ជាតិ
បទយកការណ៍ / បទសម្ភាសន៍
×![]()
សៀមរាប៖ នៅព្រឹកថ្ងៃព្រហស្បតិ៍នេះ មានការបោះឆ្នោតជ្រើសរើសប្រធានសហគមន៍គ្រប់គ្រងទឹកបារាយណ៍ខាងលិច ដែលស្ថិតក្នុងតំបន់អាជ្ញាធរអប្សរា។ កាលពីថ្ងៃទី១ ខែកក្កដា ឆ្នាំ២០១៤ រាជរដ្ឋាភិបាលកម្ពុជា បានចេញ ស.ជ.ណ ផ្ទេរភារកិច្ចគ្រប់គ្រងបារាយណ៍ខាងលិចពីក្រសួងធនធានទឹក និងឧតុនិយម មកឲ្យអាជ្ញាធរអប្សរា ជាអ្នកគ្រប់គ្រងជំនួស។ លោក ហួត ហាយ ត្រូវបានបោះឆ្នោត ឲ្យក្លាយជាប្រធានសហគមន៍ថ្មីជំនួសលោក ក្រួចអេង ដែលមានវ័យជរា។ ចង់ដឹងថា តើការគ្រប់គ្រងទឹកក្នុងបារាយណ៍ខាងលិច មានសារប្រយោជន៍អ្វីខ្លះ និងថា ការងារនេះ បានចាប់ផ្តើមតាំងពីពេលណាមក សូមអានបទសម្ភាសន៍ខ្លីរវាងអ្នកសារព័ត៌មានថ្មី និងលោក ក្រូច អេង ដែលបានក្លាយជាទីប្រឹក្សានៃសហគមន៍កសិករប្រើប្រាស់ទឹកប្រព័ន្ធធារាសាស្ត្របារាយណ៍ខាងលិច ដូចតទៅ។
អ៊ីសា រ៉ហានី៖ ប្រធានថ្មីត្រូវបានជ្រើសរើសហើយ តើលោកគិតថា អ្នកថ្មី នឹងអាចគ្រប់គ្រងការងារបានល្អដូចលោក ដែរឫទេ?
ក្រួច អេង៖ គាត់ធ្លាប់ជាសមាជិកខាងសហគមន៍ដែរ ហើយការងារគាត់ល្អ។ ដោយសារជរាភាពផង កន្លងមកខ្ញុំបានដាក់ពាក្យឈប់ប៉ុន្មានដងដែរ។ ខ្ញុំគិតថា គាត់(ប្រធានថ្មី) នឹងជួយធ្វើការងារជំនួសខ្ញុំ ឲ្យបានល្អ ដើម្បីបម្រើប្រជាពលរដ្ឋក្នុងភូមិ ឃុំយើង រឿងប្រើប្រាស់ទឹកបារាយណ៍នេះ។
អ៊ីសា រ៉ហានី៖ លោកអាចពន្យល់បានទេ តើការគ្រប់គ្រងទឹកបារាយណ៍មានន័យយ៉ាងដូចម្តេច ហើយត្រូវបែងចែកគ្នាដោយរបៀបណាដែរ?
ក្រួច អេង៖ ការគ្រប់គ្រង និងការប្រើប្រាស់ទឹកបារាយណ៍ គឺធ្វើយ៉ាងណាធានាថា ប្រជាពលរដ្ឋមានទឹកប្រើប្រាស់គ្រប់គ្រាន់ សមភាព ឬស្មើភាពគ្នា ដើម្បីបង្កបង្កើនផលស្រូវ និងដំណាំផ្សេងៗ ។ មូលហេតុដែលយើងបង្កើនសហគមន៍នេះឡើង គឺគ្រប់គ្រង ថែរក្សា ជួសជុល និងដើម្បីរៀបចំលិខិតស្នើសុំទឹក ទៅអ្នកគ្រប់គ្រង ដូចសព្វថ្ងៃអាជ្ញាធរអប្សរា ជាអ្នកគ្រប់គ្រង ពេលមានតម្រូវការ យើងត្រូវស្នើសុំ មុននឹងបើកទឹកប្រើប្រាស់។ ភូមិណា ត្រូវការប្រើទឹក ត្រូវប្រាប់សហគមន៍ជាមុនសិន។
អ៊ីសា រ៉ហានី៖ តើ «សហគមន៍កសិករប្រើប្រាស់ទឹកប្រព័ន្ធធារាសាស្ត្របារាយណ៍» ដែលលោកជាអ្នកគ្រប់គ្រងតាំងពីដំបូងមកនោះ នៅឆ្នាំណា ហើយមានប្រជាជនប៉ុន្មានគ្រួសារ?
