កីឡាអន្តរជាតិ
អន្តរជាតិ
MH17៖ Newcastle នឹងរំលឹកវិញ្ញាណក្ខន្ធអ្នកគាំទ្រស្មោះស្ម័គ្រពីររូបដែលបានស្លាប់
×![]()
ដោយ: រួបរួម
ក្លិបកីឡាបាល់ទាត់ Newcastle របស់អង់គ្លេសនៅតែមានក្តីសោកសៅចំពោះការបាត់បង់អ្នកគាំទ្រដ៏ស្មោះស្ម័គ្ររបស់ខ្លួនពីររូប ដែលស្ថិតក្នុងចំណោមជនរងគ្រោះ២៩៨នាក់ក្នុងហេតុការណ៍ធ្លាក់យន្តហោះ MH17 នៃក្រុមហ៊ុនម៉ាឡេស៊ីអ៊ែរឡាញនៅភាគខាងកើតអ៊ុយក្រែនកាលពីថ្ងៃព្រហស្បតិ៍។
លោក John Alder និង Liam Sweeney បានស្ថិតក្នុងយន្តហោះ MH17 ដើម្បីទៅមើលការប្រកួតមុនបើករដូវកាលរបស់ Newcastle នៅក្នុងប្រទេសនូវែល សេឡង់។ អ្វីដែលគួរឲ្យ
ចាប់អារម្មណ៍នោះ លោក Alder វ័យ៦០ឆ្នាំដែលតុបតែងរាងកាយដូចជើងខ្លាំងកីឡាកាស «The Undertaker» តែងតែមើលការប្រកួតរបស់ Newcastle ជារៀងរហូតបើគិតចាប់តាំងពីឆ្នាំ១៩៧៣មក រីឯ Sweeney ធ្លាប់បម្រើការស្ម័គ្រចិត្តលើរថយន្តសម្រាប់ក្រុមអ្នកគាំទ្រនៅពេលដែលក្រុមចេញទៅប្រកួតនៅក្រៅដី។ អ្នកទាំងពីរមិនត្រឹមតែមើលការប្រកួតក្នុងឈុតធំនោះឡើយ បន្ថែមពីលើនេះ ពួកគេតែងតែទៅគាំទ្រក្រុមបម្រុង និងក្រុមយុវជនរបស់ក្លិបផងដែរ។
ក្រៅពីចេញសេចក្តីថ្លែងការណ៍រំលែកទុក្ខ ក្លិប Newcastle បានរៀបចំឲ្យមានពិធីដាក់កម្រងផ្កានៅផ្នែកខាងក្រៅនៃកីឡដ្ឋាន St James’s Park នៅក្នុងទីក្រុង Newcastle ផងដែរ។ Newcastle នឹងមានការប្រកួតមិត្តភាពចំនួនពីរនៅក្នុងប្រទេសនូវែល សេឡង់ ដោយថ្ងៃទី២២ ខែកក្កដា ត្រូវប៉ះជាមួយ Sydney FC ហើយ៤ថ្ងៃក្រោយមក ត្រូវជួប Wellington Phoenix។
លោក Alan Pardew គ្រូបង្វឹក Newcastle និងក្រុមកីឡាករនៅពាក់ក្រណាត់ពណ៌ខ្មៅនៅលើដៃនាអំឡុងនៃការប្រកួតមិត្តភាពទាំងពីរនេះ ដើម្បីរំលឹកដល់វិញ្ញាណក្ខន្ធអ្នកគាំទ្រដ៏ស្មោះស្ម័គ្រទាំងពីររូបរបស់ខ្លួន។
លោក Pardew បាននិយាយថា រូបលោក និងកីឡាករទាំងអស់មានក្តីសោកសៅយ៉ាងក្រៃលែងចំពោះដំណឹងនៃការបាត់បង់អ្នកគាំទ្រទាំងពីររូប។ «យើងទាំងអស់គ្នាដឹងច្បាស់ពីការគាំទ្រដ៏ស្មោះស្ម័គ្ររបស់ John និង Liam ចំពោះក្រុម និងក្លិបទាំងមូល» នេះជាការកត់សម្គាល់របស់អ្នកចាត់ការក្លិប Newcastle៕
លោក John Alder និង Liam Sweeney បានស្ថិតក្នុងយន្តហោះ MH17 ដើម្បីទៅមើលការប្រកួតមុនបើករដូវកាលរបស់ Newcastle នៅក្នុងប្រទេសនូវែល សេឡង់។ អ្វីដែលគួរឲ្យ
ចាប់អារម្មណ៍នោះ លោក Alder វ័យ៦០ឆ្នាំដែលតុបតែងរាងកាយដូចជើងខ្លាំងកីឡាកាស «The Undertaker» តែងតែមើលការប្រកួតរបស់ Newcastle ជារៀងរហូតបើគិតចាប់តាំងពីឆ្នាំ១៩៧៣មក រីឯ Sweeney ធ្លាប់បម្រើការស្ម័គ្រចិត្តលើរថយន្តសម្រាប់ក្រុមអ្នកគាំទ្រនៅពេលដែលក្រុមចេញទៅប្រកួតនៅក្រៅដី។ អ្នកទាំងពីរមិនត្រឹមតែមើលការប្រកួតក្នុងឈុតធំនោះឡើយ បន្ថែមពីលើនេះ ពួកគេតែងតែទៅគាំទ្រក្រុមបម្រុង និងក្រុមយុវជនរបស់ក្លិបផងដែរ។ក្រៅពីចេញសេចក្តីថ្លែងការណ៍រំលែកទុក្ខ ក្លិប Newcastle បានរៀបចំឲ្យមានពិធីដាក់កម្រងផ្កានៅផ្នែកខាងក្រៅនៃកីឡដ្ឋាន St James’s Park នៅក្នុងទីក្រុង Newcastle ផងដែរ។ Newcastle នឹងមានការប្រកួតមិត្តភាពចំនួនពីរនៅក្នុងប្រទេសនូវែល សេឡង់ ដោយថ្ងៃទី២២ ខែកក្កដា ត្រូវប៉ះជាមួយ Sydney FC ហើយ៤ថ្ងៃក្រោយមក ត្រូវជួប Wellington Phoenix។
លោក Alan Pardew គ្រូបង្វឹក Newcastle និងក្រុមកីឡាករនៅពាក់ក្រណាត់ពណ៌ខ្មៅនៅលើដៃនាអំឡុងនៃការប្រកួតមិត្តភាពទាំងពីរនេះ ដើម្បីរំលឹកដល់វិញ្ញាណក្ខន្ធអ្នកគាំទ្រដ៏ស្មោះស្ម័គ្រទាំងពីររូបរបស់ខ្លួន។
លោក Pardew បាននិយាយថា រូបលោក និងកីឡាករទាំងអស់មានក្តីសោកសៅយ៉ាងក្រៃលែងចំពោះដំណឹងនៃការបាត់បង់អ្នកគាំទ្រទាំងពីររូប។ «យើងទាំងអស់គ្នាដឹងច្បាស់ពីការគាំទ្រដ៏ស្មោះស្ម័គ្ររបស់ John និង Liam ចំពោះក្រុម និងក្លិបទាំងមូល» នេះជាការកត់សម្គាល់របស់អ្នកចាត់ការក្លិប Newcastle៕
© រក្សាសិទ្ធិដោយ thmeythmey.com
