ជាតិ
ពីនេះ ពីនោះ
×![]()
ភ្នំពេញ៖ នៅក្នុងឆ្នាំ ២០១៤ នេះ មនុស្សមួយចំនួនបានសម្រេចកិច្ចការ ដែលពួកគេបាន មានផែនការទុកជាមុនប៉ុន្តែអ្នកមួយចំនួនទៀតមិនបានសម្រេចតាមគម្រោងឡើយ។
យុវជនអាយុ២៦ឆ្នាំ កែវ ហេង បានរំពឹងទុកក្នុងចិត្តថា លោកនឹងអាចបញ្ចប់ការសិក្សាថ្នាក់បរិញ្ញាបត្រភាសាអង់គ្លេសនៅដំណាច់ឆ្នាំ២០១៤នេះ។ ប៉ុន្តែក្តីសង្ឃឹមនេះបានរលាយបាត់ទៅវិញ។ កែវ ហេង ដែលជានិស្សិតនៅសាកលវិទ្យាល័យបញ្ញាសាស្ត្រកម្ពុជាមិនអាចបញ្ចប់ថ្នាក់សិក្សាភាសាអង់គ្លេសនេះឡើយ ដោយសារតែ កែវ ហេង បានសម្រេចចិត្តព្យូរមុខវិជ្ជាមួយនៅក្នុងឆ្នាំសិក្សាឆ្នាំ២០១៤នេះ ដើម្បីមានពេលវេលាធ្វើការ យកលុយចិញ្ចឹមជីវិតនៅក្នុងរាជធានីភ្នំពេញនេះ។ យុវជនសម្បុរស្រអែម មាឌស្តើងនិយាយក្នុងទឹក មុខស្ងួតថា៖«នៅក្នុងឆ្នាំ២០១៤នេះ ដោយសារជីវភាពខ្វះខាតខ្ញុំមិនជោគជ័យក្នុងការសិក្សា តាមការគិតទុកឡើយ។ ខ្ញុំសោកស្តាយខ្លាំង។ ប្រសិនជាខ្ញុំមិនព្យួរមុខវិជ្ជាខ្លះ ហើយប្រឹងរៀននោះ ក៏មិនអាចដែរ ព្រោះខ្ញុំគ្មានលុយមករៀនផង»។ កែវ ហេង សង្ឃឹមបន្តទៀតថា រូបគេនឹងអាចបញ្ចប់ថ្នាក់បរិញាបត្រភាសាអង់គ្លេសនៅឆ្នាំ២០១៥ខាងមុខ។
ខុសពី កែវ ហេង លោក អ៊ឹង គីមលាង អះអាងថា លោកទទួលបានជោគជ័យច្រើន ទាំងក្នុងការសិក្សា និងទាំងក្នុងការងារ។ និស្សិតឆ្នាំទី៣ ជំនាញគណនេយ្យនៅសាកលវិទ្យាល័យបញ្ញាសាស្ត្រកម្ពុជា ម្នាក់នេះបាន ប្រាប់ថា៖«ខ្ញុំបានសម្រេចការងារ និងការសិក្សាបានល្អប្រសើរមួយចំនួន ដូចជា ខ្ញុំរៀនបានពិន្ទុ ល្អប្រសើរគឺ កម្រិត A B និង B+។ ហើយថ្មីៗនេះ ខ្ញុំត្រូវបានម្ចាស់ក្រុមហ៊ុនមួយហៅទៅធ្វើការ ដោយសន្យាផ្តល់ប្រាក់ខែមួយសមរម្យដែរ»។
កញ្ញា សេរីរ័ត្ន ក៏ទទួលបានជោគជ័យលើការសិក្សាដែរ។ និស្សិតឆ្នាំទី២ ជំនាញវេជ្ជសាស្ត្រ នៅសាកលវិទ្យាល័យវិទ្យាសាស្ត្រសុខាភិបាលរូបនេះប្រាប់ថា នៅក្នុងឆ្នាំ២០១៤នេះ នាងបានប្រឡងជាប់អាហារូបករណ៍ផ្នែកវេជ្ជសាស្ត្រ ហើយទទួលការលើកទឹកចិត្តពីសាស្ត្រាចារ្យ និងមិត្តភក្តិរួមជំនាន់ជាច្រើន។ យុវតីវ័យ ១៩ឆ្នាំរូបនេះ រៀបរាប់ទាំងទឹកមុខញញឹមថា៖«ទោះបីជាត្រូវជម្នះឧបសគ្គក្នុងការសិក្សាមួយចំនួន ប៉ុន្តែខ្ញុំរីករាយនៅពេលដែលលោកគ្រូ អ្នកគ្រូ និងមិត្តភក្តិជួយលើកទឹកចិត្ត។ ខ្ញុំនឹងប្រឹងប្រែង បន្ថែមទៀត ដើម្បីប្រឡងយកអាហារូបករណ៍ទៅក្រៅប្រទេស»។
