ជាតិ
សង្គមជាតិ
ILO និង GMAC និងចុះកិច្ចព្រមព្រៀង ក្នុងការលុបបំបាត់ពលកម្មកុមារនៅកម្ពុជា
×![]()
ដោយ: ធឿន បញ្ញាឬទិ្ធ
គម្រោងរោងចក្រកាន់តែប្រសើរនៅកម្ពុជា នៃអង្គការអន្តរជាតិខាងការងារ និងសមាគមន៍រោងចក្រកាត់ដេរនៅកម្ពុជា នឹងចុះហត្ថលេខាកិច្ចព្រមព្រៀង ក្នុងគោលបំណងលុបបំបាត់ពលកម្មកុមារ នៅក្នុងឧស្សាហកម្មកាត់ដេរនៅកម្ពុជា នៅថ្ងៃទី១៨ធ្នូ វេលាម៉ោង៣រសៀល នៅក្រសួងការងារបណ្ដុះបណ្ដាលវិជ្ជាជីវៈ។ នេះបើតាមសេចក្ដីប្រកាសព័ត៌មានចុះថ្ងៃទី១៦ធ្នូ របស់សមាគមកាត់ដេរនៅកម្ពុជា ។
កិច្ចព្រមព្រៀងនេះ គឺផ្ដោតលើកិច្ចសហការរវាងសមាគមរោងចក្រកាត់ដេរនៅកម្ពុជា និងគម្រោងរោងចក្រកាន់តែប្រសើរនៅកម្ពុជា ក្នុងដំណើរការស៊ើបអង្កេត និងការដោះស្រាយពលកម្មកុមារដែលបានរកឃើញ។ នៅក្នុងសេចក្ដីប្រកាសដដែលបានបន្ថែមថា នៅពេលកម្មករអាយុក្រោម១៥ឆ្នាំ ត្រូវបានរកឃើញ ពួកគេនឹងត្រូវបានផ្ដល់ស្ថាប័នបង្រៀន វគ្គបណ្ដុះបណ្ដាលវិជ្ជាជីវៈ និងត្រូវបានផ្ដល់ប្រាក់ឈ្នួលប្រចាំខែ ជាមធ្យមដែលរោងចក្រផ្ដល់ រហូតដល់ពួកគេមានអាយុ១៥ឆ្នាំ។ ការលុបបំបាត់ពលកម្មកុមារប្រកបដោយសុវត្ថិភាព គឺជាគោលដៅមួយរបស់ដៃគូរភាគី របស់គម្រោងរោងចក្រកាន់តែប្រសើរនៅកម្ពុជានៃអង្គការអន្តរជាតិខាងការងារ ដែលមានដូចជារាជរដ្ឋាភិបាល សមាគមរោងចក្រកាត់ដេរនៅកម្ពុជា និងសហជីព។
សមាគមរោងចក្រកាត់ដេរនៅកម្ពុជា នឹងជួយគាំទ្រផ្នែកហិរញ្ញវត្ថុ សម្រាប់ការស៊ើបអង្កេតអាយុ និងដំណោះស្រាយផ្សេងៗនៃការចំណាយ ពីរោងចក្រដែលជាសមាជិក។
កន្លងមករដ្ឋមន្ត្រីក្រសួងការងារលោក អ៊ិត សំហេង ធ្លាប់បានបញ្ជាក់ថា រដ្ឋាភិបាលនិងប្ដេជ្ញាប្រឆាំងទៅនឹងពលកម្មកុមារ និងគោលដៅកាត់បន្ថយរូបភាពពលកម្មកុមារ ក្នុងវិស័យទាំងអស់ទូទាំងប្រទេសពី១៦,៥ភាគរយ នៅឆ្នាំ១៩៩៩ មកត្រឹម ៨ភាគរយនៅឆ្នាំ២០១៤ និងលុបបំបាត់ទាំងស្រុង នៃទម្រង់ពលកម្មកុមារដ៏ធ្ងន់ធ្ងរបំផុត ត្រឹមឆ្នាំ២០១៦៕
កិច្ចព្រមព្រៀងនេះ គឺផ្ដោតលើកិច្ចសហការរវាងសមាគមរោងចក្រកាត់ដេរនៅកម្ពុជា និងគម្រោងរោងចក្រកាន់តែប្រសើរនៅកម្ពុជា ក្នុងដំណើរការស៊ើបអង្កេត និងការដោះស្រាយពលកម្មកុមារដែលបានរកឃើញ។ នៅក្នុងសេចក្ដីប្រកាសដដែលបានបន្ថែមថា នៅពេលកម្មករអាយុក្រោម១៥ឆ្នាំ ត្រូវបានរកឃើញ ពួកគេនឹងត្រូវបានផ្ដល់ស្ថាប័នបង្រៀន វគ្គបណ្ដុះបណ្ដាលវិជ្ជាជីវៈ និងត្រូវបានផ្ដល់ប្រាក់ឈ្នួលប្រចាំខែ ជាមធ្យមដែលរោងចក្រផ្ដល់ រហូតដល់ពួកគេមានអាយុ១៥ឆ្នាំ។ ការលុបបំបាត់ពលកម្មកុមារប្រកបដោយសុវត្ថិភាព គឺជាគោលដៅមួយរបស់ដៃគូរភាគី របស់គម្រោងរោងចក្រកាន់តែប្រសើរនៅកម្ពុជានៃអង្គការអន្តរជាតិខាងការងារ ដែលមានដូចជារាជរដ្ឋាភិបាល សមាគមរោងចក្រកាត់ដេរនៅកម្ពុជា និងសហជីព។
សមាគមរោងចក្រកាត់ដេរនៅកម្ពុជា នឹងជួយគាំទ្រផ្នែកហិរញ្ញវត្ថុ សម្រាប់ការស៊ើបអង្កេតអាយុ និងដំណោះស្រាយផ្សេងៗនៃការចំណាយ ពីរោងចក្រដែលជាសមាជិក។
កន្លងមករដ្ឋមន្ត្រីក្រសួងការងារលោក អ៊ិត សំហេង ធ្លាប់បានបញ្ជាក់ថា រដ្ឋាភិបាលនិងប្ដេជ្ញាប្រឆាំងទៅនឹងពលកម្មកុមារ និងគោលដៅកាត់បន្ថយរូបភាពពលកម្មកុមារ ក្នុងវិស័យទាំងអស់ទូទាំងប្រទេសពី១៦,៥ភាគរយ នៅឆ្នាំ១៩៩៩ មកត្រឹម ៨ភាគរយនៅឆ្នាំ២០១៤ និងលុបបំបាត់ទាំងស្រុង នៃទម្រង់ពលកម្មកុមារដ៏ធ្ងន់ធ្ងរបំផុត ត្រឹមឆ្នាំ២០១៦៕
© រក្សាសិទ្ធិដោយ thmeythmey.com
