ជាតិ
សង្គមជាតិ
គំរូកាសែត «នគរបាលជាតិ»
×![]()
អគ្គស្នងការដ្ឋាននគរបាលជាតិគ្រោងបោះពុម្ពកាសែតផ្តល់ព័ត៌មានផ្លូវការពីការងារសន្តិសុខជាតិ។ កាសែត១៦ទំព័រឈ្មោះថា «នគរបាលជាតិ» អាចមកដល់ទីផ្សារសារព័ត៌មានពេលឆាប់ៗខាងមុខនេះ ដើម្បីផ្សាយព័ត៌មានស្តីពីសកម្មភាពសំខាន់ៗ និងទិដ្ឋភាពអវិជ្ជមានផង នៃនគរបាលជាតិកម្ពុជា។
លោកវរសេនីយ៍ត្រី អាត់ បូនី ប្រធានគេហទំព័រ និងព័ត៌មាននៃអគ្គស្នងការដ្ឋាននគរបាលជាតិ ដែលជាអ្នកទទួកខុសត្រូវមួយរូបក្នុងការរៀបចំក្រុមការងារសារព័ត៌មាន បានប្រាប់សារព័ត៌មានថ្មីៗនៅព្រឹកថ្ងៃសៅរ៍នេះថា លោកកំពុងរៀបចំប្រមូលធនធានមនុស្ស ដើម្បីអាចដំណើរការកាសែត នគរបាលជាតិនេះ។
ហេតុអ្វីបានជាត្រូវបង្កើតកាសែត «នគរបាលជាតិ»? លោកវរសេនីយ៍ អាត់ បូនី ដែលនឹងក្លាយជានិពន្ធនាយកនៃកាសែតនេះបានពន្យល់យ៉ាងដូច្នេះថា៖«ជាការពិត កាសែតនេះនឹងផ្សព្វផ្សាយអំពីសកម្មភាពការងាររបស់នគរបាលជាតិ និងការងាររក្សាសន្តិសុខជាតិជាដើម។ ប៉ុន្តែលើសពីនេះ កាសែតនគរបាលជាតិនឹងក្លាយជាកាសែតផ្លូវការមួយដែលបង្ហាញអំពីព័ត៌មានត្រឹមត្រូវ ពិតប្រាកដនៃការងារសន្តិសុខជាតិ។ កន្លងមកយើងឃើញកាសែតជាច្រើនបានផ្សាយព័ត៌មានផ្សេងៗគ្នាក្នុងរឿងតែមួយដែលទាក់ទងនឹងការងារសន្តិសុខ»។
មិនមែនមានតែរឿងវិជ្ជមានរបស់នគរបាលជាតិ ដែលកាសែតនេះនឹងផ្តោតការចាប់អារម្មណ៍នោះឡើយ។ ទិដ្ឋភាពអសកម្ម និងអវិជ្ជមាននៃមន្ត្រីនគរបាលជាតិ ក៏នឹងត្រូវចុះផ្សាយដូចគ្នា។ នេះបើតាមការបញ្ជាក់របស់លោក អាត់ បូនី ដែលអះអាងថា ទំព័រមតិប្រជាពលរដ្ឋដែលរិះគន់ភាពអាសកម្មរបស់មន្ត្រីនគរបាល នឹងត្រូវបម្រុងទុកនៅក្នុងកាសែត១៦ទំព័រនេះ។
គួរបញ្ជាក់ថា កាសែតនគរបាលជាតិ គឺជាឧបករណ៍ផ្សព្វផ្សាយបន្ថែមមួយ ពីលើគេហទំព័រព័ត៌មាននគរបាលជាតិ ដែលកំពុងដំណើររួចហើយ។ មន្ត្រីប៉ូលីសនៅតាមស្នងការដ្ឋាននៃខេត្តរាជធានី គឺជាអ្នកយកព័ត៌មាន និងធ្វើសេចក្តីរាយការណ៍សម្រាប់គេហទំព័រព័ត៌មានដែលមានអសយដ្ឋាន www.police.gov.kh ដែលអ្នកសារព័ត៌មានទូទៅតែយកជាគោល បើទោះជាការផ្សព្វផ្សាយព័ត៌មានយឺតបន្តិចក៏ដោយ។
