុជា)។ ក្រុមបាល់ទាត់ជម្រើសជាតិបារាំង និងក្រុមស្វ៊ីស ដែលសុទ្ធសឹងបានទទួលជ័យជម្នះក្នុងការប្រកួតបើកឆាកនៃពូល E របស់ពួកគេនោះ នឹងត្រូវធ្វើការប្រកួតបន្ទាប់ពីនោះនាវេលាម៉ោង២ទៀបភ្លឺ ក្នុងទីក្រុង Salvador។
ក្នុងការប្រកួតពូលដូចគ្នានេះ ក្រុមជម្រើសជាតិហុងឌូរ៉ាស និងអេក្វាទ័រ នឹងត្រូវប្រកួតគ្នានៅទីក្រុង Curitiba នៅវេលាម៉ោង៥ទៀបភ្លឺ។ ថ្ងៃប្រកួតនៅរាត្រីនេះ នឹងមិនក្លាយជាការប្រកួតដ៏ងាយស្រួលឡើយសម្រាប់ក្រុមជើងខ្លាំងមកពីតំបន់អឺរ៉ុបទាំងពីរ។ តារាឆ្នើមៗរបស់ក្រុមអ៊ីតាលី នឹងត្រូវងតែជួបជាមួយនឹងក្រុមកូស្តារីកា ដែលបានដណ្តើមយកជ័យជម្នះដ៏មិននឹកស្មានដល់មួយតាមរយៈការផ្តួលក្រុមអ៊ុយរូហ្គាយ ៣-១ កាលពីថ្ងៃសៅរ៍។
លោក Prandelli ប្រហែលជាមិនមានការភ្ញាក់ផ្អើលឡើយ ខណៈដែលសមាជិក១១នាក់របស់ក្រុមកូស្តារីកា លេងក្នុងក្របខ័ណ្ឌអឺរ៉ុប ហើយបីនាក់ទៀតលេងក្នុងក្របខ័ណ្ឌ Major League Soccer របស់សហរដ្ឋអាមេរិក។ ខ្សែប្រយុទ្ធដ៏មុតស្រួច Joel Campbell របស់កូស្តារីកា ដែលបានបញ្ចប់រដូវកាលមួយជាមួយនឹងក្លិប Olympiakos ក្នុងប្រទេសក្រិកក្នុងនាមជាកីឡាករកម្ចីពីក្លិប Arsenal នោះ បានសន្យាថា ក្រុមអ៊ីតាលីនឹងមានការប្រកួតដ៏ស្វិតស្វាញមួយ។
កីឡាកររូបនេះបាននិយាយទាំងជឿជាក់ថា៖ «យើងមានការស្ងប់អារម្មណ៍ និងត្រជាក់ចិត្ត ហើយយើងសង្ឃឹមថា នឹងឈានទៅប្រកួតក្នុងជុំទី២» ។ ប៉ុន្តែ សមត្ថភាពបញ្ជូនបាល់ដ៏គួរឲ្យចាប់អារម្មណ៍របស់អ៊ីតាលី បានធ្វើឲ្យពួកគេគ្រប់គ្រងយ៉ាងល្អលើក្រុមអង់គ្លេស ហើយខ្សែបម្រើជើងចាស់ Daniele de Rossi បានបញ្ជាក់ថា៖ «យើងតែងតែគោរពដល់គូប្រកួតរបស់លោក ប៉ុន្តែ យើងមិនខ្លាចក្រុមណាឡើយ»។ Gianluigi Buffon ដែលជាប្រធានក្រុម និងជាអ្នកចាំទីរបស់អ៊ីតាលី មានភាពរឹងមាំឡើងវិញ ហើយអាចនឹងចូលជំនួសកន្លែងរបស់គេពីអ្នកចាត់ទី Salvatore Sirigu៕
ប្រែសម្រួលដោយ ផេង សំណាង
