អន្តរជាតិ
×![]()
សភាអាមេរិកសម្រេអនុម័តច្បាប់ថ្មីមួយទៀតអនុញ្ញាតអោយប្រធានាធិតីអាមេរិកលោក បារ៉ាក់ អូបាម៉ា អាចផ្ទេរនាវាចម្បាំងបំពាក់កាំជ្រួចមីស៊ីល៤គ្រឿងទៅអោយរដ្ឋាភិបាលតៃវ៉ាន់។ចំណែករដ្ឋាភិបាលចិនឯណោះវិញបង្ហាញការខឹងសម្បារដោយស្នើអោយក្រុងវ៉ាស៊ីនតោនបញ្ឈប់ការលើកសព្វាវុធដល់រដ្ឋាភិបាលក្រុងតៃប៉ិកទៀត។
លោក សៅ ផលនិស្ស័យ លម្អិតព័ត៌មាននេះ៖
សភាអាមេរិកបានអនុម័តច្បាប់ថ្មីមួយ ដោយបើកផ្លូវអោយលោកប្រធានាធិបតី បារ៉ាក់ អូបាម៉ា អាចបញ្ជូននាវាចម្បាំងបំពាក់កាំជ្រួចមីស៊ីល ៤គ្រឿងទៅអោយរដ្ឋាភិបាលតៃវ៉ាន់។ លោក អូបាម៉ា បានចុះហត្ថលេខាលើច្បាប់ដែលអនុម័តដោយសភានេះតាំងពីថ្ងៃព្រហស្បតិ៍មកម្ល៉េះ ប៉ុន្តែចិនដែលមិនដែលចាត់ទុកតៃវ៉ាន់ជារដ្ឋនោះបានបង្ហាញការខកចិត្តនិងខឹងសម្បារក្រុងវ៉ាស៊ីនតោនជាខ្លាំង។ ក្រុងប៉េកាំងបានប្រកាសតវ៉ាចំពោះការយល់ព្រមបញ្ជូននាវាចម្បាំងជាច្រើនគ្រឿងទៅអោយតៃវ៉ាន់ ហើយស្នើសុំអោយរដ្ឋាភិបាលអាមេរិកបញ្ឈប់ការបន្តលក់សព្វាវុធទៅអោយតៃវ៉ាន់ ដោយលើកហេតុផលថា ទឹកដីតៃវ៉ាន់ជាកោះរបស់ខ្លួនតែប៉ុណ្ណោះ។
តាមពិតទៅលោក បារ៉ាក់ អូបាម៉ា សម្រេចចុះហត្ថលេខាលើច្បាប់នេះកាលពីថ្ងៃព្រហស្បតិ៍ ច្បាប់ថ្មីនេះក៏កំណត់ពីការបើកផ្លូវដល់រដ្ឋាភិបាលអាមេរិកបញ្ជូនសព្វាវុធ (នាវាបួនគ្រឿង) ទៅអោយតៃវ៉ាន់ ដោយការបញ្ជូនសព្វាវុធនេះជាកាតព្វកិច្ចផ្លូវច្បាប់របស់សហរដ្ឋអាមេរិក។ អ្នកនាំពាក្យក្រសួងការបរទេសចិនម្នាក់បានបញ្ជាក់ថា រដ្ឋាភិបាលក្រុងប៉េកាំងពិតជាមិនពេញចិត្តឡើយចំពោះទង្វើរបស់ក្រុងវ៉ាស៊ីនតោន ជាពិសេសច្បាប់ថ្មីដែលអនុម័តដោយសភានោះ។ លោកបានបន្ថែមថា រដ្ឋាភិបាលចិននៅតែប្រឆាំងរាល់ការផ្គត់ផ្គង់អាវុធទៅដល់រដ្ឋាភិបាលក្រុងតៃប៉ិក ហើយចិនត្រូវតែបង្ហាញការតវ៉ាតាមផ្នែកការទូតដើម្បីជំរុញអោយរដ្ឋាភិបាលក្រុងវ៉ាស៊ីនតោនពិចារណាលើសកម្មភាពរបស់ខ្លួន។
យ៉ាងណាក៏ដោយក្រៅពីបង្ហាញការប្រឆាំងអ្នកនាំពាក្យចិនខាងលើ បានព្រមានថា បញ្ហាតៃវ៉ាន់ជារឿងដែលរស៊ើបបំផុត និងអាចធ្វើអោយប៉ះពាល់ដល់ចំពោះទំនាក់ទំនងការទូតរវាងចិន និងសហរដ្ឋអាមេរិក។ ដោយឡែករដ្ឋាភិបាលតៃវ៉ាន់បានប្រកាសស្វាគមន៍ការអនុម័តច្បាប់លក់អាវុធអោយខ្លួនដោយសភាអាមេរិក និងថ្លែងអំណរគុណដល់រដ្ឋាភិបាលក្រុងវ៉ាស៊ីនតោន។ រដ្ឋាភិបាលនេះក៏ប្រកាសថា ខ្លួននឹងកំណត់ទំហំថវិកាសម្រាប់ទិញសព្វាវុធថ្មីនេះនៅឆ្នាំក្រោយ។ ការទទួលបានសព្វាវុធថ្មនេះ នឹងជួយអោយរដ្ឋាភិបាលក្រុងតៃប៉ិក អាចមានលទ្ធភាពការពារខ្លួន ទប់ទលនឹងការវាយប្រហាររបស់ក្រុងប៉េកាំងដែលជាសត្រូវជិតខាងខ្លួន។
