កីឡាជាតិ
ជាតិ
Asian Games៖ សៀវម៉ី នាំមេដាយទី៧ដល់កម្ពុជា និងជាមេដាយខ្ពស់ជាងគេ អតីតកីឡាករប្រដាល់ យូ ជិនហេង អតីតកីឡាការិនីបាល់ទះ ច័ន្ទ លាងឈីវ និងកីឡាការិនីតេក្វាន់ដូ ស៊ន សៀវម៉ីុំ។ រូបថតផ្តល់ដោយ លោក កាំង សុធា និង Ken Gadaffi
× បន្ទាប់ពីដណ្ដើមបានមេដាយមាសកាលពីម្សិលមិញ ក្នុងកម្មវិធីកីឡាទ្វីបអាស៊ី Asian Game 2014 កីឡាការិនី ស៊ន សៀវម៉ី បានជាប់ឈ្មោះក្នុងកំណត់ត្រាប្រវត្តិសាស្ត្ររបស់កម្ពុជា គឺជាអត្តពលិកដែលនាំមេដាយទី៧ជូនជាតិ និងជាមេដាយមាសទីមួយផងដែរសម្រាប់កម្ពុជា។
ទោះជាកីឡា Asian Games បង្កើតឡើងបាន ១៧ លើកមកហើយក៏ពិតមែន ប៉ុន្តែបើគិតចាប់តាំងពីឆ្នាំ១៩៥៤មក កម្ពុជា ធ្លាប់បានបញ្ជូនអត្តពលិករបស់ខ្លួនទៅចូលរួមបានតែ ១១លើកប៉ុណ្ណោះ ព្រោះមានឆ្នាំខ្លះកម្ពុជាមិនចូលរួមដោយសារមានវិបត្តិសង្គ្រាមក្នុងស្រុក។
ការចូលរួមទាំង ១១ លើកនេះ កម្ពុជា ឈ្នះមេដាយមាស ១ ប្រាក់២ និងសំរឹទ្ធ៤ ប៉ុន្តែឯកសារលំអិតទាក់ទងនឹងអត្តពលិក ប្រភេទកីឡាដែលកម្ពុជា បានចូលរួមនោះ មិនមានការចងក្រងទុកឲ្យបានត្រឹមត្រូវនោះឡើយ។
សម្រាប់ឆ្នាំដែលកម្ពុជាឈ្នះមេដាយមាន (ផ្អែកលើឯកសារបរទេស)៖
១) Asian Games លើកទី ៤ នៅទីក្រុងហ្សាការតា ប្រទេសឥណ្ឌូណេស៊ី ឆ្នាំ ១៩៦២ លោក យូ ជិនហុង ជាអ្នកឈ្នះមេដាយសំរឹទ្ធ ផ្នែកកីឡាប្រដាក់សកល ទម្ងន់ ៥៨ គីឡូក្រាម។
២) Asian Games លើកទី ៦ នៅទីក្រុងបាងកក ប្រទេសថៃ ក្នុងឆ្នាំ ១៩៧០ កម្ពុជាឈ្នះមេដាយចំនួន ៥ រួមមាន៖
• កីឡាប្រដាក់សកល៖ លោក ខៀវ សឿន និង លោក ឡុង សាវឿន មេដាយប្រាក់ម្នាក់មួយគ្រឿង
• ហែលទឹក៖ តាមឯកសារជាអន្តរជាតិបានសរសេរថាកម្ពុជា ឈ្នះមេដាយវិញ្ញាសានេះចំនួន ២ គ្រឿង ដោយលោក ផាត់ សំអុន ឈ្នះមេដាយសំរឹទ្ធ តែម្នាក់ទៀតមិនឯកសារបញ្ជាក់ច្បាស់លាស់។
• កីឡាបាល់ទះនារី៖ ឈ្នះមេដាយសំរឹទ្ធ១ ដែលក្នុងនោះ លោកយាយ ច័ន្ទ លាងឈីវ ក៏ធ្លាប់បានអះអាងថា គាត់ក៏ជាសមាជិកម្នាក់នៅក្នុងក្រុមផងដែរ។
៤) Asian Games លើកទី ១៧ នៅកូរ៉េខាងត្បូង ឆ្នាំ ២០១៤ កីឡាការិនី ស៊ន សៀវម៉ី កីឡាតេក្វាន់ដូ វិញ្ញាសាប្រយុទ្ធក្រោមទម្ងន់ ៧៣ គីឡូក្រាម ឈ្នះមេដាយមាស៕
© រក្សាសិទ្ធិដោយ thmeythmey.com