ពីនេះ ពីនោះ
សង្គមអន្តរជាតិ
អន្តរជាតិ
អ្នកថតរូបអូស្ត្រាលីម្នាក់លក់រូបថតមួយសន្លឹកតម្លៃ ៦,៥ លានដុល្លារ
×
អ្នកថតរូបបែបសិល្បៈជនជាតិអូស្ត្រាលី លោក Peter Lik បានបំបែកកំណត់ត្រាពិភពលោកក្នុងការលក់រូបថតពណ៌ ស-ខ្មៅមួយសន្លឹក ក្នុងតម្លៃ ៧,៨ លានដុល្លារអូស្ត្រាលីគឺប្រហែល ៦,៥ លានដុល្លារអាមេរិក ដែលបានក្លាយជារូបថតដែលមានតម្លៃបំផុត នៅក្នុងពិភពលោក។
យោងតាមការផ្សាយរបស់ ABC រូបថតមួយសន្លឹកដែលលក់ទៅឲ្យអ្នកទិញឯកជននោះ គឺត្រូវបាន លោក Peter Lik ថតនៅតំបន់ភាគនិរតី ក្នុងរដ្ឋArizona សហរដ្ឋអាមេរិក។ លោក Peter Lik បានឲ្យដឹងថា រូបដែលលោកថតបាននេះ គឺជាការផ្ដិតយកនូវថាមពលរបស់ធម្មជាតិ និងបង្ហាញវានៅក្នុងរបៀបមួយដែលអាចដាស់ស្មារតីនរណាម្នាក់ ដែលមានអារម្មណ៍កំពុងងប់ងល់នឹងធម្មជាតិ និងភ្ជាប់ទំនាក់ទំនងរបស់ពួកគេទៅកាន់រូបភាពមួយសន្លឹកនេះ។
អ្នកទិញដែលឲ្យតម្លៃរូបថតថ្លៃកប់ពពកនេះ គឺមិនត្រូវបានគេបង្ហាញអត្តសញ្ញាណជាសាធារណៈនោះទេ ដើម្បីរក្សាសុវត្ថិភាព និងភាពឯកជនរបស់ខ្លួន។
រូបថតមួយសន្លឹកនោះ មានពណ៌ ស-ខ្មៅ ថតនៅក្នុងរូងថ្មមួយកន្លែង នៅពេលដែលមានពន្លឺបាញ់ចូលតាមប្រហោងថ្ម ចូលមកក្នុងរូង ដោយរូបរាងនៃពន្លឺនោះហាក់ដូចជាព្រលឹងខ្មោច ដែលអណ្ដែតឡើងទៅលើ តាមអំណាចនៃធម្មជាតិ ដែលគេជឿថា ព្រលឹងហោះទៅឋានសួគ៌នោះ៕
© រក្សាសិទ្ធិដោយ thmeythmey.com