កីឡាជាតិ
ជាតិ
កម្ពុជាប៉ះម្ចាស់ផ្ទះឡាវដែលដឹកនាំដោយអតីតគ្រូភ្នំពេញក្រោននៅល្ងាចនេះ
×![]()
កម្ពុជាចាប់ផ្តើមយុទ្ធនាការប្រកួតវគ្គជម្រុះ AFF Suzuki Cup ឆ្នាំ២០១៤ របស់ខ្លួននាវេលាម៉ោង៦ និង៣០នាទី ល្ងាចថ្ងៃអាទិត្យ ទី១២ ខែតុលា នេះ ដោយប៉ះជាមួយក្រុមម្ចាស់ផ្ទះឡាវ នៅកីឡដ្ឋាន New Laos National Stadium ក្នុងទីក្រុងវៀងចន្ទន៍។
បើគិតចាប់តាំងពីឆ្នាំ១៩៩៦ មក ក្រុមទាំងពីរបានជួបគ្នាញឹកញាប់ក្នុងការប្រកួតព្រឹត្តិការណ៍ដណ្តើមពានរង្វាន់បាល់ទ្វីបប្រចាំតំបន់អាស៊ាននេះ ទាំងក្នុងវគ្គជម្រុះ និងវគ្គឆ្លងពូលដោយស្វ័យប្រវត្តិ។
នាជំនួប៧លើកកន្លងមក ឡាវឈ្នះ៣លើក កម្ពុជាឈ្នះ២លើក និងស្មើគ្នាចំនួន២លើក។ កាលពីឆ្នាំ២០១០ កម្ពុជាក្រោមការដឹកនាំរបស់គ្រូបង្វឹកកូរ៉េខាងត្បូង Lee Tae Hoon បានបញ្ចប់ក្នុងលទ្ធផលដោយគ្មានការស៊ុតបាល់បញ្ចូលទីជាមួយម្ចាស់ផ្ទះមួយនេះ ប៉ុន្តែពីរឆ្នាំបន្ទាប់មកទៀត ឡាវ បានយកឈ្នះកម្ពុជាដែលដឹកនាំដោយលោក ហុក សុចិត្រា ក្នុងលទ្ធផល ១-០ ។
សម្រាប់ការប្រកួតលើកនេះ កម្ពុជាត្រូវប្រឈមជាមួយម្ចាស់ផ្ទះដែលដឹកនាំដោយគ្រូបង្វឹកជនជាតិអង់គ្លេស លោក David Booth ដែលធ្លាប់ដឹកនាំក្លិបភ្នំពេញក្រោនរបស់កម្ពុជាឲ្យឈ្នះពានរង្វាន់ជើងឯកខេមបូឌានលីកឆ្នាំ២០១១ និងរងជើងឯកពានរង្វាន់ AFC President’s Cup នៅឆ្នាំដដែល។
ប្រធានក្រុមជម្រើសជាតិ គួច សុគម្ភៈ គឺជាសមាជិកនៃក្លិបភ្នំពេញក្រោនដែលធ្លាប់ស្ថិតក្រោមការដឹកនាំរបស់លោក David Booth។ លោក David មានប្រវត្តិដឹកនាំក្លិបជាច្រើននៅទ្វីបអាស៊ី និងតំបន់អាស៊ាន ហើយលោកក៏ធ្លាប់ធ្វើជាគ្រូបង្វឹកក្រុមជម្រើសជាតិប្រ៊ុយណេ មីយ៉ាន់ម៉ា ផងដែរ។ ការដឹកនាំក្រុមជម្រើសជាតិឡាវ គឺជាឱកាសលើកទីពីររបស់លោក បន្ទាប់ពីលោកបានបំពេញតួនាទីដដែលនេះរួចម្តងហើយកាលពីឆ្នាំ២០១០ ។
សម្រាប់គ្រូបង្វឹកក្រុមជម្រើសជាតិកម្ពុជា លោក Lee Tae Hoon វិញ ក្រុមឡាវក៏មិនមែនជាគូប្រជែងថ្មីឡើយសម្រាប់លោក។ គ្រូបង្វឹកកូរ៉េខាងត្បូងរូបនេះ ធ្លាប់ដឹកនាំក្រុមប៉ះឡាវចំនួន៣លើក ដោយកាលពីព្រឹត្តិការណ៍ AFF Suzuki Cup ឆ្នាំ២០១០ ការប្រកួតបានបញ្ចប់ក្នុងលទ្ធផលស្មើ ០-០ ។
នាការប្រកួតវគ្គជម្រុះ World Cup ប្រចាំតំបន់ ក្នុងឆ្នាំ២០១១ លោក Lee បានដឹកនាំកម្ពុជាប្រកួតឈ្នះ ៤-២ នៅរាជធានីភ្នំពេញ ប៉ុន្តែឡាវយកឈ្នះ ៦-២ វិញនៅក្នុងទីក្រុងវៀងចន្ទន៍។ ក្រោមការដឹកនាំគ្រូបង្វឹកជនជាតិកូរ៉េខាងត្បូងដដែលនេះ កម្ពុជាធ្លាប់ជួបឡាវនៅក្នុងការប្រកួតព្រឹត្តិការណ៍យុវជនផ្សេងៗទៀត។
នៅមុនជំនួបដ៏សំខាន់នេះ កម្ពុជាបានឆ្លងកាត់ការប្រកួតមិត្តភាពចំនួនបីលើកដោយចាញ់ម៉ាឡេស៊ី ៤-១ ចាញ់ឥណ្ឌូនេស៊ី ១-០ និងឈ្នះចិន-តៃប៉ិ ២-០ ៕
