ជាតិ
សង្គមជាតិ
អ្នករាជការដែលទទួលប្រាក់ចូលនិវត្តន៍មានជាង ៣សែននាក់
× ភ្នំពេញ៖ អតីតមន្ត្រីរាជការស៊ីវិល កងកម្លាំងប្រដាប់អាវុធ រួមមាន ប៉ូលីស ទាហាន ដែលត្រូវកំពុងទទួលបានប្រាក់ចូលនិវត្តន៍ពីរដ្ឋមានចំនួនជាង ៣សែននាក់។ នេះបើតាមការ បញ្ជាក់របស់រដ្ឋមន្ត្រីក្រសួងសង្គមកិច្ច លោក វង្ស សូត។
បន្ទាប់ពីជំនួបជាមួយគណៈកម្មការទី៨ នៃរដ្ឋសភា នារសៀលថ្ងៃទី២៥ ធ្នូម្សិមិញនេះ លោក វង្ស សូត បាននិយាយទៅកាន់អ្នកសារព័ត៌មានថា មន្ត្រីរាជការទាំងអស់ជាង ៣សែននាក់ ដែលកំពុងទទួលប្រាក់ចូលនិវត្តន៍ពីក្រសួងសង្គមកិច្ច។
លោកបញ្ជាក់ថា៖«អតីតមន្ត្រីរាជស៊ីវិលជាង ៩ម៉ឺននាក់ អតីតកម្លាំងប្រដាប់អាវុធ មានន័យថា ប៉ូលីស ទាហានមានជាង ៩ម៉ឺននាក់ និងអ្នកនៅក្នុងបន្ទុកចំនួន ១៧៥ពាន់នាក់ បូកសរុបទៅ ប្រហែលជា ៣សែនជាងនាក់កំពុងទទួលប្រាក់ពីក្រសួង»។
លើសពីនេះ លោកក៏បាននឹងកំពុងសិក្សា ដើម្បីបង្កើនរបបគោលនយោបាយជនពិការ និងបង្កើនរបបដល់ អ្នកគ្មានទីពឹងនៅតាមមណ្ឌលកុមារកំព្រាផងដែរ។
លោកថ្លែងយ៉ាងដូច្នេះថា៖«ខ្ញុំកំពុងកសាងអនុក្រឹត្យមួយដើម្បីគ្រប់គ្រងមណ្ឌលទាំងអស់ ហើយនឹងសិក្សាកែប្រែអនុក្រឹត្យកំណត់ប្រាក់ឲ្យអ្នកនៅតាមមណ្ឌលឲ្យបាន ៤ពាន់រៀលក្នុងមួយថ្ងៃ»៕
© រក្សាសិទ្ធិដោយ thmeythmey.com