មិនមែនយុវជនគ្រប់គ្នា សុទ្ធតែមានជោគជ័យនោះទេ។ ឆ្នាំ២០១៤នេះ ទំនងជាឆ្នាំដ៏អាក្រក់បំផុតសម្រាប់ ម៉ម រ៉ាវុធ ដែលបរាជ័យទាំងការសិក្សា ការងារ និងស្នេហាទៀតនោះ។
និស្សិតអាយុ២៤ឆ្នាំ ផ្នែកធនាគារ ឆ្នាំទី៣នៃសាកលវិទ្យាល័យជាតិគ្រប់គ្រងរូបនេះមិនខ្លាចរៀបរាប់លម្អិតអំពីបរាជ័យរបស់ខ្លួននោះទេ។ «ខ្ញុំចំណាយពេលវេលា ដើរលេង ចាយលុយមិនគិត មិនខ្វល់ឡើយ។ ក្នុងឆ្នាំ២០១៤នេះ ខ្ញុំត្រូវប្រឡងសងលើមុខវិជ្ជាជាច្រើន ហើយនារីដែលខ្ញុំស្រឡាញ់ ក៏បន្ថយការទាក់ទងជាមួយខ្ញុំ ដោយសារខ្ញុំមិនមានលុយ និងដោយសារខ្ញុំរៀនមិនបានល្អ។ នៅពេលការសិក្សាខ្ញុំមិនល្អ ខ្ញុំរកការងារមិនបានដែរ»។ ឆ្លងកាត់ពិសោធន៍នេះ ម៉ម រ៉ាវុធ បានប្តេជ្ញាចិត្តថា គេនឹងកែប្រែខ្លួន ដើម្បីឲ្យឆ្នាំ២០១៥ ក្លាយជាឆ្នាំនៃពន្លឺជោគជ័យក្នុងជីវិតរបស់គេវិញ។ ម្យ៉ាងទៀត រ៉ាវុធ មានបំណងចង់បានជោគជ័យត្រចះត្រចង់ក្នុងការបញ្ចប់ថ្នាក់បរិញ្ញាបត្រក្នុងឆ្នាំ២០១៥ ៕
យុវជនអាយុ២៦ឆ្នាំ កែវ ហេង បានរំពឹងទុកក្នុងចិត្តថា លោកនឹងអាចបញ្ចប់ការសិក្សាថ្នាក់បរិញ្ញាបត្រភាសាអង់គ្លេសនៅដំណាច់ឆ្នាំ២០១៤នេះ។ ប៉ុន្តែក្តីសង្ឃឹមនេះបានរលាយបាត់ទៅវិញ។ កែវ ហេង ដែលជានិស្សិតនៅសាកលវិទ្យាល័យបញ្ញាសាស្ត្រកម្ពុជាមិនអាចបញ្ចប់ថ្នាក់សិក្សាភាសាអង់គ្លេសនេះឡើយ ដោយសារតែ កែវ ហេង បានសម្រេចចិត្តព្យូរមុខវិជ្ជាមួយនៅក្នុងឆ្នាំសិក្សាឆ្នាំ២០១៤នេះ ដើម្បីមានពេលវេលាធ្វើការ យកលុយចិញ្ចឹមជីវិតនៅក្នុងរាជធានីភ្នំពេញនេះ។ យុវជនសម្បុរស្រអែម មាឌស្តើងនិយាយក្នុងទឹក មុខស្ងួតថា៖«នៅក្នុងឆ្នាំ២០១៤នេះ ដោយសារជីវភាពខ្វះខាតខ្ញុំមិនជោគជ័យក្នុងការសិក្សា តាមការគិតទុកឡើយ។ ខ្ញុំសោកស្តាយខ្លាំង។ ប្រសិនជាខ្ញុំមិនព្យួរមុខវិជ្ជាខ្លះ ហើយប្រឹងរៀននោះ ក៏មិនអាចដែរ ព្រោះខ្ញុំគ្មានលុយមករៀនផង»។ កែវ ហេង សង្ឃឹមបន្តទៀតថា រូបគេនឹងអាចបញ្ចប់ថ្នាក់បរិញាបត្រភាសាអង់គ្លេសនៅឆ្នាំ២០១៥ខាងមុខ។
