ជាតិ
សង្គមជាតិ
និយមន័យ «អភិបាលកិច្ចល្អ» តាមស្ថាប័ននិមួយៗ
× ស្ថាប័ននីមួយៗបានឲ្យនិយមន័យផ្សេងៗពីគ្នាទៅលើពាក្យថាអភិបាលកិច្ចល្អ។
១- កម្មវិធីអភិវឌ្ឍន៍របស់អង្គការសហប្រជាជាតិ UNDP (United Nation Development Program) បានឲ្យនិយមន័យ «អភិបាលកិច្ចល្អ» ថាជាសមត្ថភាពគ្រប់គ្រងកិច្ចការ និងធនធានរបស់ប្រទេសជាតិប្រកបដោយឆន្ទៈ មានលក្ខណៈបើកចំហ តម្លាភាព គណនេយ្យភាព សមធម៌ និងឆ្លើយតបតម្រូវការរបស់ប្រជាពលរដ្ឋ។
២- ចំណែកឯគម្រោងអភិបាលកិច្ចល្អមូលដ្ឋាននៃក្រសួងមហាផ្ទៃ បានឲ្យនិយមន័យថា «អភិបាលកិច្ចល្អ» គឺជាសកម្មភាព ជាដំណើរការ ជារបៀបនៃការដឹកនាំ ចាត់ចែង ឬបីបាច់ថែរក្សានិងជាការធ្ចើសេចក្តីសម្រចចិត្ត និងអនុវត្តសេចក្តីសម្រចចិត្តដែលប្រកាន់ភ្ជាប់នូវគោលការណ៍៨ចំណុចរូមមាន៖ ១/ ការចូលរួម ២/ ការឆ្លើយតម ៣/ គណនេយ្យភាព ៤/ ការព្រមព្រៀង ៥/ ការតម្លាភាព ៦/ សមភាព និងគ្រប់សមាជិកនៃសង្គម ៧/ ប្រសិទ្ធភាព ប្រសិទ្ធផល ៨/គោលការណ៍ច្បាប់ និតិរដ្ឋ។
៣- រីឯធនាគាពិភពលោកបានកំណត់និយមន័យអភិបាលកិច្ចល្អ ថាជា ច្បាប់ទម្លាប់ និងច្បាប់សំខាន់ៗដែលរដ្ឋអំណាចនៃប្រទេសមួយប្រើប្រាស់ដើម្បីផលប្រយោជន៍រួម។ នេះរួមមាន ៖ ១/ ដំណើរការជ្រើសរើស តាមដាន និងជំនួស អ្នកមានសិទ្ធិអំណាច ២/ សមត្ថភាពរបស់រដ្ឋាភិបាលក្នុងការគ្រប់គ្រងប្រកបដោយប្រសិទ្ធិភាពនូវធនធានរបសល់ខ្លួន និងអនុវត្តតាមគោលនយោបាយសមស្រប និង ៣/ ការគោរពរបស់ប្រជាពលរដ្ឋ និងរដ្ឋចំពោះច្បាប់ ឬស្ថាប័នដែលគ្រប់គ្រងអន្តរកម្មផ្នែកសេដ្ឋកិច្ច និងសង្គម៕
© រក្សាសិទ្ធិដោយ thmeythmey.com