ការប្រកួតអាចមានការផ្សាយផ្ទាល់តាម LAOTV៖ http://malimar.tv/watch.php?vid=023a327af
បើគិតចាប់តាំងពីឆ្នាំ១៩៩៦ មក ក្រុមទាំងពីរបានជួបគ្នាញឹកញាប់ក្នុងការប្រកួតព្រឹត្តិការណ៍ដណ្តើមពានរង្វាន់បាល់ទ្វីបប្រចាំតំបន់អាស៊ាននេះ ទាំងក្នុងវគ្គជម្រុះ និងវគ្គឆ្លងពូលដោយស្វ័យប្រវត្តិ។ នាជំនួប៧លើកកន្លងមក ឡាវឈ្នះ៣លើក កម្ពុជាឈ្នះ២លើក និងស្មើគ្នាចំនួន២លើក។ កាលពីឆ្នាំ២០១០ កម្ពុជាក្រោមការដឹកនាំរបស់គ្រូបង្វឹកកូរ៉េខាងត្បូង Lee Tae Hoon បានបញ្ចប់ក្នុងលទ្ធផលដោយគ្មានការស៊ុតបាល់បញ្ចូលទីជាមួយម្ចាស់ផ្ទះមួយនេះ ប៉ុន្តែពីរឆ្នាំបន្ទាប់មកទៀត ឡាវ បានយកឈ្នះកម្ពុជាដែលដឹកនាំដោយលោក ហុក សុចិត្រា ក្នុងលទ្ធផល ១-០ ។
សម្រាប់ការប្រកួតលើកនេះ កម្ពុជាត្រូវប្រឈមជាមួយម្ចាស់ផ្ទះដែលដឹកនាំដោយគ្រូបង្វឹកជនជាតិអង់គ្លេស លោក David Booth ដែលធ្លាប់ដឹកនាំក្លិបភ្នំពេញក្រោនរបស់កម្ពុជាឲ្យឈ្នះពានរង្វាន់ជើងឯកខេមបូឌានលីកឆ្នាំ២០១១ និងរងជើងឯកពានរង្វាន់ AFC President’s Cup នៅឆ្នាំដដែល។
ប្រធានក្រុមជម្រើសជាតិ គួច សុគម្ភៈ គឺជាសមាជិកនៃក្លិបភ្នំពេញក្រោនដែលធ្លាប់ស្ថិតក្រោមការដឹកនាំរបស់លោក David Booth។ លោក David មានប្រវត្តិដឹកនាំក្លិបជាច្រើននៅទ្វីបអាស៊ី និងតំបន់អាស៊ាន ហើយលោកក៏ធ្លាប់ធ្វើជាគ្រូបង្វឹកក្រុមជម្រើសជាតិប្រ៊ុយណេ មីយ៉ាន់ម៉ា ផងដែរ។ ការដឹកនាំក្រុមជម្រើសជាតិឡាវ គឺជាឱកាសលើកទីពីររបស់លោក បន្ទាប់ពីលោកបានបំពេញតួនាទីដដែលនេះរួចម្តងហើយកាលពីឆ្នាំ២០១០ ។
សម្រាប់គ្រូបង្វឹកក្រុមជម្រើសជាតិកម្ពុជា លោក Lee Tae Hoon វិញ ក្រុមឡាវក៏មិនមែនជាគូប្រជែងថ្មីឡើយសម្រាប់លោក។ គ្រូបង្វឹកកូរ៉េខាងត្បូងរូបនេះ ធ្លាប់ដឹកនាំក្រុមប៉ះឡាវចំនួន៣លើក ដោយកាលពីព្រឹត្តិការណ៍ AFF Suzuki Cup ឆ្នាំ២០១០ ការប្រកួតបានបញ្ចប់ក្នុងលទ្ធផលស្មើ ០-០ ។ នាការប្រកួតវគ្គជម្រុះ World Cup ប្រចាំតំបន់ ក្នុងឆ្នាំ២០១១ លោក Lee បានដឹកនាំកម្ពុជាប្រកួតឈ្នះ ៤-២ នៅរាជធានីភ្នំពេញ ប៉ុន្តែឡាវយកឈ្នះ ៦-២ វិញនៅក្នុងទីក្រុងវៀងចន្ទន៍។ ក្រោមការដឹកនាំគ្រូបង្វឹកជនជាតិកូរ៉េខាងត្បូងដដែលនេះ កម្ពុជាធ្លាប់ជួបឡាវនៅក្នុងការប្រកួតព្រឹត្តិការណ៍យុវជនផ្សេងៗទៀត។
នៅមុនជំនួបដ៏សំខាន់នេះ កម្ពុជាបានឆ្លងកាត់ការប្រកួតមិត្តភាពចំនួនបីលើកដោយចាញ់ម៉ាឡេស៊ី ៤-១ ចាញ់ឥណ្ឌូនេស៊ី ១-០ និងឈ្នះចិន-តៃប៉ិ ២-០ ៕
ការប្រកួតអាចមានការផ្សាយផ្ទាល់តាម LAOTV៖ http://malimar.tv/watch.php?vid=023a327af
© រក្សាសិទ្ធិដោយ thmeythmey.com
