កីឡាអន្តរជាតិ
អន្តរជាតិ
ជំនួបក្រុមមិនស្គាល់ចាញ់ អាហ្សង់ទីន-បែលហ្ស៊ិក រីឯគ្រូកូស្តារីកាខ្លាចការធ្វើពុតរបស់ Robben
×![]()
ដោយ: រួបរួម
វគ្គ៨ក្រុមចុងក្រោយនៃព្រឹត្តិការណ៍ World Cup ឆ្នាំ២០១៤ ដល់វេលាក្នុងការស្វែងរកពីរក្រុមបន្ថែមទៀតសម្រាប់ការប្រកួតវគ្គ១/២ផ្តាច់ព្រ័ត្រ ដោយអាហ្សង់ទីន ត្រូវប៉ះជាមួយបែលហ្ស៊ិកនាវេលាម៉ោង១១នាត្រីនេះ មុនជំនួបរវាងហូឡង់ និងកូស្តារីកា នាវេលាម៉ោង៣ទៀបភ្លឺ។
សម្រាប់ជំនួបនៅលើទីលាន Estadio Nacional de Brasilia ខ្សែការពារឆ្វេងរបស់អាហ្សង់ទីន Marco Rojo ត្រូវអវត្តមានដោយសារជាប់ពិន័យ ដោយទីតាំងរបស់គេអាចនឹងត្រូវជំនួសដោយ Jose Basanta ។ Sergio Aguero ប្រហែលជាមិនអាចជាប់ក្នុងជម្រើសដំបូងឡើយ ដោយសារបញ្ហារបួស ខណៈ Rodrigo Palacio អាចជំនួសដោយ Ezequiel Lavezzi។ ងាកទៅក្រុមបែលហ្ស៊ិកវិញ ខ្សែបម្រើ Steven Defour បានរួចផុតការពិន័យហើយ បន្ទាប់ពីទទួលកាតក្រហមនាជំនួបជាមួយកូរ៉េខាងត្បូង ខណៈខ្សែការពារ Thomas Vermaelen ក៏មិនមានបញ្ហាអ្វីទៀតដែរ។
អាហ្សង់ទីន និងបែលហ្ស៊ិក ធ្លាប់ជួបគ្នាចំនួន៤លើក រួមបញ្ចូលពីរលើកនៅក្នុងព្រឹត្តិការណ៍ World Cup ដោយបែលហ្ស៊ិកបានយកឈ្នះ ១-០ នៅវគ្គជម្រុះតាមពូលក្នុងឆ្នាំ១៩៨២ ហើយអាហ្សង់ទីន បានសងសឹកក្នុងលទ្ធផល ២-០ វិញនៅវគ្គពាក់កណ្តាលផ្តាច់ព្រ័ត្រនៅឆ្នាំ១៩៨៦ ។
បែលហ្ស៊ិកដែលស្គាល់ជាតិបរាជ័យឡើយក្នុងចំណោម២១ប្រកួត ដែលក្នុងនោះអ្នកចាំទី Thibaut Courtois លេងក្នុងជម្រើសដំបូង ហើយអាហ្សង់ទីនក៏មិនដែលស្គាល់ចាញ់ផងដែរក្នុងចំណោម២៥ប្រកួតចុងក្រោយក្រោមវត្តមានរបស់ខ្សែប្រយុទ្ធ Messi (ឈ្នះ១៨ ស្មើ៧ ) ។
រីឯការប៉ះគ្នានៅលើទីលាន Arena Fonte Nova វិញ កូស្តារីកាត្រូវបង្ហាញវត្តមានជាលើកដំបូងនៅវគ្គ១/៤ផ្តាច់ព្រ័ត្រនៃព្រឹត្តិការណ៍ World Cup។ ស្របពេលជាមួយគ្នានេះ គ្រូបង្វឹកកូស្តារីកា លោក Jorge Luis Pinto សម្តែងការព្រួយបារម្ភចំពោះខ្សែបម្រើហូឡង់ Arjen Robben តាមរយៈការលើកឡើងថា កីឡាកររូបនេះត្រូវតែទទួលការពិន័យភ្លាមៗប្រសិនបើគេធ្វើពុតជាដួលនាជំនួបនៅរាត្រីនេះ។