ក្រួច អេង៖ សហគមន៍បង្កើតនៅខែ ឧសភា ឆ្នាំ២០០៣ ។ យើងមានអាណត្តិ៣ឆ្នាំ តែដោយសារការជាប់រវល់ និងការងារផ្សេងៗ ទើបការបោះឆ្នោតបន្ទាប់ បានឈានរហូតមកដល់ថ្ងៃទី២៥ ខែធ្នូនេះ។ ប្រព័ន្ធធារាសាស្ត្របារាយណ៍ខាងលិច ពាក់ព័ន្ធ៤៦ភូមិ ៨ឃុំ/សង្កាត់ មានឃុំខ្នាត ឃុំកែវពណ៌ ឃុំពួក និងឃុំសំរោងយា ស្ថិតនៅស្រុកពួក និងសង្កាត់ទឹកវិល សង្កាត់ក្របីរៀល សង្កាត់ស្រង៉ែ និងសង្កាត់សំបូរ ក្រុងសៀមរាប។ ក្នុងនោះ មានស្រូវ ១២,០០០ហិកតា ដែលស្រូវវស្សា ៨០០០ហិកតា ស្រូវប្រាំង ៤០០០ហិកតា និងដំណាំរួមផ្សំចំនួន ១០០០ហិកតាទៀត។
អ៊ីសា រ៉ហានី៖ តើការបែងចែក ឲ្យប្រជាពលរដ្ឋប្រើប្រាស់ទឹក មានដំណាក់យ៉ាងណាខ្លះ?
ក្រួច អេង៖ វាមាន៣ដំណាក់កាល។ ដំណាក់កាលទី១ យើងស្រោចស្រប់ស្រែដំឡើងទឹក ទី២ បណ្តេញទឹក និងទី៣ ការស្រោចស្រប់ស្រូវប្រាំង។ នៅមូលដ្ឋានខ្ញុំ ការប្រើប្រាស់ ពុំមានដាក់វេនគ្នាទេ ដោយសារស្រែនៅជិតប្រឡាយស្រាប់ ចឹងបើកដាក់ៗ ទាល់តែពេញ។
អ៊ីសា រ៉ហានី៖ តើការប្រើប្រាស់របស់ប្រជាពលរដ្ឋ មានយកលុយសេវាអ្វីទេ?
ក្រួច អេង៖ មានការបង់ថ្លៃសេវាប្រើប្រាស់ទឹកដែរ ក្នុងមួយហិកតាតម្លៃ ១៥០០០ រៀល។ ជាទៀងទាត់ យើងប្រមូលនៅខែមេសា ឫខែឧសភា ដោយមានវិក័យប័ត្រត្រឹមត្រូវ។ ថវិកាដែលបានមក យើងរៀបចំជួសជុលបារាយណ៍ ឫស្តារបារាយណ៍ជាដើម៕
អ៊ីសា រ៉ហានី៖ ប្រធានថ្មីត្រូវបានជ្រើសរើសហើយ តើលោកគិតថា អ្នកថ្មី នឹងអាចគ្រប់គ្រងការងារបានល្អដូចលោក ដែរឫទេ?
ក្រួច អេង៖ គាត់ធ្លាប់ជាសមាជិកខាងសហគមន៍ដែរ ហើយការងារគាត់ល្អ។ ដោយសារជរាភាពផង កន្លងមកខ្ញុំបានដាក់ពាក្យឈប់ប៉ុន្មានដងដែរ។ ខ្ញុំគិតថា គាត់(ប្រធានថ្មី) នឹងជួយធ្វើការងារជំនួសខ្ញុំ ឲ្យបានល្អ ដើម្បីបម្រើប្រជាពលរដ្ឋក្នុងភូមិ ឃុំយើង រឿងប្រើប្រាស់ទឹកបារាយណ៍នេះ។
អ៊ីសា រ៉ហានី៖ លោកអាចពន្យល់បានទេ តើការគ្រប់គ្រងទឹកបារាយណ៍មានន័យយ៉ាងដូចម្តេច ហើយត្រូវបែងចែកគ្នាដោយរបៀបណាដែរ?