ក្រុមជម្រើសជាតិអ៊ីតាលី នឹងត្រូវជួបជាមួយនឹងកូស្តារីកា ក្នុងការប្រកួតមួយរវាងក្រុមដែលមិនទាន់ចាញ់ក្នុងពូល D ក្នុងកទីក្រុង Recife នាវេលាម៉ោង១១យប់ (ម៉ោងនៅកម្ពុជា)។ ក្រុមបាល់ទាត់ជម្រើសជាតិបារាំង និងក្រុមស្វ៊ីស ដែលសុទ្ធសឹងបានទទួលជ័យជម្នះក្នុងការប្រកួតបើកឆាកនៃពូល E របស់ពួកគេនោះ នឹងត្រូវធ្វើការប្រកួតបន្ទាប់ពីនោះនាវេលាម៉ោង២ទៀបភ្លឺ ក្នុងទីក្រុង Salvador។
ក្នុងការប្រកួតពូលដូចគ្នានេះ ក្រុមជម្រើសជាតិហុងឌូរ៉ាស និងអេក្វាទ័រ នឹងត្រូវប្រកួតគ្នានៅទីក្រុង Curitiba នៅវេលាម៉ោង៥ទៀបភ្លឺ។ ថ្ងៃប្រកួតនៅរាត្រីនេះ នឹងមិនក្លាយជាការប្រកួតដ៏ងាយស្រួលឡើយសម្រាប់ក្រុមជើងខ្លាំងមកពីតំបន់អឺរ៉ុបទាំងពីរ។ តារាឆ្នើមៗរបស់ក្រុមអ៊ីតាលី នឹងត្រូវងតែជួបជាមួយនឹងក្រុមកូស្តារីកា ដែលបានដណ្តើមយកជ័យជម្នះដ៏មិននឹកស្មានដល់មួយតាមរយៈការផ្តួលក្រុមអ៊ុយរូហ្គាយ ៣-១ កាលពីថ្ងៃសៅរ៍។
លោក Prandelli ប្រហែលជាមិនមានការភ្ញាក់ផ្អើលឡើយ ខណៈដែលសមាជិក១១នាក់របស់ក្រុមកូស្តារីកា លេងក្នុងក្របខ័ណ្ឌអឺរ៉ុប ហើយបីនាក់ទៀតលេងក្នុងក្របខ័ណ្ឌ Major League Soccer របស់សហរដ្ឋអាមេរិក។ ខ្សែប្រយុទ្ធដ៏មុតស្រួច Joel Campbell របស់កូស្តារីកា ដែលបានបញ្ចប់រដូវកាលមួយជាមួយនឹងក្លិប Olympiakos ក្នុងប្រទេសក្រិកក្នុងនាមជាកីឡាករកម្ចីពីក្លិប Arsenal នោះ បានសន្យាថា ក្រុមអ៊ីតាលីនឹងមានការប្រកួតដ៏ស្វិតស្វាញមួយ។
កីឡាកររូបនេះបាននិយាយទាំងជឿជាក់ថា៖ «យើងមានការស្ងប់អារម្មណ៍ និងត្រជាក់ចិត្ត ហើយយើងសង្ឃឹមថា នឹងឈានទៅប្រកួតក្នុងជុំទី២» ។ ប៉ុន្តែ សមត្ថភាពបញ្ជូនបាល់ដ៏គួរឲ្យចាប់អារម្មណ៍របស់អ៊ីតាលី បានធ្វើឲ្យពួកគេគ្រប់គ្រងយ៉ាងល្អលើក្រុមអង់គ្លេស ហើយខ្សែបម្រើជើងចាស់ Daniele de Rossi បានបញ្ជាក់ថា៖ «យើងតែងតែគោរពដល់គូប្រកួតរបស់លោក ប៉ុន្តែ យើងមិនខ្លាចក្រុមណាឡើយ»។ Gianluigi Buffon ដែលជាប្រធានក្រុម និងជាអ្នកចាំទីរបស់អ៊ីតាលី មានភាពរឹងមាំឡើងវិញ ហើយអាចនឹងចូលជំនួសកន្លែងរបស់គេពីអ្នកចាត់ទី Salvatore Sirigu៕
ប្រែសម្រួលដោយ ផេង សំណាង
© រក្សាសិទ្ធិដោយ thmeythmey.com