«ខ្ញុំចង់ស្នើសុំទៅ Fifa និងអាជ្ញាកណ្តាលឲ្យមើលការប្រកួតរបស់ Robben។ យើងពិតជាបារម្ភខ្លាំងណាស់អំពីការធ្វើពុតជាដួលរបស់គាត់។ គាត់ច្បាស់ជាត្រៀមធ្វើដូច្នោះ»។ នាជំនួបជាមួយម៉ិកស៊ិក Robben ត្រូវបានគេមើលឃើញថា ធ្វើពុតជាដួលរហូតដល់ទៅ៣ដង ហើយក្រោយការប្រកួត ខ្សែបម្រើរូបនេះ បានធ្វើការសុំទោស ប៉ុន្តែមិនមែនករណីគ្រាប់បាល់ដែលនាំឲ្យមានការស៊ុតបាល់បញ្ចូលទីនាំជ័យជម្នះនោះឡើយ»។
លោក Louis van Gaal គ្រូបង្វឹកហូឡង់ បានបញ្ជាក់ក្រុមកីឡាកររបស់លោកនឹងមិនមើលក្រុមកូស្តារីកានោះឡើយ ពីព្រោះក្រុមមកពីតំបន់អាមេរិកកណ្តាល សម្រេចបានលទ្ធផលដ៏ល្អប្រសើរនាការប្រកួតកន្លងមក។ ហូឡង់ត្រូវអវត្តមានខ្សែបម្រើ Nigel de Jong ដោយសារបញ្ហារបួស ខណៈ Wesley Sneijder មិនទាន់មានភាពប្រាកដប្រជា។
អ្នកចាំទីកូស្តារីកា Keylor Navas ប្រហែលជាលែងមានបញ្ហាអ្វីទៀតឡើយចំពោះបញ្ហារបួសស្មា ប៉ុន្តែខ្សែការពារ Oscar Duarte និង Roy Miller ត្រូវអវត្តមាន។ Keylor Navas បានសង្គ្រោះបាល់ជាង៨៧ភាគរយពីការវាយសម្រុកពីគូប្រកួត ខណៈ Bryan Ruiz បានស៊ុតបាល់បញ្ចូលទីឲ្យកូស្តារីកា សម្រាប់ឱកាសដែលគេមានតែមួយលើកគត់នាជំនួបជាមួយក្រិកកន្លងមក៕
សម្រាប់ជំនួបនៅលើទីលាន Estadio Nacional de Brasilia ខ្សែការពារឆ្វេងរបស់អាហ្សង់ទីន Marco Rojo ត្រូវអវត្តមានដោយសារជាប់ពិន័យ ដោយទីតាំងរបស់គេអាចនឹងត្រូវជំនួសដោយ Jose Basanta ។ Sergio Aguero ប្រហែលជាមិនអាចជាប់ក្នុងជម្រើសដំបូងឡើយ ដោយសារបញ្ហារបួស ខណៈ Rodrigo Palacio អាចជំនួសដោយ Ezequiel Lavezzi។ ងាកទៅក្រុមបែលហ្ស៊ិកវិញ ខ្សែបម្រើ Steven Defour បានរួចផុតការពិន័យហើយ បន្ទាប់ពីទទួលកាតក្រហមនាជំនួបជាមួយកូរ៉េខាងត្បូង ខណៈខ្សែការពារ Thomas Vermaelen ក៏មិនមានបញ្ហាអ្វីទៀតដែរ។
អាហ្សង់ទីន និងបែលហ្ស៊ិក ធ្លាប់ជួបគ្នាចំនួន៤លើក រួមបញ្ចូលពីរលើកនៅក្នុងព្រឹត្តិការណ៍ World Cup ដោយបែលហ្ស៊ិកបានយកឈ្នះ ១-០ នៅវគ្គជម្រុះតាមពូលក្នុងឆ្នាំ១៩៨២ ហើយអាហ្សង់ទីន បានសងសឹកក្នុងលទ្ធផល ២-០ វិញនៅវគ្គពាក់កណ្តាលផ្តាច់ព្រ័ត្រនៅឆ្នាំ១៩៨៦ ។