សហរដ្ឋអាមេរិក ទទួលស្គាល់ប្រទេសចិនតែមួយ ប៉ុន្តែប្រទេសនេះក៏មានកាតព្វកិច្ចមួយក្នុងការផ្គត់ផ្គង់សព្វាវុធសម្រាប់ពង្រឹងវិស័យការពារជាតិដល់រដ្ឋាភិបាលតៃវ៉ាន់។ យ៉ាងណាក៏ដោយ ក្រុងប៉េកាំងមិនបានខ្វល់ខ្វាយថាវាជាកាតព្វកិច្ចផ្លូវច្បាប់ឬយ៉ាងណាទេ ដោយចិនប្រឆាំងរាល់ការផ្គត់ផ្គង់សព្វាវុធដល់កោះតៃវ៉ាន់។ រដ្ឋាភិបាលក្រុងប៉េកាំងបានប្រកាសហើយថា ខ្លួនចាត់ទុកតៃវ៉ាន់ត្រឹមតែជាដែនកោះមួយរបស់ខ្លួនប៉ុណ្ណោះដែលទាមទារផ្តាច់ខ្លួនប៉ុណ្ណោះ ហើយក្រុងប៉េកាំងនឹងប្រើប្រាស់កម្លាំងដើម្បីយកទឹកដីមកវិញប្រសិនបើចាំបាច់។
គួរបញ្ជាក់ថា ទំនាក់ទំនងរវាងប្រទេសទាំងពីរអាមេរិក និងចិនប្រឈមមុខបញ្ហាអស់ពេលយូរមកហើយដោយសារបញ្ហាកោះតៃវ៉ាន់ ដែលកោះនេះបានប្រកាសខ្លួនជារដ្ឋឯករាជ្យក្រោយពេលកងកម្លាំងជាតិនិយមចាញ់សង្គ្រាមកងទ័ពកុម្មុយនីស្តនៅឆ្នាំ ១៩៤៩ ។ ចំណែកទំនាក់ទំនងចិននិងតៃវ៉ាន់ដែលធ្លាប់តានតឹងបានត្រលប់មករកភាពល្អប្រសើរក្រោយពេលប្រធានាធិបតីតៃវ៉ាន់ Ma Ying Jeou ឡើងកាន់តំណែងឆ្នាំ ២០០៨ ៕
លោក សៅ ផលនិស្ស័យ លម្អិតព័ត៌មាននេះ៖
សភាអាមេរិកបានអនុម័តច្បាប់ថ្មីមួយ ដោយបើកផ្លូវអោយលោកប្រធានាធិបតី បារ៉ាក់ អូបាម៉ា អាចបញ្ជូននាវាចម្បាំងបំពាក់កាំជ្រួចមីស៊ីល ៤គ្រឿងទៅអោយរដ្ឋាភិបាលតៃវ៉ាន់។ លោក អូបាម៉ា បានចុះហត្ថលេខាលើច្បាប់ដែលអនុម័តដោយសភានេះតាំងពីថ្ងៃព្រហស្បតិ៍មកម្ល៉េះ ប៉ុន្តែចិនដែលមិនដែលចាត់ទុកតៃវ៉ាន់ជារដ្ឋនោះបានបង្ហាញការខកចិត្តនិងខឹងសម្បារក្រុងវ៉ាស៊ីនតោនជាខ្លាំង។ ក្រុងប៉េកាំងបានប្រកាសតវ៉ាចំពោះការយល់ព្រមបញ្ជូននាវាចម្បាំងជាច្រើនគ្រឿងទៅអោយតៃវ៉ាន់ ហើយស្នើសុំអោយរដ្ឋាភិបាលអាមេរិកបញ្ឈប់ការបន្តលក់សព្វាវុធទៅអោយតៃវ៉ាន់ ដោយលើកហេតុផលថា ទឹកដីតៃវ៉ាន់ជាកោះរបស់ខ្លួនតែប៉ុណ្ណោះ។