ក្រួច អេង៖ ការគ្រប់គ្រង និងការប្រើប្រាស់ទឹកបារាយណ៍ គឺធ្វើយ៉ាងណាធានាថា ប្រជាពលរដ្ឋមានទឹកប្រើប្រាស់គ្រប់គ្រាន់ សមភាព ឬស្មើភាពគ្នា ដើម្បីបង្កបង្កើនផលស្រូវ និងដំណាំផ្សេងៗ ។ មូលហេតុដែលយើងបង្កើនសហគមន៍នេះឡើង គឺគ្រប់គ្រង ថែរក្សា ជួសជុល និងដើម្បីរៀបចំលិខិតស្នើសុំទឹក ទៅអ្នកគ្រប់គ្រង ដូចសព្វថ្ងៃអាជ្ញាធរអប្សរា ជាអ្នកគ្រប់គ្រង ពេលមានតម្រូវការ យើងត្រូវស្នើសុំ មុននឹងបើកទឹកប្រើប្រាស់។ ភូមិណា ត្រូវការប្រើទឹក ត្រូវប្រាប់សហគមន៍ជាមុនសិន។
អ៊ីសា រ៉ហានី៖ តើ «សហគមន៍កសិករប្រើប្រាស់ទឹកប្រព័ន្ធធារាសាស្ត្របារាយណ៍» ដែលលោកជាអ្នកគ្រប់គ្រងតាំងពីដំបូងមកនោះ នៅឆ្នាំណា ហើយមានប្រជាជនប៉ុន្មានគ្រួសារ?
ក្រួច អេង៖ សហគមន៍បង្កើតនៅខែ ឧសភា ឆ្នាំ២០០៣ ។ យើងមានអាណត្តិ៣ឆ្នាំ តែដោយសារការជាប់រវល់ និងការងារផ្សេងៗ ទើបការបោះឆ្នោតបន្ទាប់ បានឈានរហូតមកដល់ថ្ងៃទី២៥ ខែធ្នូនេះ។ ប្រព័ន្ធធារាសាស្ត្របារាយណ៍ខាងលិច ពាក់ព័ន្ធ៤៦ភូមិ ៨ឃុំ/សង្កាត់ មានឃុំខ្នាត ឃុំកែវពណ៌ ឃុំពួក និងឃុំសំរោងយា ស្ថិតនៅស្រុកពួក និងសង្កាត់ទឹកវិល សង្កាត់ក្របីរៀល សង្កាត់ស្រង៉ែ និងសង្កាត់សំបូរ ក្រុងសៀមរាប។ ក្នុងនោះ មានស្រូវ ១២,០០០ហិកតា ដែលស្រូវវស្សា ៨០០០ហិកតា ស្រូវប្រាំង ៤០០០ហិកតា និងដំណាំរួមផ្សំចំនួន ១០០០ហិកតាទៀត។
អ៊ីសា រ៉ហានី៖ តើការបែងចែក ឲ្យប្រជាពលរដ្ឋប្រើប្រាស់ទឹក មានដំណាក់យ៉ាងណាខ្លះ?
ក្រួច អេង៖ វាមាន៣ដំណាក់កាល។ ដំណាក់កាលទី១ យើងស្រោចស្រប់ស្រែដំឡើងទឹក ទី២ បណ្តេញទឹក និងទី៣ ការស្រោចស្រប់ស្រូវប្រាំង។ នៅមូលដ្ឋានខ្ញុំ ការប្រើប្រាស់ ពុំមានដាក់វេនគ្នាទេ ដោយសារស្រែនៅជិតប្រឡាយស្រាប់ ចឹងបើកដាក់ៗ ទាល់តែពេញ។
អ៊ីសា រ៉ហានី៖ តើការប្រើប្រាស់របស់ប្រជាពលរដ្ឋ មានយកលុយសេវាអ្វីទេ?
ក្រួច អេង៖ មានការបង់ថ្លៃសេវាប្រើប្រាស់ទឹកដែរ ក្នុងមួយហិកតាតម្លៃ ១៥០០០ រៀល។ ជាទៀងទាត់ យើងប្រមូលនៅខែមេសា ឫខែឧសភា ដោយមានវិក័យប័ត្រត្រឹមត្រូវ។ ថវិកាដែលបានមក យើងរៀបចំជួសជុលបារាយណ៍ ឫស្តារបារាយណ៍ជាដើម៕
© រក្សាសិទ្ធិដោយ thmeythmey.com