បែលហ្ស៊ិកដែលស្គាល់ជាតិបរាជ័យឡើយក្នុងចំណោម២១ប្រកួត ដែលក្នុងនោះអ្នកចាំទី Thibaut Courtois លេងក្នុងជម្រើសដំបូង ហើយអាហ្សង់ទីនក៏មិនដែលស្គាល់ចាញ់ផងដែរក្នុងចំណោម២៥ប្រកួតចុងក្រោយក្រោមវត្តមានរបស់ខ្សែប្រយុទ្ធ Messi (ឈ្នះ១៨ ស្មើ៧ ) ។
រីឯការប៉ះគ្នានៅលើទីលាន Arena Fonte Nova វិញ កូស្តារីកាត្រូវបង្ហាញវត្តមានជាលើកដំបូងនៅវគ្គ១/៤ផ្តាច់ព្រ័ត្រនៃព្រឹត្តិការណ៍ World Cup។ ស្របពេលជាមួយគ្នានេះ គ្រូបង្វឹកកូស្តារីកា លោក Jorge Luis Pinto សម្តែងការព្រួយបារម្ភចំពោះខ្សែបម្រើហូឡង់ Arjen Robben តាមរយៈការលើកឡើងថា កីឡាកររូបនេះត្រូវតែទទួលការពិន័យភ្លាមៗប្រសិនបើគេធ្វើពុតជាដួលនាជំនួបនៅរាត្រីនេះ។
«ខ្ញុំចង់ស្នើសុំទៅ Fifa និងអាជ្ញាកណ្តាលឲ្យមើលការប្រកួតរបស់ Robben។ យើងពិតជាបារម្ភខ្លាំងណាស់អំពីការធ្វើពុតជាដួលរបស់គាត់។ គាត់ច្បាស់ជាត្រៀមធ្វើដូច្នោះ»។ នាជំនួបជាមួយម៉ិកស៊ិក Robben ត្រូវបានគេមើលឃើញថា ធ្វើពុតជាដួលរហូតដល់ទៅ៣ដង ហើយក្រោយការប្រកួត ខ្សែបម្រើរូបនេះ បានធ្វើការសុំទោស ប៉ុន្តែមិនមែនករណីគ្រាប់បាល់ដែលនាំឲ្យមានការស៊ុតបាល់បញ្ចូលទីនាំជ័យជម្នះនោះឡើយ»។
លោក Louis van Gaal គ្រូបង្វឹកហូឡង់ បានបញ្ជាក់ក្រុមកីឡាកររបស់លោកនឹងមិនមើលក្រុមកូស្តារីកានោះឡើយ ពីព្រោះក្រុមមកពីតំបន់អាមេរិកកណ្តាល សម្រេចបានលទ្ធផលដ៏ល្អប្រសើរនាការប្រកួតកន្លងមក។ ហូឡង់ត្រូវអវត្តមានខ្សែបម្រើ Nigel de Jong ដោយសារបញ្ហារបួស ខណៈ Wesley Sneijder មិនទាន់មានភាពប្រាកដប្រជា។
អ្នកចាំទីកូស្តារីកា Keylor Navas ប្រហែលជាលែងមានបញ្ហាអ្វីទៀតឡើយចំពោះបញ្ហារបួសស្មា ប៉ុន្តែខ្សែការពារ Oscar Duarte និង Roy Miller ត្រូវអវត្តមាន។ Keylor Navas បានសង្គ្រោះបាល់ជាង៨៧ភាគរយពីការវាយសម្រុកពីគូប្រកួត ខណៈ Bryan Ruiz បានស៊ុតបាល់បញ្ចូលទីឲ្យកូស្តារីកា សម្រាប់ឱកាសដែលគេមានតែមួយលើកគត់នាជំនួបជាមួយក្រិកកន្លងមក៕
© រក្សាសិទ្ធិដោយ thmeythmey.com