កាលពីដើមសប្តាហ៍នេះ ក្រុមថ្នាក់ដឹកនាំនៃសារព័ត៌មាន«នគរបាលជាតិ» ដឹកនាំដោយឧត្តមសេនីយ៍ឯក គៀត ច័ន្ទថារិទ្ធ បាននាំយកគំរូកាសែតទៅបង្ហាញរដ្ឋមន្ត្រីក្រសួងព័ត៌មាន លោក ខៀវ កាញារីទ្ធ៕
លោកវរសេនីយ៍ត្រី អាត់ បូនី ប្រធានគេហទំព័រ និងព័ត៌មាននៃអគ្គស្នងការដ្ឋាននគរបាលជាតិ ដែលជាអ្នកទទួកខុសត្រូវមួយរូបក្នុងការរៀបចំក្រុមការងារសារព័ត៌មាន បានប្រាប់សារព័ត៌មានថ្មីៗនៅព្រឹកថ្ងៃសៅរ៍នេះថា លោកកំពុងរៀបចំប្រមូលធនធានមនុស្ស ដើម្បីអាចដំណើរការកាសែត នគរបាលជាតិនេះ។
ហេតុអ្វីបានជាត្រូវបង្កើតកាសែត «នគរបាលជាតិ»? លោកវរសេនីយ៍ អាត់ បូនី ដែលនឹងក្លាយជានិពន្ធនាយកនៃកាសែតនេះបានពន្យល់យ៉ាងដូច្នេះថា៖«ជាការពិត កាសែតនេះនឹងផ្សព្វផ្សាយអំពីសកម្មភាពការងាររបស់នគរបាលជាតិ និងការងាររក្សាសន្តិសុខជាតិជាដើម។ ប៉ុន្តែលើសពីនេះ កាសែតនគរបាលជាតិនឹងក្លាយជាកាសែតផ្លូវការមួយដែលបង្ហាញអំពីព័ត៌មានត្រឹមត្រូវ ពិតប្រាកដនៃការងារសន្តិសុខជាតិ។ កន្លងមកយើងឃើញកាសែតជាច្រើនបានផ្សាយព័ត៌មានផ្សេងៗគ្នាក្នុងរឿងតែមួយដែលទាក់ទងនឹងការងារសន្តិសុខ»។
មិនមែនមានតែរឿងវិជ្ជមានរបស់នគរបាលជាតិ ដែលកាសែតនេះនឹងផ្តោតការចាប់អារម្មណ៍នោះឡើយ។ ទិដ្ឋភាពអសកម្ម និងអវិជ្ជមាននៃមន្ត្រីនគរបាលជាតិ ក៏នឹងត្រូវចុះផ្សាយដូចគ្នា។ នេះបើតាមការបញ្ជាក់របស់លោក អាត់ បូនី ដែលអះអាងថា ទំព័រមតិប្រជាពលរដ្ឋដែលរិះគន់ភាពអាសកម្មរបស់មន្ត្រីនគរបាល នឹងត្រូវបម្រុងទុកនៅក្នុងកាសែត១៦ទំព័រនេះ។
គួរបញ្ជាក់ថា កាសែតនគរបាលជាតិ គឺជាឧបករណ៍ផ្សព្វផ្សាយបន្ថែមមួយ ពីលើគេហទំព័រព័ត៌មាននគរបាលជាតិ ដែលកំពុងដំណើររួចហើយ។ មន្ត្រីប៉ូលីសនៅតាមស្នងការដ្ឋាននៃខេត្តរាជធានី គឺជាអ្នកយកព័ត៌មាន និងធ្វើសេចក្តីរាយការណ៍សម្រាប់គេហទំព័រព័ត៌មានដែលមានអសយដ្ឋាន www.police.gov.kh ដែលអ្នកសារព័ត៌មានទូទៅតែយកជាគោល បើទោះជាការផ្សព្វផ្សាយព័ត៌មានយឺតបន្តិចក៏ដោយ។
កាលពីដើមសប្តាហ៍នេះ ក្រុមថ្នាក់ដឹកនាំនៃសារព័ត៌មាន«នគរបាលជាតិ» ដឹកនាំដោយឧត្តមសេនីយ៍ឯក គៀត ច័ន្ទថារិទ្ធ បាននាំយកគំរូកាសែតទៅបង្ហាញរដ្ឋមន្ត្រីក្រសួងព័ត៌មាន លោក ខៀវ កាញារីទ្ធ៕
© រក្សាសិទ្ធិដោយ thmeythmey.com
