ជាតិ
សង្គមជាតិ
មនុស្សជាង៥០០នាក់ជួបជុំគ្នានៅទីលានប្រជាធិបតេយ្យប្រារព្ធទិវាសិទ្ធិមនុស្ស រូបថត៖ លីកាដូ
× ក្រុមអង្គការសង្គមស៊ីវិល និងប្រជាពលរដ្ឋដែលមានបញ្ហាជម្លោះដីធ្លី ប្រមាណ៥០០នាក់ បានជួបជុំគ្នាប្រារព្ធទិវាសិទ្ធិមនុស្សនៅទីលានប្រជាធិបតេយ្យ ក្រោមប្រធានបទ«មានតុលាការឯករាជ្យ មានការគោរពសិទ្ធិមនុស្ស»។
នៅក្នុងឱកាសនោះ អ្នកមានបញ្ហាដីធ្លីដែលមកពីតំបន់បឹងកក់ បុរីកីឡា ថ្មគោល ឡរពាង និងជនជាតិដើមភាគតិចផង បានថ្លែងសារអំពីបញ្ហាដែលបានកើតឡើងនៅក្នុងសហគមន៍របស់ពួកគាត់ដែលមានដូចជា ។ បញ្ហាដីធ្លី ការបណ្តេញពលរដ្ឋចេញពីលំនៅដ្ឋានជាដើម។
ក្រៅពីថ្លែងសារពីទុក្ខលំបាក ពួកគាត់ក៏បានទាមទារឲ្យអជ្ញាធរ ដោះស្រាយជូនពួកគាត់ជាបន្ទាន់អំពីបញ្ហាដីធ្លី ការរំលោភសិទ្ធិមនុស្ស និងសិទ្ធិលំនៅដ្ឋាន។ ប្រជាពលរដ្ឋដែលរងផលប៉ះពាល់ និងមិនទាន់មានសិទ្ធិលំនៅដ្ឋានត្រឹមត្រូវ នៅទូទាំងប្រទេសកម្ពុជាបច្ចុប្បន្នមានប្រមាណ៧០ម៉ឺននាក់។
ដោយឡែកសកម្មជនដីធ្លីនៅតំបន់ក៏បានទាមទារឲ្យដោះលែង ស្ត្រីអ្នកភូមិបឹងកក់ សកម្មជនសិទ្ធិមនុស្ស និងព្រះសង្ឃ ដែលកំពុងជាប់ឃុំនៅពន្ធធនាគារព្រៃសរ ម១ និងម២ ឲ្យនៅក្រៅឃុំផងដែរ។ គួរកត់សម្គាល់ដែរថា អាជ្ញាធរដែនដី ក៏បានជួយរៀបចំសណ្តាប់ធ្នាប់នៅទីលានប្រជាធិបតេយ្យផងដែរ ដើម្បីសំរួលដល់ការជួបជុំប្រារព្ធទិវា សិទ្ធិមនុស្សរបស់ប្រជាពលរដ្ឋ៕
© រក្សាសិទ្ធិដោយ thmeythmey.com