ចម្លាក់ពីស្ពាន់ខេត្តកណ្តាលមានទីផ្សារទាំងក្នុង និងក្រៅប្រទេស

ជាតិ

សេដ្ឋកិច្ច

ចម្លាក់ពីស្ពាន់ខេត្តកណ្តាលមានទីផ្សារទាំងក្នុង និងក្រៅប្រទេស

20, Dec 2014 , 9:16 am

រូបភាព

ដោយ:

ខេត្តកណ្តាល បានដាក់បង្ហាញផលិតផលចម្លាក់ពីស្ពាន់ និងប្រាក់ លើវត្ថុប្រើប្រាស់ និងវត្ថុអនុស្សាវរីយ៍ជាច្រើនប្រភេទក្នុងពិធីតាំងពិព័រណ៍នៅមជ្ឈមណ្ឌលកោះពេជ្រ កាលពីថ្ងៃទី១៤-១៨ កន្លងទៅ។ អ្នកស្រី ឌែន ម៉ាស់ អាយុ ៥៥ឆ្នាំ ប្រធានសមាគមភូមិចម្លាក់ប្រាក់ស្រុកពញាឭ ខេត្តកណ្តាល បានឱ្យដឹងថា ផលិតផលចម្លាក់នេះ មានការចាប់អារម្មណ៍ច្រើនពីសំណាក់ភ្ញៀវជាជនជាតិខ្មែរ និងភ្ញៀវបរទេស ហើក៏មានការកុំម៉ង់ទិញជាបន្តបន្ទាប់ផងដែរ។ក្រៅពីនេះអ្នកស្រីមានម៉ូយជាប្រចាំនៅប្រទេសថៃ នៅផ្សារទួលទំពូង ផ្សារថ្មីក្នុងរាជធានីភ្នំពេញ និងនៅខេត្តសៀមរាប។

អ្នកស្រីពន្យល់ទៀតថា ដោយសារតែវត្ថុធាតុដើមប្រាក់មានតំលៃខ្ពស់ពេកហើយបើអ្នកស្រីយកប្រាក់សុទ្ធមកឆ្លាក់តែម្តង នោះផលិតផលសម្រេចនឹងរឹតតែមានតំលៃខ្ពស់វានឹងមិនអាចចរាចរនៅលើទីផ្សារនោះទេ។ ដូច្នេះអ្នកស្រីបានជ្រើសយកវត្ថុធាតុដើមជាស្ពាន់មកឆ្លាក់ជំនួស ហើយស្រោបប្រាក់ពីខាងក្រៅ ធ្វើដូច្នេះទើបផលិតផលសម្រេចអាចចរាចរនៅលើទីផ្សារបានដោយមានតំលៃសមរម្យ។

សូមអញ្ជើញទស្សនារូបភាពមួយចំនួនដូចតទៅ៖