អន្តរជាតិ
ការវាយប្រហារ៣ដងជាប់គ្នានៅបារាំងអាចជាប់ពាក់ព័ន្ធករណីភេរវកម្ម
× រថយន្តមួយគ្រឿងបានបោលសម្រុកចូលក្នុងហាងលក់របស់របរសម្រាប់បុណ្យណូអែល នៅក្នុងប្រ ទេសបារាំងកាលពីយប់ថ្ងៃចន្ទម្សិលមិញដែលបានបណ្តាលអោយមនុស្សយ៉ាងតិច ១០នាក់រងរបួស។ ការវាយប្រហារនេះត្រូវបានគេចាត់ទុកជាការវាយប្រហារលើកទី៣ប្រឆាំងនឹងប្រជាជនស៊ីវិលក្នុងរយៈពេលបីថ្ងៃ។
ស្តាប់សំឡេង
កាលពីម្សិលមិញនេះ មានការវាយប្រហារមួយលើហាងលក់របស់របរសម្រាប់បុណ្យ Christmas នៅ ក្នុងទីក្រុង Nantes ប្រទេសបារាំង។ រថយន្តមួយគ្រឿងបានបើកយ៉ាងលឿនសំដៅចូលក្នុងហាងនោះ និងបានបណ្តាលអោយមនុស្សយ៉ាងតិច១០នាក់រងរបួស។ បើតាមការអោយដឹងពីអាជ្ញាធរ យ៉ាងហោចណាស់ មនុស្សបួននាក់រងរបួសធ្ងន់ ដោយសារការវាយប្រហារនេះ។ ហេតុការណ៍វាយប្រហារនេះ កើតឡើង នៅម៉ោងប្រហែល៧យប់ថ្ងៃចន្ទ នៅក្នុងតំបន់ដែលមានមនុស្សកុះករកំពុងទិញរបស់របរសម្រាប់ថ្ងៃ Christmas។
បើតាមសាក្សីនៅកន្លែងកើតហេតុ ជនបង្កបានបន្ថែមល្បឿនរថយន្តយ៉ាង លឿនសំដៅទៅកន្លែងហាងដែលមានមនុស្សប្រមូលផ្តុំគ្នាច្រើន ក្រោយបើកបុកប្រជាជនហើយនោះ ជនបង្កបានចាក់ខ្លួនឯងជាច្រើនកាំបិតរហូតរបួសធ្ងន់ធ្ងរ។ ក្រោយករណីវាយប្រហារកើតឡើង ការស៊ើបអង្កេតបានកើតឡើងភ្លាមដែរ ដើម្បីកំណត់អត្តសញ្ញាណជនបង្កហេតុ។ បើតាមអាជ្ញាធរក្នុងតំបន់ ករណីវាយប្រហារលើកនេះ ជា ករណីលើកទីបីហើយ ដោយបុគ្គលប្រឆាំងជនស៊ីវិល និងកងកម្លាំងសន្តិសុខនៅប្រទេសបារាំង ក្នុងរយៈពេលបីថ្ងៃកន្លងមក។ បើទោះជាមានការវាយប្រហារជាប់ៗគ្នាក៏ដោយ ក៏អាជ្ញាធរបារាំងបានចេញសេចក្តីថ្លែងការណ៍បន្ទាន់បកស្រាយថា ការវាយប្រហារមិនមានជាប់ពាក់ព័ន្ធអ្វីនឹងករណីភេរវកម្មនោះឡើយ។
តាមពិតទៅគេសង្ស័យថាការវាយប្រហារនេះ អាចជាករណីភេរវកម្ម ដោយបញ្ហានេះកើតមានឡើងស្របពេលដែលគេបង្ហាញទិន្នន័យថាជនជាតិបារាំងដែលឆ្លងដែនទៅចូលរួមជាមួយក្រុមរដ្ឋឥស្លាមមានច្រើនបើប្រៀបធៀបប្រទេសផ្សេងទៀតលើពិភពលោក។
កាលពីថ្ងៃអាទិត្យ នៅទីក្រុងDijon ប្រទេសបារាំងមានករណីបើករថយន្តបុករះជនស៊ីវិលនៅតាមផ្លូវ ដែលបានបណ្តាលអោយមនុស្សប្រហែល១០នាក់រងរបួស ប៉ុន្តែអ្នកបើកបរនោះត្រូវបានគេអះអាងថា មានបញ្ហាខួរក្បាលមិនមែនភេរវជនរដ្ឋឥស្លាមនោះឡើយ។ ចំណែកកាលពីថ្ងៃសៅរ៍ ក៏មានករណីវាយប្រហារមួយកើតឡើងដែរ ដោយជនម្នាក់បានប្រើប្រាស់កាំបិតចាក់ក្រុមសន្តិសុខ បណ្តាលអោយមានមនុស្ស៣នាក់រងរបួសថែមទៀតផង។ យ៉ាងណាក៏ដោយ ករណីវាយប្រហារពីរដង ជនបង្ករសុទ្ធតែប្រើប្រាស់ភាសាឥស្លាមមុប៧បបប៧ននឹងចាប់ផ្តើមវាយប្រហារ។
ចំណែករដ្ឋាភិបាលលោក ហ្វ្រង់ស្វ័រ ហូឡង់ បានបង្ហាញក្តីបារម្ភ និងបញ្ជាអោយនាយករដ្ឋមន្ត្រីរបស់លោក ចាត់ចែងកិច្ចប្រជុំគណៈរដ្ឋមន្ត្រីនៅថ្ងៃអង្គារនេះដើម្បីជជែកពិភាក្សាពីករណីវាយប្រហារនិងស្វែងវិធានការទប់ស្កាត់ក្រែងអាចមានករណីវាយប្រហារដោយក្រុមភេរវជនកើតមានឡើង៕
© រក្សាសិទ្ធិដោយ thmeythmey.com