តាមពិតទៅលោក បារ៉ាក់ អូបាម៉ា សម្រេចចុះហត្ថលេខាលើច្បាប់នេះកាលពីថ្ងៃព្រហស្បតិ៍ ច្បាប់ថ្មីនេះក៏កំណត់ពីការបើកផ្លូវដល់រដ្ឋាភិបាលអាមេរិកបញ្ជូនសព្វាវុធ (នាវាបួនគ្រឿង) ទៅអោយតៃវ៉ាន់ ដោយការបញ្ជូនសព្វាវុធនេះជាកាតព្វកិច្ចផ្លូវច្បាប់របស់សហរដ្ឋអាមេរិក។ អ្នកនាំពាក្យក្រសួងការបរទេសចិនម្នាក់បានបញ្ជាក់ថា រដ្ឋាភិបាលក្រុងប៉េកាំងពិតជាមិនពេញចិត្តឡើយចំពោះទង្វើរបស់ក្រុងវ៉ាស៊ីនតោន ជាពិសេសច្បាប់ថ្មីដែលអនុម័តដោយសភានោះ។ លោកបានបន្ថែមថា រដ្ឋាភិបាលចិននៅតែប្រឆាំងរាល់ការផ្គត់ផ្គង់អាវុធទៅដល់រដ្ឋាភិបាលក្រុងតៃប៉ិក ហើយចិនត្រូវតែបង្ហាញការតវ៉ាតាមផ្នែកការទូតដើម្បីជំរុញអោយរដ្ឋាភិបាលក្រុងវ៉ាស៊ីនតោនពិចារណាលើសកម្មភាពរបស់ខ្លួន។
យ៉ាងណាក៏ដោយក្រៅពីបង្ហាញការប្រឆាំងអ្នកនាំពាក្យចិនខាងលើ បានព្រមានថា បញ្ហាតៃវ៉ាន់ជារឿងដែលរស៊ើបបំផុត និងអាចធ្វើអោយប៉ះពាល់ដល់ចំពោះទំនាក់ទំនងការទូតរវាងចិន និងសហរដ្ឋអាមេរិក។ ដោយឡែករដ្ឋាភិបាលតៃវ៉ាន់បានប្រកាសស្វាគមន៍ការអនុម័តច្បាប់លក់អាវុធអោយខ្លួនដោយសភាអាមេរិក និងថ្លែងអំណរគុណដល់រដ្ឋាភិបាលក្រុងវ៉ាស៊ីនតោន។ រដ្ឋាភិបាលនេះក៏ប្រកាសថា ខ្លួននឹងកំណត់ទំហំថវិកាសម្រាប់ទិញសព្វាវុធថ្មីនេះនៅឆ្នាំក្រោយ។ ការទទួលបានសព្វាវុធថ្មនេះ នឹងជួយអោយរដ្ឋាភិបាលក្រុងតៃប៉ិក អាចមានលទ្ធភាពការពារខ្លួន ទប់ទលនឹងការវាយប្រហាររបស់ក្រុងប៉េកាំងដែលជាសត្រូវជិតខាងខ្លួន។
សហរដ្ឋអាមេរិក ទទួលស្គាល់ប្រទេសចិនតែមួយ ប៉ុន្តែប្រទេសនេះក៏មានកាតព្វកិច្ចមួយក្នុងការផ្គត់ផ្គង់សព្វាវុធសម្រាប់ពង្រឹងវិស័យការពារជាតិដល់រដ្ឋាភិបាលតៃវ៉ាន់។ យ៉ាងណាក៏ដោយ ក្រុងប៉េកាំងមិនបានខ្វល់ខ្វាយថាវាជាកាតព្វកិច្ចផ្លូវច្បាប់ឬយ៉ាងណាទេ ដោយចិនប្រឆាំងរាល់ការផ្គត់ផ្គង់សព្វាវុធដល់កោះតៃវ៉ាន់។ រដ្ឋាភិបាលក្រុងប៉េកាំងបានប្រកាសហើយថា ខ្លួនចាត់ទុកតៃវ៉ាន់ត្រឹមតែជាដែនកោះមួយរបស់ខ្លួនប៉ុណ្ណោះដែលទាមទារផ្តាច់ខ្លួនប៉ុណ្ណោះ ហើយក្រុងប៉េកាំងនឹងប្រើប្រាស់កម្លាំងដើម្បីយកទឹកដីមកវិញប្រសិនបើចាំបាច់។
គួរបញ្ជាក់ថា ទំនាក់ទំនងរវាងប្រទេសទាំងពីរអាមេរិក និងចិនប្រឈមមុខបញ្ហាអស់ពេលយូរមកហើយដោយសារបញ្ហាកោះតៃវ៉ាន់ ដែលកោះនេះបានប្រកាសខ្លួនជារដ្ឋឯករាជ្យក្រោយពេលកងកម្លាំងជាតិនិយមចាញ់សង្គ្រាមកងទ័ពកុម្មុយនីស្តនៅឆ្នាំ ១៩៤៩ ។ ចំណែកទំនាក់ទំនងចិននិងតៃវ៉ាន់ដែលធ្លាប់តានតឹងបានត្រលប់មករកភាពល្អប្រសើរក្រោយពេលប្រធានាធិបតីតៃវ៉ាន់ Ma Ying Jeou ឡើងកាន់តំណែងឆ្នាំ ២០០៨ ៕
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 6 ថ្ងៃ