ខុសពី កែវ ហេង លោក អ៊ឹង គីមលាង អះអាងថា លោកទទួលបានជោគជ័យច្រើន ទាំងក្នុងការសិក្សា និងទាំងក្នុងការងារ។ និស្សិតឆ្នាំទី៣ ជំនាញគណនេយ្យនៅសាកលវិទ្យាល័យបញ្ញាសាស្ត្រកម្ពុជា ម្នាក់នេះបាន ប្រាប់ថា៖«ខ្ញុំបានសម្រេចការងារ និងការសិក្សាបានល្អប្រសើរមួយចំនួន ដូចជា ខ្ញុំរៀនបានពិន្ទុ ល្អប្រសើរគឺ កម្រិត A B និង B+។ ហើយថ្មីៗនេះ ខ្ញុំត្រូវបានម្ចាស់ក្រុមហ៊ុនមួយហៅទៅធ្វើការ ដោយសន្យាផ្តល់ប្រាក់ខែមួយសមរម្យដែរ»។
កញ្ញា សេរីរ័ត្ន ក៏ទទួលបានជោគជ័យលើការសិក្សាដែរ។ និស្សិតឆ្នាំទី២ ជំនាញវេជ្ជសាស្ត្រ នៅសាកលវិទ្យាល័យវិទ្យាសាស្ត្រសុខាភិបាលរូបនេះប្រាប់ថា នៅក្នុងឆ្នាំ២០១៤នេះ នាងបានប្រឡងជាប់អាហារូបករណ៍ផ្នែកវេជ្ជសាស្ត្រ ហើយទទួលការលើកទឹកចិត្តពីសាស្ត្រាចារ្យ និងមិត្តភក្តិរួមជំនាន់ជាច្រើន។ យុវតីវ័យ ១៩ឆ្នាំរូបនេះ រៀបរាប់ទាំងទឹកមុខញញឹមថា៖«ទោះបីជាត្រូវជម្នះឧបសគ្គក្នុងការសិក្សាមួយចំនួន ប៉ុន្តែខ្ញុំរីករាយនៅពេលដែលលោកគ្រូ អ្នកគ្រូ និងមិត្តភក្តិជួយលើកទឹកចិត្ត។ ខ្ញុំនឹងប្រឹងប្រែង បន្ថែមទៀត ដើម្បីប្រឡងយកអាហារូបករណ៍ទៅក្រៅប្រទេស»។
មិនមែនយុវជនគ្រប់គ្នា សុទ្ធតែមានជោគជ័យនោះទេ។ ឆ្នាំ២០១៤នេះ ទំនងជាឆ្នាំដ៏អាក្រក់បំផុតសម្រាប់ ម៉ម រ៉ាវុធ ដែលបរាជ័យទាំងការសិក្សា ការងារ និងស្នេហាទៀតនោះ។
និស្សិតអាយុ២៤ឆ្នាំ ផ្នែកធនាគារ ឆ្នាំទី៣នៃសាកលវិទ្យាល័យជាតិគ្រប់គ្រងរូបនេះមិនខ្លាចរៀបរាប់លម្អិតអំពីបរាជ័យរបស់ខ្លួននោះទេ។ «ខ្ញុំចំណាយពេលវេលា ដើរលេង ចាយលុយមិនគិត មិនខ្វល់ឡើយ។ ក្នុងឆ្នាំ២០១៤នេះ ខ្ញុំត្រូវប្រឡងសងលើមុខវិជ្ជាជាច្រើន ហើយនារីដែលខ្ញុំស្រឡាញ់ ក៏បន្ថយការទាក់ទងជាមួយខ្ញុំ ដោយសារខ្ញុំមិនមានលុយ និងដោយសារខ្ញុំរៀនមិនបានល្អ។ នៅពេលការសិក្សាខ្ញុំមិនល្អ ខ្ញុំរកការងារមិនបានដែរ»។ ឆ្លងកាត់ពិសោធន៍នេះ ម៉ម រ៉ាវុធ បានប្តេជ្ញាចិត្តថា គេនឹងកែប្រែខ្លួន ដើម្បីឲ្យឆ្នាំ២០១៥ ក្លាយជាឆ្នាំនៃពន្លឺជោគជ័យក្នុងជីវិតរបស់គេវិញ។ ម្យ៉ាងទៀត រ៉ាវុធ មានបំណងចង់បានជោគជ័យត្រចះត្រចង់ក្នុងការបញ្ចប់ថ្នាក់បរិញ្ញាបត្រក្នុងឆ្នាំ២០១៥ ៕
© រក្សាសិទ្ធិដោយ thmeythmey.com
