ជាតិ
សេដ្ឋកិច្ច
បញ្ហាប្រឈមក្នុងការនាំចេញអង្ករ ត្រូវបានភាគីពាក់ព័ន្ធលើកយកមកពិភាក្សា
× សហព័ន្ធស្រូវអង្ករកម្ពុជា និងក្រសួងពាណិជ្ជកម្ម បានជួបប្រជុំគ្នា កាលពីដើមសប្ដាហ៍នេះដើម្បីពិភាក្សាអំពីការរីកចម្រើន និងបញ្ហាប្រឈមនានាកក្នុងពេលបច្ចុប្បន្ននេះនៅក្នុងវិស័យឧស្សាហកម្ម ស្រូវ-អង្កររបស់កម្ពុជា។
នៅក្នុងកិច្ចពិភាក្សានោះ លោក សុខ ពុទ្ធិវុធប្រធានសហព័ន្ធស្រូវ-អង្ករកម្ពុជាបានធ្វើបទបង្ហាញរបាយការណ៍ស្តីអំពី ការរីកចម្រើនរបស់សហព័ន្ធស្រូវអង្ករកម្ពុជា និងបញ្ហាជាច្រើនប្រឈម។បញ្ហាប្រឈមទាំងនោះរួមមាន កង្វះហិរញ្ញវត្ថុដើម្បីគាំទ្រដល់ការទិញស្រូវ សម្រាប់ស្តុកក្នុងរដូវច្រូតកាត់ការចំណាយខ្ពស់លើការដឹកជញ្ជូន និងភស្តុភារពាណិជ្ជកម្ម ការគ្រប់គ្រងថ្លៃរបស់ COFCO ជាមួយអ្នកនាំចេញកម្ពុជា គ្មានមធ្យោបាយរក្សាទុក និងលើកដាក់ក្នុងនាវាឃ្លាំងស្តុកលើកដាក់ទំនិញនៅកំពង់ផែ និងការធ្លាក់ថ្លៃអង្ករផ្កាម្លិះទូទាំងពិភពលោកជាដើម។
ជាការឆ្លើយតប លោក ស៊ុន ចាន់ថុល រដ្ឋមន្ត្រីក្រសួងពាណិជ្ជកម្ម បានកត់សម្គាល់អំពីបញ្ហាប្រឈមសំខាន់នានាដែលសហព័ន្ធបានលើកឡើងទាងនោះ ហើយលោកបានយល់ព្រមពិភាក្សាបន្ថែមលើបញ្ហាទាំងឡាយ ជាមួយក្រសួងពាក់ព័ន្ធនិងដៃគូអភិវឌ្ឍន៍។ ជាមួយគ្នានេះផងដែរ លោករដ្ឋមន្ត្រី ក៏បានស្នើឲ្យសហព័ន្ធស្រូវអង្ករកម្ពុជា បរិយាយលម្អិតអំពីរចនាសម្ព័ន្ធអង្គការលេខ តួនាទី និងភារកិច្ច របស់សមាជិកខ្លួនសេចក្តីថ្លែងអំពីបេសកកម្ម និងផែនការសកម្មភាព ឆ្ពោះទៅមុខបន្ត។
លោក ស៊ុន ចាន់ថុល ក៏បានយល់ព្រមពិនិត្យមើលទីផ្សារថ្មីៗ និងចរចាបន្ថែមជាមួយ រដ្ឋាភិបាលចិនសម្រាប់ប្រព័ន្ធមិនកម្រិតកូតា ជាមួយ COFCO ចិន ដើម្បីនាំអង្ករកម្ពុជាចូលបន្ថែមទៀត រួមទាំងអង្ករបាក់ និងអង្ករសម្រូបផងដែរ។ លោករដ្ឋមន្ត្រីក៏បានបញ្ជាក់ផងដែរថា រដ្ឋាភិបាលកម្ពុជាកំពុងឋិតក្នុងដំណើរការទទួលប្រាក់កម្ចីពីប្រទេសចិន ដើម្បីសាងសង់ឃ្លាំងស្តុកស្រូវចំនួន៤០ដើម្បីឲ្យកសិករអាចដាក់ស្រូវ ជាទ្រព្យបញ្ចាំដើម្បីទទួលបានប្រាក់កម្ចីពីធានាគារបាន។
ពាក់ព័ន្ធនឹងការគ្រប់គ្រងថ្លៃ គុណភាព និងម៉ាកយីហោឲ្យបានកាន់តែប្រសើរឡើង លោករដ្ឋមន្ត្រី ក៏បានជំរុញឲ្យសហព័ន្ធស្រូវអង្ករកម្ពុជា ប្រព្រឹត្តចំពោះសមាជិកសហព័ន្ធ ប្រកបដោយសមធម៌និងភាពត្រឹមត្រូវ ជាមួយនឹងក្រមសីលធម៌ ដែលបានចុះហត្ថលេខា (COC) ដើម្បីធានាបានថា កសិករ រោងមាស៊ីនកិនស្រូវ និងអ្នកនាំអង្ករចេញដែលជាសមាជិកនៅក្នុងសហព័ន្ធ អាចទទួលបានអត្ថប្រយោជន៍ ស្មើភាពគ្នា៕
© រក្សាសិទ្ធិដោយ thmeythmey.com