ជាតិ
សង្គមជាតិ
×![]()
ប្រមុខរដ្ឋាភិបាល លោក ហ៊ុន សែន បានអំពាវនាវឲ្យប្រជាពលរដ្ឋនៅទូទាំងប្រទេសទាំងអស់ ជាពិសេសពលរដ្ឋដែលស្ថិតក្នុងតំបន់ដែលមានករណីឆ្លងមេរោគអេដស៍ កុំតក់ស្លុតចំពោះព័ត៌មាននេះ។ ពីក្នុងពិធីចែកសញ្ញាបត្រដល់និស្សិតសាកលវិទ្យាល័យភូមិន្ទកសិកម្ម នាព្រឹកថ្ងៃទី១៨ ខែធ្នូ ឆ្នាំ២០១៤ នៅវិទ្យាស្ថានជាតិអប់រំ លោក ហ៊ុន សែន អះអាងថា រូបលោកមិនជឿសោះឡើយថា ប្រជាពលរដ្ឋនៅភូមិរកា ខេត្តបាត់ដំបង ឆ្លងមេរោគអេដស៍ច្រើនបែបនេះ។
ស្តាប់សំឡេង លោក ហ៊ុន សែន
លោកនាយករដ្ឋមន្ត្រី បានដាក់ការសង្ស័យទៅលើបច្ចេកទេសរបស់ក្រុមគ្រូពេទ្យថា អាចមានភាពមិនច្បាស់លាស់ ដែលនាំឲ្យមានការភាន់ច្រឡំ។ លោក ក៏បញ្ជាឲ្យលោករដ្ឋមន្ត្រីក្រសួងសុខាភិបាល ម៉ម ប៊ុនហេង តាមដាននិងដឹកនាំក្រុមអ្នកបច្ចេកទេសស្រាវជ្រាវឲ្យបានច្បាស់លាស់ចំពោះករណីនេះ ពីព្រោះប្រសិនបើមានរឿងនេះ កើតឡើងមែននោះ វាជារឿងធ្ងន់ធ្ងរបំផុត។
ជាមួយគ្នានេះ លោកប្រមុខរដ្ឋាភិបាល បានស្នើអាជ្ញាធរគិតគូរពីសុវត្ថិភាពរបស់គ្រូពេទ្យដែលគេសង្ស័យថា ប្រើម្ជុលចាក់ថ្នាំបង្ករឲ្យឆ្លងជំងឺអេដស៍នោះផងដែរ។ ពីព្រោះថា គ្រូពេទ្យគឺជាមនុស្សសំខាន់ ដែលអាចរកប្រភព និងស្វែងរកការពិតនៃសំណុំរឿងនេះ៕
ស្តាប់សំឡេង លោក ហ៊ុន សែន
លោកនាយករដ្ឋមន្ត្រី បានដាក់ការសង្ស័យទៅលើបច្ចេកទេសរបស់ក្រុមគ្រូពេទ្យថា អាចមានភាពមិនច្បាស់លាស់ ដែលនាំឲ្យមានការភាន់ច្រឡំ។ លោក ក៏បញ្ជាឲ្យលោករដ្ឋមន្ត្រីក្រសួងសុខាភិបាល ម៉ម ប៊ុនហេង តាមដាននិងដឹកនាំក្រុមអ្នកបច្ចេកទេសស្រាវជ្រាវឲ្យបានច្បាស់លាស់ចំពោះករណីនេះ ពីព្រោះប្រសិនបើមានរឿងនេះ កើតឡើងមែននោះ វាជារឿងធ្ងន់ធ្ងរបំផុត។
ជាមួយគ្នានេះ លោកប្រមុខរដ្ឋាភិបាល បានស្នើអាជ្ញាធរគិតគូរពីសុវត្ថិភាពរបស់គ្រូពេទ្យដែលគេសង្ស័យថា ប្រើម្ជុលចាក់ថ្នាំបង្ករឲ្យឆ្លងជំងឺអេដស៍នោះផងដែរ។ ពីព្រោះថា គ្រូពេទ្យគឺជាមនុស្សសំខាន់ ដែលអាចរកប្រភព និងស្វែងរកការពិតនៃសំណុំរឿងនេះ៕
© រក្សាសិទ្ធិដោយ thmeythmey.com
